Watch: મેદાનમાં સુપરમેન બન્યો રવિ વિશ્નોઈ,હવામાં ઉડીને પકડ્યો શાનદાર કેચ, વીડિયો થયો વાયરલ
Ravi Bishnoi Catch: ભારત અને ઝિમ્બાબ્વે વચ્ચેની ત્રીજી T20 મેચમાં રવિ બિશ્નોઈએ સુપરમેનની જેમ હવામાં ઉછળીને એક જોરદાર કેચ લીધો હતો, જેમો વીડિયો વાયરલ થઈ રહ્યો છે.
Ravi Bishnoi Catch: ભારતે ત્રીજી ટી20 મેચમાં ઝિમ્બાબ્વેને 23 રનથી હરાવ્યું છે. આ મેચમાં રવિ બિશ્નોઈનો એક કેચ વાયરલ થયો છે, જેને જોઈને ફેન્સ અને ક્રિકેટ એક્સપર્ટ પણ દંગ રહી ગયા હતા. પોઈન્ટની દિશામાં ઊભા રહીને બિશ્નોઈએ સુપરમેનની જેમ કૂદીને કેચ પકડ્યો, જેનો વીડિયો સોશિયલ મીડિયા પર ખૂબ શેર થઈ રહ્યો છે. રવિએ બ્રાયન બેનેટને પેવેલિયન જવા મજબૂર કર્યો, જે 5 બોલમાં માત્ર 4 રન બનાવી શક્યો હતો.
What a catch by Ravi Bishnoi!!💥🙌#ZIMvIND pic.twitter.com/w6ejtdB09N
— મનીયો_🇮🇳🚩 (@ManishJani_07) July 10, 2024
વાસ્તવમાં ઝિમ્બાબ્વેની ટીમ 183 રનના લક્ષ્યનો પીછો કરી રહી હતી. આ દરમિયાન આવેશ ખાન ચોથી ઓવરમાં બોલિંગ કરવા આવ્યો અને બ્રાયન બેનેટે તેના બોલને બેકવર્ડ પોઈન્ટ તરફ જોરથી ફટકારવાનો પ્રયાસ કર્યો. બોલની સ્પીડ ખૂબ જ ઝડપી હતી, પરંતુ પછી પોઈન્ટ પોઝીશન પર ઉભેલા રવિ બિશ્નોઈએ સુપરમેનની જેમ કૂદીને કેચ પકડ્યો. ટીમ ઈન્ડિયાના લેગ સ્પિનરનો આ કેચ જોઈને સાથી ખેલાડીઓ પણ આશ્ચર્યચકિત થઈ ગયા. બિશ્નોઈના આ કેચ બાદ ઝિમ્બાબ્વેનો સ્કોર 3.1 ઓવરમાં ત્રણ વિકેટે 19 રન થઈ ગયો હતો.
મેચમાં શું થયું?
ભારતે ટોસ જીતીને પ્રથમ બેટિંગ કરવાનો નિર્ણય કર્યો અને સ્કોરબોર્ડ પર 182 રન બનાવ્યા. ટીમ ઈન્ડિયાને મોટા સ્કોર સુધી લઈ જવામાં કેપ્ટન શુભમન ગિલની 66 રનની ઈનિંગ ઉપરાંત ઋતુરાજ ગાયકવાડના 49 રનનો પણ મહત્વનો ફાળો હતો. યશસ્વી જયસ્વાલે પણ 36 રનની ઇનિંગ રમી હતી. બીજી તરફ ઝિમ્બાબ્વેએ લક્ષ્યનો પીછો કરતા 39 રનના સ્કોર પર 5 વિકેટ ગુમાવી દીધી હતી. જો કે તે પછી ડીયોન માયર્સ અને ક્લાઈવ મડાન્ડે વચ્ચે 77 રનની ભાગીદારી થઈ, પરંતુ તેઓ પોતાની ટીમની જીત સુનિશ્ચિત કરી શક્યા નહીં. માયર્સે 49 બોલમાં 65 રનની અણનમ ઇનિંગ રમી હતી. અંતે, યજમાન ટીમ નિર્ધારિત 20 ઓવરમાં 159 રન જ બનાવી શકી અને મેચ 23 રને હારી ગઈ.
ઝિમ્બાબ્વેને 183 રનનો વિશાળ ટાર્ગેટ મળ્યો હતો, પરંતુ ટીમની શરૂઆત એટલી ખરાબ રહી હતી કે સ્કોર 39 રન હતો ત્યાં સુધીમાં અડધી ટીમ પેવેલિયન પરત ફરી ગઈ હતી. અત્યાર સુધી સારા ફોર્મમાં રહેલો વેસ્લી માધવેરે માત્ર 1 રન બનાવીને આઉટ થયો હતો. કેપ્ટન સિકંદર રઝા ફરી એકવાર મોટી ઇનિંગ રમવામાં નિષ્ફળ રહ્યો હતો. તેને સારી શરૂઆત મળી હતી પરંતુ તે મોટી ઇનિંગ રમી શક્યો ન હતો. રઝા 16 બોલમાં 15 રન બનાવીને આઉટ થયો હતો.
માયર્સ અને મદંડેની પાર્ટનરશિપે વધાર્યું હતું ટેન્શન
એક સમયે ઝિમ્બાબ્વેએ 39 રનમાં 5 વિકેટ ગુમાવી દીધી હતી, પરંતુ અહીંથી ક્લાઇવ મડાન્ડે અને ડીયોન માયર્સે મળીને જવાબદારી પોતાના ખભા પર લીધી. આ બંનેએ ખાસ કરીને અભિષેક શર્મા અને શિવમ દુબેને નિશાન બનાવ્યા હતા. આ બંનેએ સાથે મળીને ટીમનો સ્કોર 7 ઓવરમાં 39 રનમાં 5 વિકેટથી 15 ઓવરમાં એટલી જ વિકેટ માટે 110 રન સુધી પહોંચાડ્યો હતો. પરંતુ આ પછી ઝિમ્બાબ્વે ડેથ ઓવરોમાં ફરી લથડવાનું શરૂ કર્યું. મદંડેએ 26 બોલમાં 37 રન બનાવ્યા અને માયર્સે તેની T20 કારકિર્દીની પ્રથમ અર્ધી સદી ફટકારી. માયર્સ 49 બોલમાં 65 રન બનાવીને અણનમ પરત ફર્યો હતો, પરંતુ ટીમની જીત સુનિશ્ચિત કરી શક્યો ન હતો.