1000 કરોડના માલિક ધોનીએ IPLમાં કેટલી કરી કમાણી? ક્રિકેટ સિવાય કરે છે આ બિઝનેસ
2004માં આંતરરાષ્ટ્રીય ક્રિકેટમાં ડેબ્યૂ કર્યા પછી ધોનીએ ક્યારેય પાછળ વળીને જોયું નહીં.
આજે 7 જુલાઈ 2025ના રોજ ભારતીય ક્રિકેટના સૌથી પ્રિય ખેલાડીઓમાંના એક મહેન્દ્ર સિંહ ધોની પોતાનો 44મો જન્મદિવસ ઉજવી રહ્યો છે. 'કેપ્ટન કૂલ' તરીકે જાણીતા આ દિગ્ગજ ક્રિકેટરે મેદાન પર પોતાના શાનદાર પ્રદર્શનથી દેશનું નામ રોશન કર્યું છે. તે બિઝનેસની દુનિયામાં પણ ધમાલ મચાવી રહ્યો છે. ધોની દેશના સૌથી ધનિક ક્રિકેટરોમાંનો એક છે અને તેની સંપત્તિનો આંકડો દર વર્ષે નવી ઊંચાઈઓને સ્પર્શી રહ્યો છે.
'કેપ્ટન કૂલ' 44 વર્ષનો થયો
એમએસ ધોનીની સફર રાંચીના એક સરળ પરિવારથી શરૂ થઈ હતી જ્યાં તેણે પોતાની મહેનત અને જુસ્સાથી ક્રિકેટની દુનિયામાં પોતાનું સ્થાન બનાવ્યું હતું. 2004માં આંતરરાષ્ટ્રીય ક્રિકેટમાં ડેબ્યૂ કર્યા પછી ધોનીએ ક્યારેય પાછળ વળીને જોયું નહીં. તેણે ભારતને 2007 T20 વર્લ્ડ કપ, 2011 વન-ડે વર્લ્ડ કપ અને 2013 ચેમ્પિયન્સ ટ્રોફી જીતવામાં મદદ કરી હતી. તેની કેપ્ટનશીપ અને શાંત સ્વભાવે તેમને ચાહકોના પ્રિય બનાવ્યા હતા. આ ઉપરાંત, તે IPLમાં ચેન્નઈ સુપર કિંગ્સ (CSK) સાથે પાંચ ટાઇટલ જીતવાનો રેકોર્ડ પણ ધરાવે છે. આ સિદ્ધિઓએ તેમને માત્ર માન જ નહીં આપ્યું, પરંતુ તે આર્થિક રીતે મજબૂત પણ થયો છે.
1000 કરોડથી વધુની કુલ સંપત્તિ
આંતરરાષ્ટ્રીય ક્રિકેટમાંથી નિવૃત્તિ લીધા પછી પણ ધોનીની કમાણીમાં કોઈ ઘટાડો થયો નથી. મીડિયા રિપોર્ટ્સ અનુસાર, તેમની કુલ સંપત્તિ 120 મિલિયન યુએસ ડોલર એટલે કે 1000 હજાર કરોડ રૂપિયાથી વધુ છે. ઈન્ડિયન પ્રીમિયર લીગ પણ નિવૃત્તિ પછી તેની કમાણીનો એક મહત્વપૂર્ણ સ્ત્રોત છે. આઈપીએલની 18 સીઝનમાં ભાગ લીધા પછી આઈપીએલમાંથી તેની કમાણી 204.4 કરોડ રૂપિયા છે. આ ઉપરાંત ધોનીની બ્રાન્ડ વેલ્યુમાં કોઈ ઘટાડો થયો નથી. મીડિયા રિપોર્ટ્સ અનુસાર, 2025 સુધીમાં એમએસ ધોનીની બ્રાન્ડ વેલ્યુ 803 કરોડ રૂપિયા (લગભગ 95.6 મિલિયન ડોલર) થવાની ધારણા છે.
ક્રિકેટ ઉપરાંત, તે કરે છે આ બિઝનેસ
ધોનીએ પોતાના દિમાગનો ઉપયોગ બિઝનેસમા પણ લગાવ્યો છે. ધોનીએ રમતગમત, ફેશન, મનોરંજન અને રિયલ એસ્ટેટ સહિત ઘણા ક્ષેત્રોમાં રોકાણ કર્યું છે. તેની કંપની 'રાંચી રેઝ' હોકી ટીમ અને 'ધોની સ્પોર્ટ્સ' જેવા પ્રોજેક્ટ્સે તેમને એક નવી ઓળખ આપી હતી. આ ઉપરાંત, તે ઘણી મોટી બ્રાન્ડ્સનો બ્રાન્ડ એમ્બેસેડર છે, જેમાંથી તેણે ઘણી કમાણી કરી છે. બ્રાન્ડ એન્ડોર્સમેન્ટ અને વ્યવસાયમાંથી તેની વાર્ષિક આવક કરોડોમાં છે.
મીડિયા રિપોર્ટ્સ અનુસાર, તેની સંપત્તિમાં રાંચીમાં એક વૈભવી ફાર્મહાઉસ, દુબઈ અને મુંબઈમાં મિલકતો અને વૈભવી કાર કલેક્શન સામેલ છે. ધોનીને બાઇક અને કારનો ખૂબ શોખ છે. તેની પાસે હમર H2, ઓડી Q7, મિત્સુબિશી પજેરો એસએફએક્સ, લેન્ડ રોવર ફ્રીલેન્ડર, ફેરારી 599 GTO, જીપ ગ્રાન્ડ ચેરોકી ટ્રેકહોક, નિસાન જોંગા, પોન્ટિયાક ફાયરબર્ડ ટ્રાન્સ એમ, GMC સિએરા, મર્સિડીઝ બેન્ઝ GLE અને રોલ્સ રોયસ સિલ્વર શેડો જેવી કાર છે.
ટોપ સ્ટોરી
ટ્રેન્ડિંગ સમાચાર
