Qualifier 1: ફાઈનલમાં પહોંચવા દિલ્હી અને ચેન્નઈ વચ્ચે આજે મુકાબલો, જાણો કોણ પડશે ભારે
Delhi Capitals vs Chennai Super Kings Qualifier 1: આજે દિલ્હી કેપિટલ્સ અને ચેન્નઈ સુપર કિંગ્સ વચ્ચે આઈપીએલ 2021નો પ્રથમ ક્વોલીફાયર મુકાબલો છે.
Delhi Capitals vs Chennai Super Kings Qualifier 1: આજે દિલ્હી કેપિટલ્સ અને ચેન્નઈ સુપર કિંગ્સ વચ્ચે આઈપીએલ 2021નો પ્રથમ ક્વોલીફાયર મુકાબલો છે. આ મેચ ભારતીય સમય અનુસાર સાંજે 7.30 વાગ્યે દુબઈમાં રમાશે. આ મેચમાં જે ટીમ જીત મેળવશે તે ફાઈનલમાં પ્રવેશ કરશે. જ્યારે જે ટીમની હાર થશે તે એલિમિનેટર મુકાબલાની વિજેતા ટીમ સાથે બીજી ક્વોલીફાયર મેચ રમશે. આવો જાણીએ દિલ્હી અને ચેન્નઈમાંથી કઈ ટીમનું પલડું ભારે છે.
ટી 20 ફોર્મેટમાં ચેન્નાઈ અને દિલ્હીની ટીમો કુલ 25 વખત સામ -સામે આવી છે. આ સમય દરમિયાન, એમએસ ધોનીની ટીમનો હાથ ઉપર છે. ચેન્નાઈ સુપર કિંગ્સે 15 મેચ જીતી છે. આ સાથે જ દિલ્હીની ટીમને માત્ર 10 મેચમાં જીત મળી છે.
રસપ્રદ વાત એ છે કે દિલ્હી કેપિટલ્સે છેલ્લી ચાર મેચમાં ચેન્નઈ સુપર કિંગ્સને હારનો સ્વાદ ચખાડ્યો છે. આઈપીએલ 2020 માં, દિલ્હીએ ચેન્નઈ સામે પોતાની બંને મેચ જીતી હતી. તે જ સમયે, આઈપીએલ 2021 માં, દિલ્હીએ બંને વખત ચેન્નાઈને હરાવ્યું છે.
આઈપીએલ 2021 ના પહેલા ભાગમાં આ બંને ટીમો સામસામે આવી ત્યારે પંતની ટીમ જીતી ગઈ હતી. તે મેચમાં ચેન્નાઇએ પ્રથમ રમ્યા બાદ 20 ઓવરમાં 188 રન બનાવ્યા હતા. જવાબમાં, દિલ્હીએ આઠ બોલ પહેલા સરળતાથી ત્રણ વિકેટ ગુમાવીને લક્ષ્યનો પીછો કર્યો હતો. આ મેચમાં શિખર ધવને 85 અને પૃથ્વી શોએ 72 રન બનાવ્યા હતા. આ મેચ મુંબઈના વાનખેડેમાં રમાઈ હતી.
શિખર ધવન અને દિપક ચાહર વચ્ચે જંગ જામશે, કેમ કે ધવને હાલ ફોર્મમાં છે, અને તેને 14 મેચોમાં 544 રન બનાવ્યા છે, જેમાં ત્રણ ફિફ્ટી સામેલ છે. તે દિલ્હીમાંથી સૌથી વધુ રન બનાવનારો બેટ્સમેન છે. ચેન્નાઇ સુપર કિંગ્સ આ મેચમાં મોટી ઇનિંગ રમવાનુ વિચારશે. દિપક ચાહરે અત્યાર સુધી ધારદાર બૉલિંગ કરી છે. તાજેતરમાં જ તેને પોતાની ગર્લફ્રેન્ડને આઇપીએલની એક મેચ બાદ પ્રપૉઝ પણ કર્યુ હતુ. દીપક ચાહરે આ સિઝનમાં 13 મેચોમાં 13 વિકેટો ઝડપી છે.
ટ્રેન્ડિંગ સમાચાર
ટોપ સ્ટોરી
