T20 વર્લ્ડ કપ 2026: નેધરલેન્ડ્સ સામે શિવમ દુબેની ઐતિહાસિક ઇનિંગ, હાર્દિકનો રેકોર્ડ તોડ્યો

અમદાવાદના નરેન્દ્ર મોદી સ્ટેડિયમમાં રમાયેલી IND vs NED T20 વર્લ્ડ કપ 2026 મેચમાં શિવમ દુબેએ 31 બોલમાં 66 રન ફટકારીને હાર્દિક પંડ્યાનો સૌથી મોટો રેકોર્ડ તોડી નાખ્યો છે. જાણો સંપૂર્ણ હાઇલાઇટ્સ.

Shivam Dube

Source : सोशल मीडिया

Show Quick Read

Key points generated by AI, verified by newsroom

IND vs NED T20 World Cup 2026: ભારતીય ક્રિકેટ ટીમના વિસ્ફોટક ઓલરાઉન્ડર શિવમ દુબેએ બુધવારે, 18 ફેબ્રુઆરી 2026 ના રોજ અમદાવાદના પ્રતિષ્ઠિત નરેન્દ્ર મોદી સ્ટેડિયમ ખાતે રમાયેલી T20 વર્લ્ડ કપની અંતિમ ગ્રુપ A મેચમાં નેધરલેન્ડ્સ (Netherlands) સામે માત્ર 31 બોલમાં 66 રનની શાનદાર અને ઐતિહાસિક ઇનિંગ રમી છે. આ પ્રેશર વાળી મેચમાં ભારતીય ટીમને મુશ્કેલીમાંથી ઉગારવાની સાથે જ દુબેએ એક મોટો માઈલસ્ટોન પાર કરતા પોતાના જ સાથી ખેલાડી હાર્દિક પંડ્યાનો વર્ષો જૂનો રેકોર્ડ પણ તોડી નાખ્યો છે.

અમદાવાદમાં સૂર્યાનો ટોસ અને દુબેની તોફાની બેટિંગ

આ મહત્વપૂર્ણ મુકાબલામાં ભારતીય ટીમના કેપ્ટન સૂર્યકુમાર યાદવે ટોસ જીતીને પ્રથમ બેટિંગ કરવાનો સાહસિક નિર્ણય લીધો હતો. જોકે, ભારતની શરૂઆત ડગમગતી રહી હતી અને માત્ર 69 રનના સ્કોર પર જ ટીમે પોતાની 3 મહત્વની વિકેટો ગુમાવી દીધી હતી. આવા કપરા સમયે મિડલ ઓર્ડરમાં બેટિંગ કરવા ઉતરેલા શિવમ દુબેએ શરૂઆતમાં પિચ અને બોલરોનો મિજાજ પારખવા માટે થોડો સમય લીધો હતો.

પરંતુ એકવાર સેટ થઈ ગયા બાદ, તેણે નેધરલેન્ડ્સના બોલરો પર આક્રમણ શરૂ કર્યું અને મેદાનની ચારેબાજુ મોટા શોર્ટ્સ રમ્યા. દુબેએ માત્ર 25 બોલમાં પોતાની અડધી સદી (50 રન) પૂરી કરી લીધી હતી. તેની આ 31 બોલમાં 66 રનની ઈનિંગના બળે જ ટીમ ઈન્ડિયા નિર્ધારિત 20 ઓવરમાં 6 વિકેટના ભોગે 193 રનનો મજબૂત સ્કોર ઊભો કરી શકી હતી.

શિવમ દુબેએ કઈ બાબતમાં હાર્દિકને પાછળ છોડ્યો?

શિવમ દુબેએ પોતાની ઇનિંગમાં જેવો 63 રનનો આંકડો પાર કર્યો, કે તરત જ તેણે T20 વર્લ્ડ કપના ઇતિહાસમાં એક નવો કીર્તિમાન સ્થાપિત કરી દીધો. તે હવે T20 વર્લ્ડ કપમાં 5મા ક્રમે કે તેથી નીચેના ક્રમે બેટિંગ કરવા આવીને ભારત માટે સૌથી વધુ વ્યક્તિગત સ્કોર (Highest Individual Score) બનાવનાર બેટ્સમેન બની ગયો છે.

આ અગાઉ આ ઐતિહાસિક રેકોર્ડ સ્ટાર ઓલરાઉન્ડર હાર્દિક પંડ્યાના નામે નોંધાયેલો હતો. હાર્દિકે વર્ષ 2022 ના T20 વર્લ્ડ કપમાં ઇંગ્લેન્ડ સામેની મેચમાં 63 રન બનાવ્યા હતા.

T20 વર્લ્ડ કપમાં 5મા કે તેથી નીચેના ક્રમે સૌથી વધુ રન બનાવનાર ભારતીયો:

• શિવમ દુબે: 66 રન (નેધરલેન્ડ્સ સામે, 2026)
• હાર્દિક પંડ્યા: 63 રન (ઇંગ્લેન્ડ સામે, 2022)
• યુવરાજ સિંહ: 58 રન (ઇંગ્લેન્ડ સામે, 2007)
• હાર્દિક પંડ્યા: 52 રન (નામિબિયા સામે, 2026)
• અક્ષર પટેલ: 47 રન (દક્ષિણ આફ્રિકા સામે, 2024)

ફિનિશર તરીકે શિવમ દુબેની શાનદાર ભૂમિકા

વર્તમાન T20 વર્લ્ડ કપ 2026 માં શિવમ દુબેએ અત્યાર સુધી એક ફિનિશર અને ભરોસાપાત્ર મિડલ ઓર્ડર બેટ્સમેન તરીકે પોતાની જવાબદારી બખૂબી નિભાવી છે. ટૂર્નામેન્ટમાં રમાયેલી 4 મેચોમાં તેણે 29 ની સરેરાશ અને 178.46 ના ખતરનાક સ્ટ્રાઇક રેટથી કુલ 116 રન બનાવ્યા છે. આ દરમિયાન તેના બેટમાંથી એક અડધી સદી પણ નીકળી છે, અને તેણે અત્યાર સુધીમાં કુલ 8 ચોગ્ગા અને 8 ગગનચુંબી છગ્ગા ફટકાર્યા છે.

આ પણ વાંચો

T20 વર્લ્ડ કપ 2026: સુપર 8 નું શેડ્યૂલ જાહેર, જાણો ટીમ ઈન્ડિયાનો મુકાબલો ક્યારે થશે