T20 WC: સૂર્યા-કોહલી-રાહુલને આરામ, તેની જગ્યાએ વર્લ્ડકપની આવતીકાલની મેચમાં રમશે આ ખેલાડીઓ, જાણો

ટીમ ઇન્ડિયા પોતાના ત્રણ ટૉપ ઓર્ડર ખેલાડીઓને બીજી વૉર્મ-અપ મેચમાં આરામ આપવાનો પ્લાન બનાવી રહી છે

ફાઇલ તસવીર

IND Vs NZ Warm-UP Match: ન્યૂઝીલેન્ડ વિરુદ્ધ રમાનારી વૉર્મ-અપ મેચ પહેલી ટીમ ઇન્ડિયામાં કેટલાક મોટા ફેરફાર કરવામાં આવશે. બેસ્ટ ફોર્મમાં ચાલી રહેલા સૂર્યકુમાર યાદવને (Suryakumar Yadav) આ નેક્સ્ટ વૉર્મ-અપ મેચમાં આરામ આપવામા આવી શકે છે. તેની જગ્યાએ કેપ્ટન રોહિત શર્મા વિકેટકીપર બેટ્સમેન ઋષભ પંતને (Rishabh Pant) ટીમમાં સામેલ કરી શકે છે. આ સાથે કહી શકાય કે બીજી વૉર્મ-અપ મેચમાં ઋષભ પંત અને દીપક હુડ્ડાની વાપસી લગભગ નક્કી છે.

ટીમ ઇન્ડિયા પોતાના ત્રણ ટૉપ ઓર્ડર ખેલાડીઓને બીજી વૉર્મ-અપ મેચમાં આરામ આપવાનો પ્લાન બનાવી રહી છે. સૂર્યકુમાર યાદવ ઉપરાંત વિરાટ કોહલીને પણ ન્યૂઝીલેન્ડ વિરદ્ધ વૉર્મ-અપ મેચમાંથી બહાર રાખવામા આવી શકે છે. એટલુ જ નહીં કેએલ રાહુલ પણ બહાર થશે. આ ત્રણેય હાલમાં સારા ફોર્મમાં છે જેના કારણે કેપ્ટન અને કૉચે ત્રણેયને બીજી વૉર્મ-અપ મેચની પ્લેઇંગ ઇલેવનમાંથી બહાર રાખીને આરામ આપવાનો ફેંસલો કર્યો છે.

પાકિસ્તાન વિરુદ્ધ રવિવારે રમાનારી મહત્વની મેચને ધ્યાનમાં રાખતા આ ત્રણેય ખેલાડીઓને આરામ આપવામાં આવશે. આની સાથે જ ટીમ ઇન્ડિયા તે ખેલાડીઓને પણ મેચ પ્રેક્ટિસનો મોકો આપવા માંગે છે, જેમને ઓસ્ટ્રેલિયા રમાયેલી વૉર્મ-અપ મેચમાં હાથ અજમાવવાનો મોકો નથી મળ્યો. 

ચહલને પણ મોકો -
દીપક હુડ્ડાની સાથે બીજી વૉર્મ-અપ મેચમાં રોહિત શર્મા ઓપનિંગ કરી શકે છે, વળી, ઋષભ પંતને નંબર ત્રણ પર બેટિંગ કરવાનો મોકો આપવામાં આવશે. જોકે, બીજી વૉર્મ-અપ મેચમાં હાર્દિક પંડ્યા અને દિનેશ કાર્તિક બન્ને રમતા દેખાશે. 

બીજીબાજુ વાત કરીએ તો મોહમ્મદ શમીને પણ વધુ બૉલિંગ કરવાનો મોકો આપવામાં આવશે. ઓસ્ટ્રેલિયા સામે તેને માત્ર એક જ ઓવર નાંખી હતી, જે ભારતીય ટીમ માટે મેચ વિનિંગ સાબિત થઇ હતી. આ ઉપરાંત રોહિત શર્મા સ્ટાર સ્પીનર યુજવેન્દ્ર ચહલને પણ ન્યૂઝીલેન્ડ સામેની બીજી વૉર્મ-અપ મેચમાં અજમાવશે. 

પ્રથમ વૉર્મ-અપ મેચમાં રાહુલ અને સૂર્યાએ કરી હતી તોફાની બેટિંગ -
કેએલ રાહુલની તોફાની ફિફ્ટી
ભારતીય ઓપનર બેટ્સમેન કેએલ રાહુલે ઓસ્ટ્રેલિયા સામેની પ્રથમ વૉર્મ-અપ મેચમાં શાનદાર બેટિંગ કરતા તોફાની ફિફ્ટી ફટકારી દીધી હતી, રાહુલે માત્ર 33 બૉલમાં 6 ચોગ્ગા અને 3 છગ્ગાની મદદથી આક્ર્મક 57 રનની ઇનિંગ રમી હતી. 

સૂર્યકુમાર યાદવની દમદાર ફિફ્ટી
આ ઉપરાંત ભારતીય ટીમના મીડલ ઓર્ડર તોફાની બેટ્સમેન સૂર્યકુમાર યાદવે પણ ફરી એકવાર પોતાની બેટિંગનો દમ ઓસ્ટ્રેલિયામાં બતાવ્યો હતો. સૂર્યકુમારે વૉર્મ-અપ મેચમાં 6 ચોગ્ગા અને 1 છગ્ગા સાથે 33 બૉલમાં આક્રમક 50 રનની ઇનિંગ રમી હતી.