IPL 2020 CSK v RR: રાજસ્થાને ચેન્નઈને 7 વિકેટથી આપી હાર, CSKની પ્લેઓફમાં પહોંચવાની આશા નહીંવત

મેચમાં હાર સાથે ચેન્નઈ પોઈન્ટ ટેબલમાં એકદમ છેલ્લા ક્રમે પહોંચી ગઇ છે અને હવે પ્લેઓફમાં પહોંચવાની આશા લગભગ સમાપ્ત થઈ ગઈ છે.

(તસવીર સોજન્યઃ IPL ટ્વિટર)

IPL 2020 CSK v RR :  IPL 2020 CSK v RR: ઈન્ડિયન પ્રીમિયર લીગમાં આજે 36મો મુકાબલો ચેન્નઈ સુપર કિંગ્સ  અને રાજસ્થાન રોયલ્સ વચ્ચે રમાયો હતો. મેચમાં ચેન્નઈ સુપર કિંગ્સના કેપ્ટન ધોનીએ ટોસ જીતીને પ્રથમ બેટિંગ કરવાનો નિર્ણય લીધો હતો. ચેન્નઈએ રાજસ્થાનને મેચ જીતવા આપેલા 126 રનના ટાર્ગેટને17.3 ઓવરમાં 3 વિકેટ ગુમાવીને હાંસલ કરી લીધો હતો. ચેન્નઈ તરફથી દીપક ચહરે 2 વિકેટ લીધી હતી. 126 રનના લક્ષ્યાંકને હાંસલ કરવા ઉતરેલી રાજસ્થાનનો સ્કોર 26 રને 0 વિકેટથી 28 રન પર 3 વિકેટ થઈ ગયો હતો. પરંતુ તે બાદ બટલરે આક્રમક અને સ્મિથે ધીરજપૂર્વક બેટિંગને રાજસ્થાનને વિજેતા બનાવ્યું હતું. બટલર 48 બોલમાં 70 અને સ્મિથ 34 બોલમાં 26 રન બનાવી નોટ આઉટ રહ્યા હતા. આ પહેલા ટોસ જીતીને બેટિંગ કરવા ઉતરેલી ચેન્નઈએ 20 ઓવરમાં5  વિકેટના નુકસાન પર 125  રન બનાવ્યા હતા. ચેન્નઈના બેટ્સમેનોએ ધીમી બેટિંગ કરી હતી. સેમ કરને 25 બોલમાં 22 રન, ડુપ્લેસિસે 9 બોલમાં 10 રન, રાયડૂએ 19 બોલમાં 13 રન, ધોનીએ 28 બોલમાં 28 રન બનાવ્યા હતા. જાડેજા 30 બોલમાં 35 રન અને કેદાર જાધવ 7 બોલમાં 4 રન બનાવી નોટ આઉટ રહ્યા હતા. રાજસ્થાન તરફથી આર્ચર, કાર્તિક ત્યાગી, શ્રેયસ ગોપાલ, રાહુલ તેવટિયાએ 1-1 વિકેટ ઝડપી હતી. મેચમાં હાર સાથે ચેન્નઈ પોઈન્ટ ટેબલમાં એકદમ છેલ્લા ક્રમે પહોંચી ગઇ છે અને હવે પ્લેઓફમાં પહોંચવાની આશા લગભગ સમાપ્ત થઈ ગઈ છે. રાજસ્થાન રોયલ્સની ટીમ રોબિન ઉથપ્પા, બેન સ્ટોક્સ, સંજુ સેમસન, સ્ટીવ સ્મિથ, જોસ બટલર, રાહુલ તેવટિયા, જોફ્રા આર્ચર, રિયાન પરાગ, શ્રેયસ ગોપાલ, અંકિત રાજપૂત, કાર્તિક ત્યાગી ચેન્નઈ સુપર કિંગ્સની ટીમ ફાફ ડુ પ્લેસિસ, સેમ કરન, શેન વોટસન, અંબાતી રાયડૂ, એમએસ ધોની, રવિન્દ્ર જાડેજા, કેદાર જાધવ, દીપર ચહર, પીયૂષ ચાવલા, શાર્દુલ ઠાકુર, જોશ હેઝલવુડ