ચીન કંપની વીવો હવે IPL સ્પોન્સર નથી, 2022માં ટાટા ગ્રૂપ IPLનું નવું ટાઇટલ સ્પોન્સર, વીવોએ 2200 કરોડની કરી હતી સ્પોન્સરશિપ ડીલ

ચીનની મોબાઈલ ફોન નિર્માતા કંપની Vivo હવે IPLની ટાઈટલ સ્પોન્સર રહેશે નહીં. તેમના સ્થાને ટાટા ગ્રુપને IPLનું નવું ટાઈટલ સ્પોન્સર બનાવવામાં આવ્યું છે.

પ્રતીકાત્મક તસવીર

ચીનની મોબાઈલ ફોન નિર્માતા કંપની Vivo હવે IPLની ટાઈટલ સ્પોન્સર રહેશે નહીં. તેમના સ્થાને ટાટા ગ્રુપને IPLનું નવું ટાઈટલ સ્પોન્સર બનાવવામાં આવ્યું છે. આવતા વર્ષથી એટલે કે 2023થી આ ટુર્નામેન્ટ હવે TATA IPL તરીકે ઓળખાશે. ગયા વર્ષે, ચીન અને ભારતમાં તણાવ વચ્ચે વિવો પાસેથી ટાઈટલ રાઈટ્સ ટ્રાન્સફર થઈ શક્યા ન હતા.

Vivo માત્ર 2022 સુધી IPLનું સ્પોન્સર રહેશે. આઈપીએલના ચેરમેન બ્રિજેશ પટેલે સમાચાર એજન્સી પીટીઆઈને આ માહિતી આપી છે. મંગળવારે આઈપીએલ ગવર્નિંગ કાઉન્સિલની બેઠકમાં આ નિર્ણય લેવામાં આવ્યો હતો.

ચીની કંપની Vivo દર વર્ષે IPL ટાઇટલ સ્પોન્સરશિપ માટે BCCIને 440 કરોડ રૂપિયા ચૂકવે છે. ગયા વર્ષે જ્યારે ભારત અને ચીન વચ્ચેના વિવાદને કારણે દેશમાં વિરોધ થયો હતો ત્યારે વિવોએ એક વર્ષ માટે બ્રેક લેવો પડ્યો હતો. અગાઉ IPL 2020 સીઝનમાં, ફેન્ટસી ગેમિંગ ફર્મ ડ્રીમ-11 ટાઇટલ સ્પોન્સર હતી. આ માટે ડ્રીમ-11 એ બીસીસીઆઈને 222 કરોડ રૂપિયા આપ્યા હતા. આ કરાર 18 ઓગસ્ટથી 31 ડિસેમ્બર 2020 સુધીનો હતો. આ રકમ Vivoની વાર્ષિક ચુકવણીની લગભગ અડધી હતી.

Vivo પાસે 2190 કરોડ રૂપિયા સાથે 5 વર્ષ માટે IPL ટાઇટલ સ્પોન્સરશિપ માટે કરાર હતો. કંપની વાર્ષિક 440 કરોડ રૂપિયા આપતી હતી. આ કોન્ટ્રાક્ટ 2018 થી 2022 સુધીનો હતો. પહેલા એવા સમાચાર હતા કે Vivoનો કોન્ટ્રાક્ટ 2023 સુધી લંબાવવામાં આવી શકે છે, પરંતુ હવે ટાટાએ તેનું સ્થાન લઈ લીધું છે.

IPLની કેન્દ્રીય સ્પોન્સરશિપમાં માત્ર સ્થાનિક કંપનીઓનું જ પ્રભુત્વ છે. કેન્દ્રીય અને ટાઇટલ સ્પોન્સરશિપ બંનેના અધિકારો અલગ-અલગ છે. જર્સીના અધિકારો IPLમાં કેન્દ્રીય સ્પોન્સરશિપ હેઠળ આવતા નથી. એટલે કે જર્સી પર છપાયેલા લોગો પર માત્ર ટાઈટલ સ્પોન્સરશિપનો અધિકાર છે.

આ સાથે, કંપનીને તેના બ્રાન્ડિંગ માટે સારી જગ્યા મળે છે જેમ કે મેચ પછીના પ્રેઝન્ટેશન એરિયા, ડગઆઉટમાં બેકડ્રોપ અને બાઉન્ડ્રી દોર. શીર્ષક સ્પોન્સરશિપ કેન્દ્રીય કરાર કરતાં વધુ પૈસા ખર્ચે છે.