SRH vs RCB: રોયલ ચેલેન્જર્સ બેંગલુરુએ હૈદરાબાદને 35 રને હરાવ્યું
SRH vs RCB Live Score IPL 2024: અહીં તમને સનરાઇઝર્સ હૈદરાબાદ અને રોયલ ચેલેન્જર્સ બેંગ્લુરુની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
LIVE
Background
IPL 2024, SRH vs RCB LIVE Score: રોયલ ચેલેન્જર્સ બેંગ્લોર IPLની સૌથી વધુ પસંદ કરાયેલી ટીમોમાંની એક છે. 2008થી ટૂર્નામેન્ટમાં રમી રહેલી બેંગલુરુની ટીમ હજુ સુધી એક પણ ટ્રોફી જીતી શકી નથી, પરંતુ તેમ છતાં ફ્રેન્ચાઇઝી માટે ચાહકોમાં એક અલગ જ ઉત્સાહ અને પ્રેમ જોવા મળી રહ્યો છે. હવે આજે ટીમ ટુર્નામેન્ટમાં 250મી મેચ રમવા મેદાનમાં ઉતરશે. આ મેચ દ્વારા, બેંગલુરુ IPL 2024 ની બીજી જીત મેળવવા માંગે છે. આ મેચ સનરાઇઝર્સ હૈદરાબાદ સામે રમાશે.
RCBના સોશિયલ મીડિયા દ્વારા એક પોસ્ટ શેર કરવામાં આવી હતી, જેમાં કહેવામાં આવ્યું હતું કે આજે ટીમ IPLની 250 મેચ રમશે. આજે (25 એપ્રિલ, ગુરુવાર) IPL 2024માં 41મી મેચ રોયલ ચેલેન્જર્સ બેંગ્લોર અને સનરાઇઝર્સ હૈદરાબાદ વચ્ચે રમાશે. હવે એ જોવાનું રસપ્રદ રહેશે કે ફાફ ડુ પ્લેસિસની કપ્તાનીમાં બેંગલુરુની ટીમ તેની 250મી મેચમાં જીત નોંધાવવામાં સફળ રહેશે કે નહીં.
હૈદરાબાદ સામે છેલ્લી મેચ હારી
તમને જણાવી દઈએ કે આ સિઝનમાં હૈદરાબાદ સામે રમાયેલી છેલ્લી મેચમાં બેંગલુરુને હારનો સામનો કરવો પડ્યો હતો. હૈદરાબાદ 25 રનથી જીત્યું હતું. 15 એપ્રિલે રમાયેલી મેચમાં પ્રથમ બેટિંગ કરતા હૈદરાબાદે 20 ઓવરમાં 287/3 રન બનાવ્યા હતા. ત્યારબાદ લક્ષ્યનો પીછો કરતી વખતે બેંગલુરુની ટીમ 20 ઓવરમાં 262/7ના સ્કોર સુધી જ પહોંચી શકી હતી.
ટીમની હાલત ખરાબ છે
તમને જણાવી દઈએ કે બેંગલુરુએ આ સિઝનમાં અત્યાર સુધી 8 મેચ રમી છે. આ મેચોમાં ટીમને માત્ર 1 જીત મળી છે. ટીમે તેની એકમાત્ર જીત પંજાબ કિંગ્સ સામે નોંધાવી હતી. ટીમને છેલ્લી સતત 6 મેચમાં હારનો સામનો કરવો પડ્યો છે. બેંગલુરુએ હાર સાથે ટુર્નામેન્ટની શરૂઆત કરી હતી. ટીમને ચેન્નાઈ સુપર કિંગ્સ સામે પ્રથમ હારનો સામનો કરવો પડ્યો હતો. ત્યારબાદ બીજી મેચમાં ફાફની કપ્તાનીમાં આરસીબીએ પંજાબને હરાવ્યું હતું. પરંતુ આ પછી ટીમ એક પણ જીત મેળવી શકી ન હતી. આમ જોવા જઈએ તો આરસીબીની સફર લગભગ પુરી થઈ ગઈ છે. જો કે, સતત હાર બાદ પણ આરસીબીના ફેન્સમાં કોઈ ઘટાડો નોંધાયો નથી.
બેંગ્લોરે સનરાઈઝર્સ હૈદરાબાદને 35 રનથી હરાવ્યું
SRH vs RCB: રોયલ ચેલેન્જર્સ બેંગ્લોરે સનરાઈઝર્સ હૈદરાબાદને 35 રનથી હરાવ્યું છે. પહેલા રમતા આરસીબીએ નિર્ધારિત 20 ઓવરમાં 206 રનનો વિશાળ સ્કોર બનાવ્યો હતો. બેંગલુરુ તરફથી વિરાટ કોહલી અને રજત પાટીદારે અડધી સદી ફટકારી હતી. બીજી તરફ, લક્ષ્યનો પીછો કરતી વખતે SRHની શરૂઆત સારી રહી ન હતી કારણ કે ટીમે 50 રનની અંદર 3 મોટી વિકેટ ગુમાવી દીધી હતી. જે બાદ ટીમ સતત સંઘર્ષ કકતી જોવા મળી અને આખરે 35 રનથી હારનો સામનો કરવો પડ્યો.
હૈદરાબાદની છઠ્ઠી વિકેટ પડી
સનરાઇઝર્સ હૈદરાબાદે 10મી ઓવરમાં 85 રનમાં છઠ્ઠી વિકેટ ગુમાવી દીધી છે. કર્ણ શર્માએ અબ્દુલ સમદને પોતાના જ બોલ પર કેચ આઉટ કર્યો હતો. સમદ છ બોલમાં 10 રન બનાવીને આઉટ થયો હતો. 10 ઓવર પછી હૈદરાબાદનો સ્કોર 6 વિકેટે 89 રન છે.
સ્વપ્નિલ સિંહે એક ઓવરમાં 2 ધડાકા કર્યા
પાંચમી ઓવરમાં સ્વપ્નિલ સિંહે 19 રન આપીને બે વિકેટ ઝડપી હતી. પહેલા તેણે ફુલ ટોસ બોલ પર માર્કરમને LBW આઉટ કર્યો અને પછી હેનરિક ક્લાસેનને કેચ આઉટ કરાવ્યો. ક્લાસેન ત્રણ બોલમાં સાત રન બનાવીને આઉટ થયો હતો. હૈદરાબાદનો સ્કોર 5 ઓવરમાં 4 વિકેટે 56 રન છે.
હૈદરાબાદની બીજી વિકેટ પડી
હૈદરાબાદે ચોથી ઓવરમાં 37 રનમાં બીજી વિકેટ ગુમાવી દીધી છે. અભિષેક શર્મા 13 બોલમાં 31 રન બનાવીને આઉટ થયો હતો. તેના બેટમાંથી ત્રણ ચોગ્ગા અને બે છગ્ગા આવ્યા હતા. આ પહેલા ટ્રેવિસ હેડ માત્ર એક રન બનાવીને આઉટ થયો હતો.
રોયલ ચેલેન્જર્સ બેંગ્લુરુએ 20 ઓવરમાં 6 વિકેટે 206 રન બનાવ્યા
ટોસ જીતીને પ્રથમ બેટિંગ કરવા આવેલી રોયલ ચેલેન્જર્સ બેંગ્લુરુએ 20 ઓવરમાં 6 વિકેટે 206 રન બનાવ્યા હતા. આરસીબી માટે રજત પાટીદારે માત્ર 20 બોલમાં 50 રન બનાવ્યા હતા. જ્યારે કોહલીએ 43 બોલમાં 51 રનની ઇનિંગ રમી હતી. અંતમાં કેમેરોન ગ્રીન 20 બોલમાં 37 રન બનાવીને અણનમ પરત ફર્યો હતો. જ્યારે હૈદરાબાદ તરફથી જયદેવ ઉનડકટે સૌથી વધુ 3 વિકેટ ઝડપી હતી.
ટ્રેન્ડિંગ સમાચાર
ટોપ સ્ટોરી
