ICCએ દાયકાની વન ડે ટીમ કરી જાહેર, ધોનીને બનાવ્યો કેપ્ટન, જાણો કોને કોને મળ્યું સ્થાન

આઈસીસીએ જાહેર કરેલી વન ડે ટીમમાં ઓપનર તરીકે રોહિત શર્મા અને ડેવિડ વોર્નરને સ્થાન આપવામાં આવ્યું છે.

(ફાઈલ તસવીર)

નવી દિલ્હીઃ ICC દ્વારા દાયકાની વન ડે ટીમ જાહેર કરવામાં આવી છે.  જેમાં કુલ ત્રણ ભારતીયોને સ્થાન આપવામાં આવ્યું છે. ધોનીને આ ટીમનો કેપ્ટન બનાવવામાં આવ્યો છે. ટીમમાં આ સિવાય રોહિત શર્માવિરાટ કોહલીને પણ સ્થાન મળ્યું છે. આઈસીસીએ જાહેર કરેલી વન ડે ટીમમાં ઓપનર તરીકે રોહિત શર્મા અને ડેવિડ વોર્નરને સ્થાન આપવામાં આવ્યું છે. જે પછી ત્રીજા ક્રમે વિરાટ કોહલી, ચોથા ક્રમે એબી ડિવિલિયર્સ, પાંચમાં ક્રમે શાકિબ અલ હસન, છઠ્ઠા ક્રમે એમએસ ધોની, સાતમા ક્રમે બેન સ્ટોક્સ, આઠમા ક્રમે મિચેલ સ્ટાર્ક, નવમા ક્રમે ટ્રેન્ટ બોલ્ટ, દસમા ક્રમે ઇમરાન તાહિર અને 11મા ક્રમે લસિથ મલિંગાને સ્થાન આપ્યું છે.

ICCએ જાહેર કરેલી દાયકાની વન ડે ટીમ - રોહિત શર્મા - ડેવિડ વોર્નર - વિરાટ કોહલી - એબી ડિવિલિયર્સ - શાકિબ અલ હસન - એમ એસ ધોની(કેપ્ટન) - બેન સ્ટોક્સ - મિચેલ સ્ટાર્ક - ટ્રેન્ટ બોલ્ટ - ઇમરાન તાહિર - લસિથ મલિંગા