વિન્ડીઝ સીરીઝ પહેલા ભારતનો મોટો ઝટકો, ઉપકેપ્ટન ઇજાના કારણે નહીં રમી શકે પ્રથમ વનડે, જાણો વિગતે

સ્ટાર ભારતીય ઓલરાઉન્ડર સ્નાયુઓ ખેંચાઇ જવાના કારણે પ્રથમ વનડેમાંથી બહાર થયો છે. જોકે, ભારતીય ક્રિકેટ બોર્ડ કે ટીમ મેનેજમેન્ટે અધિકારિક જાહેરાત નથી કરી. 

ફાઇલ તસવીર

India vs West Indies 1st ODI, Ravindra Jadeja: વેસ્ટ ઇન્ડિઝ વિરુદ્ધ સીરીઝ શરૂ થાય તે પહેલા ભારત માટે એક ખરાબ સમાચાર સામે આવ્યા છે. ટીમ ઇન્ડિયાને મોટો ઝટકો લાગ્યો છે. મીડિયા રિપોર્ટ્સ અનુસાર ટીમના ઉપકેપ્ટન રવીન્દ્ર જાડેજા પ્રથમ વનડે મેચ નહીં રમે.

ઉલ્લેખનીય છે કે સ્ટાર ભારતીય ઓલરાઉન્ડર સ્નાયુઓ ખેંચાઇ જવાના કારણે પ્રથમ વનડેમાંથી બહાર થયો છે. જોકે, ભારતીય ક્રિકેટ બોર્ડ કે ટીમ મેનેજમેન્ટે અધિકારિક જાહેરાત નથી કરી. 

સીનિયરો આ સીરીઝમાં નથી રમતા -
ખાસ વાત છે કે ટીમ ઇન્ડિયાનો રેગ્યુલર કેપ્ટન રોહિત શર્મા, પૂર્વ કેપ્ટન વિરાટ કોહલી, વિકેટકીપર ઋષભ પંત, ફાસ્ટ બૉલર જસપ્રીત બુમરાહને વનડે સીરીઝમાં આરામ આપવામાં આવ્યો છે. આવામાં ટીમની આગેવાની અનુભવી ક્રિકેટર શિખર ધવનના હાથમાં છે. આજની પ્લેઇંગ ઇલેવનમાં મોટો ફેરફાર જોવા મળી શકે છે. 

અર્શદીપ સિંહ ડેબ્યૂ કરી શકે છે - 
અર્શદીપ સિંહ આજની મેચમાં વન-ડેમાં ડેબ્યૂ કરી શકે છે, મોહમ્મદ સિરાજ મુખ્ય બોલર તરીકે પ્લેઈંગ ઈલેવનમાં હશે.

આ પણ વાંચો.........