Shreyas Iyer Border-Gavaskar Trophy: શ્રેયસ ઐયરની જગ્યાએ ટીમ ઈન્ડિયામાં સામેલ થઈ શકે છે આ ખેલાડીઓ, જાણો કોને મળી શકે છે તક

Shreyas Iyer Border-Gavaskar Trophy: ભારત અને ઓસ્ટ્રેલિયા વચ્ચે 9 ફેબ્રુઆરીથી નાગપુરમાં ટેસ્ટ શ્રેણી શરૂ થશે. આ માટે બંને ટીમો ભારે પરસેવો પાડી રહી છે. ભારતીય ખેલાડી શ્રેયસ અય્યર શ્રેણીમાંથી બહાર થઈ ગયો છે.

શ્રેયસ ઐયર

Shreyas Iyer Border-Gavaskar Trophy: ભારત અને ઓસ્ટ્રેલિયા વચ્ચે 9 ફેબ્રુઆરીથી નાગપુરમાં ટેસ્ટ શ્રેણી શરૂ થશે. આ માટે બંને ટીમો ભારે પરસેવો પાડી રહી છે. ભારતીય ખેલાડી શ્રેયસ અય્યર શ્રેણીમાંથી બહાર થઈ ગયો છે. પીઠની ઈજાને કારણે તે બહાર થઈ ગયો છે અને અત્યારે તે પરત ફરે તેવી અપેક્ષા નથી. જો કે બીસીસીઆઈએ હજુ તેમના સ્થાને અન્ય કોઈના નામની જાહેરાત કરી નથી. પરંતુ ઐયરને બદલે મયંક અગ્રવાલ, સરફરાઝ ખાન અને અભિમન્યુ ઈશ્વરન ટીમમાં સામેલ થવાના દાવેદાર છે.

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ 9થી  ફેબ્રુઆરી દરમિયાન નાગપુરમાં રમાશે. આ પછી, બીજી ટેસ્ટ 17 ફેબ્રુઆરીથી દિલ્હીમાં યોજાશે. તેવી જ રીતે ત્રીજી ટેસ્ટ 1 માર્ચથી અને ચોથી ટેસ્ટ 9 માર્ચથી રમાશે. ભારતે આ શ્રેણીની પ્રથમ બે મેચ માટે ટીમની જાહેરાત કરી દીધી છે. હવે અય્યરની ગેરહાજરીમાં મયંક, સરફરાઝ અથવા અભિમન્યુને તક આપવામાં આવી શકે છે.

સરફરાઝ ખાન 

સરફરાઝ ખાને ડોમેસ્ટિક મેચોમાં તોફાની પ્રદર્શન કર્યું છે. મુંબઈના ખેલાડી સરફરાઝે રણજી ટ્રોફીમાં શાનદાર પ્રદર્શન કર્યું હતું. તેના પરફોર્મને કારણે તેને ઘણી પ્રશંસા મળી. સરફરાઝે 54 ફર્સ્ટ ક્લાસ ઇનિંગ્સમાં 3505 રન બનાવ્યા છે. આ દરમિયાન તેણે 13 સદી અને 9 અડધી સદી ફટકારી છે. આ ફોર્મેટમાં તેનો સર્વશ્રેષ્ઠ સ્કોર અણનમ 301 રહ્યો છે. તેથી ટીમ ઈન્ડિયા તેને તક આપી શકે છે.

મયંક અગ્રવાલ 

ટીમ ઈન્ડિયાના અનુભવી ખેલાડી મયંક અગ્રવાલને ઈન્ટરનેશનલ મેચોમાં વધુ રમવાની તક મળી નથી. પરંતુ તેણે શાનદાર પ્રદર્શન કર્યું છે. કર્ણાટકના ખેલાડી મયંકે 151 ફર્સ્ટ ક્લાસ ઇનિંગ્સમાં 6457 રન બનાવ્યા છે. તેણે આ ફોર્મેટમાં 14 સદી અને 35 અડધી સદી ફટકારી છે. તેનો સર્વશ્રેષ્ઠ સ્કોર અણનમ 304 રન રહ્યો છે. તેણે ભારત માટે 36 ટેસ્ટ ઇનિંગ્સમાં 1488 રન બનાવ્યા છે. તેણે ભારત માટે 4 સદી અને 6 અડધી સદી પણ ફટકારી છે.

અભિમન્યુ ઇશ્વરન 

અભિમન્યુ ઇશ્વરન પણ તેના જોરદાર પ્રદર્શનને કારણે ચર્ચામાં રહ્યો છે. તેને શ્રેયસ અય્યરના સ્થાને ભારતીય ટીમમાં તક મળી શકે છે. ઇશ્વરન ઇન્ડિયા A તરફથી પણ રમી ચૂક્યો છે. તેણે 142 ફર્સ્ટ ક્લાસ ઇનિંગ્સમાં 6209 રન બનાવ્યા છે. ઇશ્વરને આ ફોર્મેટમાં 21 સદી અને 25 અડધી સદી ફટકારી છે. તેનો સર્વશ્રેષ્ઠ સ્કોર 233 રન રહ્યો છે.