ભારત-આફ્રિકા વચ્ચે આજે બીજી ટી20, કેવી છે કટકની પીચ ને શું છે ટી20 રેકોર્ડ, જાણો વિગતે

આ પીચ પર બૉલરોને મદદ મળી શકે છે. ફાસ્ટ બૉલરોને અહીં બાઉન્સ મળશે, વળી સ્પીનરોને પણ વધુ મદદ મળશે.

ફાઇલ તસવીર

IND vs SA 2nd T20:  ભારત અને દક્ષિણ આફ્રિકા (IND vs SA) વચ્ચે પાંચ મેચોની ટી20 સીરીઝની આજે બીજી મેચ કટકના (Cuttak) બારાબતી સ્ટેડિયમમાં (Barabati Stadium) રમાશે. ખાસ વાત છે કે આ પહેલા બન્ને ટીમો અહીં આમને સામને થઇ ચૂકી છે. જેમાં દક્ષિણ આફ્રિકાની જીત મળી હતી. દક્ષિણ આફ્રિકાએ અહીં ભારતીય ટીમ સામે 6 વિકેટથી જીત હાંસલ કરી હતી. જાણો અહીંની પીચ કેવી છે. 

કેવી છે કટકની પીચ ?
આ પીચ પર બૉલરોને મદદ મળી શકે છે. ફાસ્ટ બૉલરોને અહીં બાઉન્સ મળશે, વળી સ્પીનરોને પણ વધુ મદદ મળશે. અહીં ભારતની છેલ્લી ટી20 મેચમાં યુજવેન્દ્ર ચહલે 4 વિકેટો ઝડપી હતી. કુલ મળીને અહીં બેટ્સેમનોની પરીક્ષા થઇ શકે છે. 

શું રહેશે ટૉસની ભૂમિકા ?
અહીં અત્યાર સુધી માત્રે બે જ ટી20 મેચો રમીઇ છે, જેમાં એકવાર બેટિંગ કરનારી ટીમે મેચ જીતી છે, તો વળી બીજી મેચમાં બીજીવાર બેટિંગ કરનારી ટીમ વિજયી બની છે. આવામાં હાલ અહીં ટૉસની ભૂમિકા મહત્વની દેખાઇ રહી છે. 

કેવો છે અહીંનો ટી20 રેકોર્ડ ?
અહીં પહેલી ટી20 ભારત અને દક્ષિણ આફ્રિકા વચ્ચે જ રમાઇ હતી, ઓક્ટોબર 2015માં રમાયેલી આ મેચમાં આફ્રિકન બૉલરોએ ભારતીય ટીમને માત્ર 92 રન પર જ ઓલઆઉટ કરી દીધુ હતુ, અને લક્ષ્યને 4 વિકેટો ગુમાવીને હાંસલ કર્યુ હતુ. વળી, બીજી મેચમાં ભારતીય ટીમે શ્રીલંકા સામે પહેલા બેટિંગ કરતા 180 રન બનાવ્યા હતા, અને બાદમાં શ્રીલંકન ટીમ માત્ર 87 રન પર જ ઓલઆઉટ થઇ ગઇ હતી. 

આ પણ વાંચો......