IND vs WI: ભુવનેશ્વર કુમારે હાથમાં આવેલો કેચ પડતો મુકતા કેપ્ટન રોહિત શર્માએ બોલને લાત મારીને બતાવ્યો ગુસ્સો, વીડિયો થયો વાયરલ

IND vs WI, 2nd T20: ટીમ ઈન્ડિયાના ફાસ્ટ બોલર ભુવનેશ્વર કુમારે 16મી ઓવર દરમિયાન પોતાની જ બોલિંગમાં રોવમેન પોવેલનો હાથમાં આવેલો આસાન કેચ છોડ્યો ત્યારે આ ઘટના બની હતી.

ભુવનેશ્વર કુમારે કેચ છોડ્યા બાદ બોલને લાત મારતો રોહિત શર્મા. તસવીર સૌજન્યઃ ટ્વીટર

IND vs WI: ભારત અને વેસ્ટ ઈન્ડિઝ વચ્ચે ત્રણ મેચની T20 શ્રેણીની બીજી મેચ 18 ફેબ્રુઆરીએ કોલકાતાના ઈડન ગાર્ડન્સ સ્ટેડિયમમાં રમાઈ હતી. ટીમ ઈન્ડિયાએ આ મેચ 8 રનથી જીતીને શ્રેણીમાં 2-0ની અજેય સરસાઈ મેળવી લીધી છે. બીજી T20 દરમિયાન ફરી એકવાર કેપ્ટન રોહિત શર્માની ગુસ્સે ભરેલી સ્ટાઈલ દર્શકોને જોવા મળી.  ટીમ ઈન્ડિયાના ફાસ્ટ બોલર ભુવનેશ્વર કુમારે 16મી ઓવર દરમિયાન પોતાની જ બોલિંગમાં રોવમેન પોવેલનો હાથમાં આવેલો આસાન કેચ છોડ્યો ત્યારે આ ઘટના બની હતી.

ભુવનેશ્વર કુમારની 16મી ઓવરના પાંચમા બોલ પર મોટો શોટ રમવાના પ્રયાસમાં પોવેલે બોલને હવામાં ફટકાર્યો હતો. ભુવીએ આ કેચ પકડવામાં મોડું કર્યું, જેના કારણે તે બોલને પકડી શક્યો નહીં. આ કેચ પકડવા માટે વિકેટ કીપર રિષભ પંત અને કેપ્ટન રોહિત શર્મા પોતે આવી રહ્યા હતા, પરંતુ બોલરના કોલ બાદ બંને ખેલાડીઓ દૂર જ અટકી ગયા હતા. ભુવનેશ્વર કુમારે કેચ છોડતાં જ ગુસ્સે ભરાયેલા રોહિત શર્માએ બોલને લાત મારી હતી. આ વીડિયો સોશિયલ મીડિયા પર વાયરલ થયો છે.

pic.twitter.com/JNYZTNxmmd

— Addicric (@addicric) February 18, 2022

રોહિત શર્માનો આ ગુસ્સો જોયા બાદ સોશિયલ મીડિયા પર એક પ્રશંસકે કહ્યું કે રોહિત શર્માનું અપમાન નથી, પરંતુ કલ્પના કરો કે વિરાટ કોહલી હોત તો. જ્યારે ભુવીએ પોવેલનો કેચ છોડ્યો ત્યારે વિન્ડીઝનો આ બેટ્સમેન 23 બોલમાં 39 રન બનાવીને રમી રહ્યો હતો. પરંતુ આ અનુભવી બોલરે 19મી ઓવરમાં પોતાની ભૂલ સુધારી અને ટીમ ઈન્ડિયાને જીત અપાવી. ભુવીએ તેની છેલ્લી ઓવરમાં માત્ર ચાર રન આપીને મેચનો પલટો કર્યો હતો. આ ઓવરમાં તેણે પૂરનની વિકેટ પણ લીધી હતી.

પ્રથમ બેટિંગ કરતા ભારતે વેસ્ટઈન્ડિઝને 187 રનનો ટાર્ગેટ આપ્યો હતો. વેસ્ટ ઈન્ડિઝ નિર્ધારિત 20 ઓવરમાં ત્રણ વિકેટ ગુમાવીને 178 રન જ બનાવી શકી હતી. પોવેલે 36 બોલમાં ચાર ચોગ્ગા અને પાંચ છગ્ગાની મદદથી 68 રનની અણનમ ઈનિંગ રમી હતી.  

And another DROP!
This time it’s #Bhuvi!
Come on #TeamIndia 👏👏👏👏👏#INDvWI #INDvsWI #WIvIND #WIvsIND #Cricket pic.twitter.com/aAUDdCLeaG

— BlueCap 🇮🇳 (@IndianzCricket) February 18, 2022

Koo App

अच्छा किया #teamindia शानदार शो। एक वफादार भारतीय क्रिकेट शुभचिंतक के रूप में मैं यह देखने के लिए बेसब्री से इंतजार करूंगा कि कैसे कप्तान रोहित और कोच द्रविड़ टीम को नॉकआउट खेलों (आईसीसी) में ऐसा ही करने में मदद करते हैं। यहीं से किसी तरह टीम को मुश्किल हुई। #INDvWI #CRICKETONKOO

 

- Pragyan Ojha (@pragyanojha) 19 Feb 2022