બાંગ્લાદેશ સામેની મેચ વરસાદમાં ધોવાઈ જતા પાકિસ્તાનની ટીમ ચેમ્પિયન્સ ટ્રોફીમાંથી બહાર ફેંકાઈ

મેચ રદ્દ થતાં યજમાન પાકિસ્તાન ચેમ્પિયન્સ ટ્રોફી 2025 માંથી બહાર, બંને ટીમો એક પણ મેચ જીત્યા વિના ટૂર્નામેન્ટમાંથી ફેંકાઈ.

પાકિસ્તાનની ટીમ ચેમ્પિયન્સ ટ્રોફીમાં બહાર ફેંકાઈ

Source : Social Media

pakistan vs bangladesh match abandoned: ચેમ્પિયન્સ ટ્રોફી 2025 માં પાકિસ્તાન અને બાંગ્લાદેશ વચ્ચે રમાનારી નવમી મેચ વરસાદને કારણે રદ્દ કરવામાં આવી છે. રાવલપિંડીમાં ગુરુવારે બપોરે 2:30 વાગ્યે શરૂ થનારી આ મેચ એક પણ બોલ ફેંકાયા વિના જ રદ્દ થતાં યજમાન પાકિસ્તાન માટે ચેમ્પિયન્સ ટ્રોફીમાં આગળ વધવાની તમામ શક્યતાઓ સમાપ્ત થઈ ગઈ છે.  બાંગ્લાદેશ પણ આ ટૂર્નામેન્ટમાંથી પહેલાથી જ બહાર થઈ ગયું છે, જેથી આ મેચનું પરિણામ બંને ટીમોના ભાવિ માટે નિર્ણાયક નહોતું.

પાકિસ્તાન અને બાંગ્લાદેશ બંને ટીમો ચેમ્પિયન્સ ટ્રોફી 2025 માં એક પણ મેચ જીતવામાં સફળ રહી નથી. પાકિસ્તાનને તેમની શરૂઆતની મેચમાં ન્યૂઝીલેન્ડ દ્વારા પરાજય થયો હતો, ત્યારબાદ ભારતે પણ તેમને હરાવ્યા હતા. બાંગ્લાદેશની હાલત પણ કઈંક આવી જ રહી હતી, અને તેઓ પણ ટૂર્નામેન્ટમાં જીત માટે ઝંખતા રહ્યા હતા.

ગુરુવારની મેચ માટે ભારે ઉત્સાહ હતો, પરંતુ વરસાદે બધા પર પાણી ફેરવી દીધું. સતત વરસાદને કારણે ટોસ પણ થઈ શક્યો નહોતો, અને આખરે મેચને રદ્દ કરવાની જાહેરાત કરવામાં આવી.  પાકિસ્તાન માટે આ પરિસ્થિતિ ખૂબ જ નિરાશાજનક રહી છે, ખાસ કરીને જ્યારે તેઓ આ ટૂર્નામેન્ટના યજમાન હોય. ઘરેલું મેદાન પર ચેમ્પિયન્સ ટ્રોફીમાં સારું પ્રદર્શન કરવામાં નિષ્ફળતા પાકિસ્તાની ક્રિકેટ ચાહકો માટે મોટી નિરાશા લઈને આવી છે.

Rain plays spoilsport as #PAKvBAN is called-off in Rawalpindi ⛈️

More ➡️ https://t.co/sH1r63WCCD pic.twitter.com/hFe6ETayTG

— ICC (@ICC) February 27, 2025

ચેમ્પિયન્સ ટ્રોફી 2025 માં આગળ વધવા માટે પાકિસ્તાન અને બાંગ્લાદેશ બંને માટે આ મેચ છેલ્લી તક હતી, પરંતુ વરસાદે તે તક પણ છીનવી લીધી. હવે બંને ટીમો ટૂર્નામેન્ટમાંથી બહાર થઈ ગઈ છે અને તેઓ બાકી રહેલી મેચોના પરિણામો પર નિર્ભર રહેશે નહીં.

પાકિસ્તાન અને બાંગ્લાદેશ - બન્ને ટીમો

પાકિસ્તાન: મોહમ્મદ રિઝવાન (કેપ્ટન), બાબર આઝમ, ફખર ઝમાન, કામરાન ગુલામ, સઈદ શકીલ, તૈયબ તાહિર, ફહીમ અશરફ, ખુશદિલ શાહ, સલમાન અલી આગા, ઉસ્માન ખાન, અબરાર અહેમદ, હરિસ રૌફ, મોહમ્મદ હસનૈન, નસીમ શાહ, શાહીન શાહ આફ્રિદી.

બાંગ્લાદેશ: નઝમુલ હુસૈન શાંતો (કેપ્ટન), સૌમ્ય સરકાર, તનઝીદ હસન, તૌહીદ હૃદયોય, મુશફિકુર રહીમ, મોહમ્મદ મહમુદુલ્લાહ, ઝાકર અલી અનિક, મહેદી હસન મિરાઝ, રિશાદ હુસૈન, તસ્કિન અહેમદ, મુસ્તફિઝુર રહેમાન, પરવેઝ હુસૈન ઇમોન, નસુમ અહેમદ, તનઝીમ હસન સાકિબ, નાહિદ રાણા.

આ પણ વાંચો....