Sachin Statue: વાનખેડે સ્ટેડિયમમાં લાગશે સચીનનું મોટુ સ્ટેચ્યૂ, વર્લ્ડકપ દરમિયાન સન્માનિત કરશે MCA

ક્રિકેટના ભગવાન તરીકે ઓળખાતા સચીન તેંદુલકરની વાનખેડે સ્ટેડિયમમાં વિશાળ પ્રતિમા સ્થાપિત કરવામાં આવશે, અનાવરણ આગામી 1 નવેમ્બરે કરવામાં આવશે

તસવીર (સોશ્યલ મીડિયા પરથી)

Sachin Statue: આઇસીસી વનડે વર્લ્ડકપ અત્યારે ભારતમાં રમાઇ રહ્યો છે, અને ભારતીય ટીમ પોતાની એક પછી એક તમામ પાંચ મેચો જીતીને ટૉપ પર પહોંચી ચૂકી છે, ત્યારે આ બધાની વચ્ચે ભારતીય ફેન્સ માટે વધુ એક સારા સમાચાર સામે આવ્યા છે. ભારતીય ક્રિકેટ ટીમના ભૂતપૂર્વ દિગ્ગજ સચીન તેંદુલકરને ICC વનડે વર્લ્ડકપ 2023 દરમિયાન મુંબઈના વાનખેડે સ્ટેડિયમમાં સન્માનિત કરવામાં આવશે. 

ક્રિકેટના ભગવાન તરીકે ઓળખાતા સચીન તેંદુલકરની વાનખેડે સ્ટેડિયમમાં વિશાળ પ્રતિમા સ્થાપિત કરવામાં આવશે, અનાવરણ આગામી 1 નવેમ્બરે કરવામાં આવશે. આને લઇને અત્યારથીજ તૈયારીઓ પુરજોશમાં શરૂ થઈ ગઈ છે. ખાસ વાત છે કે ભારત અને શ્રીલંકા વચ્ચે વર્લ્ડકપની મેચ 2 નવેમ્બરે વાનખેડે ખાતે રમાવાની છે. જાણો વાનખેડેમાં લાગનારી સચીન તેંદુલકરની પ્રતિમા વિશે.... 

#WATCH | Maharashtra | Painter-sculptor from Ahmednagar, Pramod Kamble has been working on the statue of Cricket legend Sachin Tendulkar. The statue will be installed by the Mumbai Cricket Association (MCA) at Wankhede Stadium, as a tribute to Tendulkar who turned 50 earlier this… pic.twitter.com/nMpdI1vZ0C

— ANI (@ANI) October 22, 2023

સચીન તેંદુલકરની આ પ્રતિમા બનાવવાનું કામ અહમદનગરના શિલ્પકાર પ્રમોદ કાંબલીને સોંપવામાં આવ્યું છે. મુંબઈ ક્રિકેટ એસોસિએશને વાનખેડે સ્ટેડિયમમાં સચિનની પ્રતિમા બનાવવાની તૈયારીઓ શરૂ કરી દીધી છે. MCA ICC વર્લ્ડકપ 2023 દરમિયાન શ્રદ્ધાંજલિ તરીકે માસ્ટ બ્લાસ્ટર સચીન તેંદુલકરની પ્રતિમાને સ્થાપિત કરાશે. સચીન તેંદુલકરની પ્રતિમા લગભગ 14 ફૂટ ઉંચી બનાવવામાં આવશે.

#WATCH | Pramod Kamble says, "...The statue will be unveiled on November 1...MCA had said that the statue would be installed at Wankhede Stadium as a tribute to him...The day after it was announced, I was called to work on it...I then contacted (Sachin Tendulkar) and met him. We… https://t.co/OPs45HqfFj pic.twitter.com/IfcPiiLpJH

— ANI (@ANI) October 22, 2023

2011 વર્લ્ડકપની ફાઇનલ મેચ વાનખેડેમાં રમાઇ હતી 
ICC વનડે વર્લ્ડકપ 2011ની ફાઈનલ મેચ મુંબઈના વાનખેડે સ્ટેડિયમમાં રમાઈ હતી. આ ટીમમાં સચીન તેંદુલકર પણ સામેલ હતો. ટીમ ઈન્ડિયાએ 2011 વર્લ્ડકપનો ખિતાબ જીત્યો હતો. સચીન તેંદુલકર વિશ્વ ક્રિકેટમાં 100 સદી ફટકારનાર એકમાત્ર બેટ્સમેન છે. તેને 51 ટેસ્ટ અને 49 વનડે સદી ફટકારી છે. સચિને ટીમ ઈન્ડિયા માટે ઈન્ટરનેશનલ ક્રિકેટમાં 30,000થી વધુ રન પણ બનાવ્યા છે.