કેએલ રાહુલ અને પંત બન્ને એક જ ક્રિઝ પર પહોંચી ગયા પરંતુ આફ્રિકાના ખેલાડીઓ ના કરી શક્યા આઉટ, જુઓ મજેદાર VIDEO

રાહુલ અને પંત એકબીજાની સામે જોઈને કંઈક બોલતા રહ્યા, પરંતુ ટીમ ઈન્ડિયા માટે ‘ઓલ ઈઝ વેલ ઈન એન્ડ’.

Rishabh_Pant_05

IND vs SA: ભારત અને આફ્રિકા વચ્ચે ગઇકાલે બીજી વનડે પાર્લેમાં રમાઇ, સળંગ બીજી હાર મળતા ટીમ ઇન્ડિયાએ ટેસ્ટ સીરીઝ બાદ વનડે સીરીઝ પણ ગુમાવી દીધી છે. જોકે આ મેચ દરમિયાન ભારતીય ટીમની એક મોટી ભૂલ સામે આવી જેને ફેન્સના શ્વાસ અધ્ધર કરી દીધા હતા. ખરેખરમાં ચાલુ મેચે કેએલ રાહુલ અને ઋષભ પંત બન્ને એક જ ક્રિઝ પર આવી ગયા હતા, જોકે, સદનસીબે કોઇ આઉટ ન હતુ થયુ. આનો વીડિયો હાલમાં ખુબ વાયરલ થઇ રહ્યો છે. 

પંત અને કેએલ રાહુલ બન્ને રન લેવાની લ્હાયમાં એક જ ક્રિઝ પર આવી ગયા..........
બીજી ODI બંને ટીમો વચ્ચે પાર્લના બોલેન્ડ પાર્કમાં રમાઈ હતી, જેમાં ભારતીય ટીમે પ્રથમ બેટિંગ કરી હતી. આ 15મી ઓવરની ઘટના છે. ડાબોડી સ્પિનર ​​કેશવ મહારાજ બોલિંગ પર હતો અને ઋષભ પંત સ્ટ્રાઈક પર હતો. તે ઓવરનો છેલ્લો બોલ હતો. પંત મહારાજના આ બોલને શોર્ટ મિડવિકેટ તરફ રમ્યો અને રન બનાવીને આઉટ થયો. રાહુલ પણ બીજા છેડેથી રન માટે દોડ્યો હતો. પરંતુ પછી, ફિલ્ડરને આવતા જોઈને, પંત અટકી ગયો અને તેની ક્રિઝ પર પાછો ગયો, જ્યારે રાહુલ અધવચ્ચે જ અટકી ગયો અને તેની ક્રિઝ પર પાછા ફરવાને બદલે, પંત તરફ દોડ્યો. હવે બંને બેટ્સમેન એક જ ક્રીઝ પર હતા અને દક્ષિણ આફ્રિકાનો આસાન રન આઉટ નો મોકો સર્જાયો હતો. આ પછી રાહુલ અને પંત એકબીજાની સામે જોઈને કંઈક બોલતા રહ્યા, પરંતુ ટીમ ઈન્ડિયા માટે ‘ઓલ ઈઝ વેલ ઈન એન્ડ’. આ પછી બંનેએ ત્રીજી વિકેટ માટે ઝડપી અડધી સદીની ભાગીદારી કરી

Incredible pic.twitter.com/GejwkP5iLp

— Benaam Baadshah (@BenaamBaadshah4) January 21, 2022

દક્ષિણ આફ્રીકાએ બીજી વનડેમાં જીત મેળવી સીરીઝ પર કર્યો કબજો, ભારતનું પ્રદર્શન નિરાશાજનક
ભારત અને આફ્રિકા વચ્ચે રમાઈ રહેલી બીજી વનડે મેચમાં ટીમ ઈન્ડિયાએ ટોસ જીતી પ્રથણ  બેટિંગ કરવાનો નિર્ણય લીધો હતો. ભારતીય ટીમે પ્રથમ બેટિંગ કરતા સાઉથ આફ્રિકા સામે 288 રનનો ટાર્ગેટ રાખ્યો હતો. જેના જવાબમાં આફ્રિકાની ટીમે 48.1 ઓવરમાં 3 વિકેટ ગુમાવી ટાર્ગેટ હાંસિલ કર્યો છે. સાઉથ આફ્રિકાએ 7 વિકેટથી ટીમ ઈન્ડિયાને હરાવીને શ્રેણીમાં 2-0થી લીડ મેળવી છે.  પાવરપ્લે અને મિડલ ઓવરમાં ભારતીય બોલર્સનું શરમજનક પ્રદર્શન રહેતા ટીમ જરૂર હતી ત્યારે વિકેટ ઝડપી  શકી નહી. પરિણામે સાઉથ આફ્રિકન બેટ્સમેનોએ સરળતાથી ટાર્ગેટ હાંસિલ કરી મેચ જીતી સિરીઝમાં 2-0ની લીડ મેળવી છે. 

ભારત: કેએલ રાહુલ (કેપ્ટન), શિખર ધવન, વિરાટ કોહલી, ઋષભ પંત,  શ્રેયસ ઐયર, વેંકટેશ ઐયર, આર અશ્વિન, શાર્દુલ ઠાકુર, જસપ્રિત બુમરાહ, ભુવનેશ્વર કુમાર, યુઝવેન્દ્ર ચહલ.