IND vs PAK LIVE Score: ભારતે પાકિસ્તાનને 120 રનનો ટાર્ગેટ આપ્યો
IND vs PAK T20 World Cup Live Score: અહીં તમને ભારત અને પાકિસ્તાન વચ્ચેની શાનદાર મેચનો લાઇવ સ્કોર અને આ મેચ સંબંધિત તમામ અપડેટ્સ મળશે.
LIVE
Background
IND vs PAK LIVE Score, T20 World Cup 2024: ટી20 વર્લ્ડ કપ 2024ની સૌથી મોટી મેચ શરૂ થવામાં માત્ર થોડી મિનિટો બાકી છે. આ મેચની ટોસ સાંજે 7.30 વાગ્યે થશે અને મેચ 8 વાગ્યે શરૂ થશે. ચાહકો આ મેચની આતુરતાથી રાહ જોઈ રહ્યા હતા.
ભારત અને પાકિસ્તાન વચ્ચેની મેચ ન્યૂયોર્કના નાસાઉ ઈન્ટરનેશનલ ક્રિકેટ સ્ટેડિયમમાં રમાશે. અહીંની પીચ ઝડપી બોલરો માટે મદદરૂપ દેખાઈ રહી છે અને બેટિંગ કરવી ઘણી મુશ્કેલ દેખાઈ રહી છે. જો કે આ મેચમાં પિચ એકદમ અલગ જોવા મળશે. વાસ્તવમાં ICCએ અહીં રમાયેલી બે મેચ બાદ પિચમાં ફેરફાર કરવા અંગે નિવેદન આપ્યું હતું.
આ મેચ પહેલા કેનેડા અને આયર્લેન્ડ વચ્ચે નાસાઉ ઈન્ટરનેશનલ ક્રિકેટ સ્ટેડિયમમાં મેચ રમાઈ હતી. તે સમયે અહીંની પિચમાં ઘણો બદલાવ જોવા મળ્યો હતો. જોકે, મેચ હજુ પણ લો સ્કોરિંગ રહી હતી.
પાકિસ્તાનનો સ્કોર 35/1
6 ઓવર પછી પાકિસ્તાનનો સ્કોર એક વિકેટે 35 રન છે. હાર્દિક પંડ્યાની આ ઓવરમાં રિઝવાને સિક્સર ફટકારી હતી. જોકે, ઓવરમાં માત્ર 9 રન જ આવ્યા હતા. રિઝવાન 23 બોલમાં 17 રન બનાવીને રમતમાં છે. ઉસ્માન ખાન એક રન પર છે.
પાકિસ્તાનનો સ્કોર 19-0
3 ઓવર પછી પાકિસ્તાનનો સ્કોર કોઈ પણ વિકેટ વિના 19 રન છે. બાબર આઝમ ચાર બોલમાં એક ફોર સાથે 9 રન પર છે. જ્યારે મોહમ્મદ રિઝવાન 14 બોલમાં આઠ રન પર છે. પાકિસ્તાનને હવે જીતવા માટે 101 રન બનાવવા પડશે.
પાકિસ્તાનને 120 રનનો ટાર્ગેટ
ન્યૂયોર્કના નાસાઉ સ્ટેડિયમમાં ટોસ હાર્યા બાદ પ્રથમ બેટિંગ કરવા આવેલી ભારતીય ટીમ માત્ર 119 રન જ બનાવી શકી હતી. પાકિસ્તાનને હવે 120 રનનો ટાર્ગેટ છે. ભારત તરફથી રિષભ પંતે 31 બોલમાં સૌથી વધુ 42 રન બનાવ્યા હતા. જ્યારે વિરાટ કોહલી 04, રોહિત શર્મા 13, સૂર્યકુમાર યાદવ 07, શિવમ દુબે 03 અને રવિન્દ્ર જાડેજા શૂન્ય રને આઉટ થયા હતા. પાકિસ્તાન તરફથી નસીમ શાહ અને હરિસ રઉફે 3-3 વિકેટ લીધી હતી. જ્યારે મોહમ્મદ આમિરને બે સફળતા મળી હતી.
હરિસે સતત બે વિકેટ લીધી હતી
હરિસ રઉફે 18મી ઓવરમાં ટીમ ઈન્ડિયાને બે મોટા ઝટકા આપ્યા હતા. હરિસે પહેલા હાર્દિક પંડ્યાને આઉટ કરીને પછી જસપ્રિત બુમરાહને પેવેલિયન મોકલ્યો હતો. 18 ઓવર પછી ભારતનો સ્કોર 9 વિકેટે 113 રન છે.
ભારતનો સ્કોર 50ને પાર
છઠ્ઠી ઓવરમાં 12 રન આવ્યા. જો કે આમાં ઋષભ પંતને પણ બે જીવ મળ્યા હતા. છેલ્લી બે ઓવરમાં કુલ 26 રન બનાવ્યા હતા. 6 ઓવર પછી ટીમ ઈન્ડિયાનો સ્કોર 2 વિકેટે 50 રન છે. અક્ષર પટેલ 12 બોલમાં 15 રન બનાવીને રમતમાં છે. રિષભ પંત 9 બોલમાં 15 રન બનાવીને રમી રહ્યો છે.
ટ્રેન્ડિંગ સમાચાર
ટોપ સ્ટોરી
