IND vs ZIM: ટીમ ઈન્ડિયા નહીં ભૂલે આ હાર... શરમજનક રેકોર્ડની લગાવી વણઝાર
પ્રથમ ટી20માં શુભમન ગિલની આગેવાની હેઠળની ભારતીય ટીમ 116 રનનો લક્ષ્યાંક હાંસલ કરવામાં નિષ્ફળ રહી હતી.
IND vs ZIM 1st T20: હાલમાં જ ટીમ ઈન્ડિયા T20 વર્લ્ડ કપ ચેમ્પિયન (T20 world cup champion Team India) બની હતી. તે જ સમયે, હવે તેને ઝિમ્બાબ્વે સામે હારનો સામનો કરવો પડ્યો છે. વાસ્તવમાં ભારત અને ઝિમ્બાબ્વે વચ્ચે 5 T20 મેચોની સીરીઝ રમાઈ (India vs Zimbabwe) રહી છે. આ શ્રેણીની પ્રથમ મેચમાં શુભમન ગિલ (Shubman Gill) ની આગેવાની હેઠળની ટીમ ઈન્ડિયાને 13 રને હારનો સામનો કરવો પડ્યો હતો. પ્રથમ બેટિંગ કરવા આવેલી ઝિમ્બાબ્વેએ 20 ઓવરમાં 9 વિકેટે 115 રન બનાવ્યા હતા. જેના જવાબમાં ભારતીય ટીમ 19.5 ઓવરમાં 102 રનમાં સમેટાઈ ગઈ હતી. જો કે ટીમ ઈન્ડિયાની હાર બાદ શ્રેણીબદ્ધ રેકોર્ડ સર્જાયા હતા.
સૌથી નાનો લક્ષ્યાંક ભારત સામે બચાવ્યો
શુભમન ગિલની આગેવાની હેઠળની ભારતીય ટીમ 116 રનનો લક્ષ્યાંક હાંસલ કરવામાં નિષ્ફળ રહી હતી. ભારત વિરૂદ્ધ કોઈપણ ટીમનો આ સૌથી ઓછો સ્કોર છે. આ પહેલા ટીમ ઈન્ડિયા 2016માં ન્યૂઝીલેન્ડ સામે 127 રનના લક્ષ્યનો પીછો કરી શકી ન હતી.
છેલ્લા 8 વર્ષમાં ભારતનો સૌથી ઓછો T20 સ્કોર
ભારતીય ટીમ ઝિમ્બાબ્વે સામે માત્ર 102 રનમાં સમેટાઈ ગઈ હતી. 2016 પછી T20 ઈન્ટરનેશનલમાં ટીમ ઈન્ડિયાનો આ સૌથી ઓછો સ્કોર છે. જોકે, ભારતનો ઓવરઓલ સૌથી ઓછો ટીમ સ્કોર ઓસ્ટ્રેલિયા સામે છે. ઓસ્ટ્રેલિયા સામે ભારતીય ટીમ માત્ર 74 રનમાં સમેટાઈ ગઈ હતી. આ મેચ વર્ષ 2008માં ભારત અને ઓસ્ટ્રેલિયા વચ્ચે રમાઈ હતી.
ટીમ ઈન્ડિયાને આ વર્ષે પહેલી હાર મળી
આ વર્ષે ભારતીય ટીમને T20 ફોર્મેટમાં પ્રથમ હારનો સામનો કરવો પડ્યો છે. T20 વર્લ્ડ કપ પહેલા ભારતે વર્ષની શરૂઆતમાં અફઘાનિસ્તાનને 3-0થી હરાવ્યું હતું. આ પછી T20 વર્લ્ડ કપમાં સતત 8 મેચ જીતી. પરંતુ હવે ઝિમ્બાબ્વે સામે હારનો સામનો કરવો પડશે.
ઝિમ્બાબ્વેએ ઘરઆંગણે સૌથી નાના લક્ષ્યનો બચાવ કર્યો હતો
ઝિમ્બાબ્વેએ પોતાના હોમ ગ્રાઉન્ડ પર સૌથી નાના લક્ષ્યનો બચાવ કર્યો છે. અગાઉ 2021માં ઝિમ્બાબ્વેએ પાકિસ્તાન સામે 118 રન બનાવીને જીત મેળવી હતી. પરંતુ હવે તે માત્ર 115 રન બનાવીને ભારતને હરાવવામાં સફળ રહી છે.
ઝિમ્બાબ્વેએ પ્રથમ T20 મેચમાં ભારતને 13 રને હરાવ્યું હતું. ભારતીય ટીમના 8 બેટ્સમેન રનના મામલામાં બે આંકડાને પણ સ્પર્શી શક્યા નહોતા. ઝિમ્બાબ્વેએ પહેલા બેટિંગ કરતા સ્કોરબોર્ડ પર 115 રન બનાવ્યા હતા, પરંતુ જ્યારે ભારત લક્ષ્યાંકનો પીછો કરવા આવ્યું ત્યારે અડધીથી વધુ ટીમ 50 રનમાં જ પેવેલિયન પરત ફરી ગઈ હતી. એક સમયે ભારતનો સ્કોર 6 વિકેટે 47 રન હતો. જોકે અવેશ ખાન અને વોશિંગ્ટન સુંદરની 23 રનની નાની પરંતુ મહત્વની ભાગીદારીએ ટીમ ઈન્ડિયાની આશા જગાવી હતી, પરંતુ ઝિમ્બાબ્વેની ટીમ અલગ મૂડમાં જોવા મળી હતી. કેપ્ટન સિકંદર રજાએ ભારત માટે વધારે મુશ્કેલી ઉભી કરી, જેણે 4 ઓવરમાં 25 રન આપી 3 વિકેટ લીધી. આ 2024માં ટી20 ક્રિકેટમાં ભારતની આ પ્રથમ હાર હતી.
ટ્રેન્ડિંગ સમાચાર
ટોપ સ્ટોરી
