VIDEO: Shubman Gillને સૂવા નથી દેતો Ishan Kishan, રોહિતને આપેલા ઇન્ટરવ્યૂમાં કર્યા અનેક ખુલાસાઓ

શુભમન ગીલે હૈદરાબાદમાં ન્યૂઝીલેન્ડ સામેની પ્રથમ વન-ડેમાં ભારતની શાનદાર જીતમાં મહત્વની ભૂમિકા ભજવી હતી

ફોટોઃ BCCI

IND vs NZ Rohit Sharma Shubman Gill Ishan Kishan: શુભમન ગીલે હૈદરાબાદમાં ન્યૂઝીલેન્ડ સામેની પ્રથમ વન-ડેમાં ભારતની શાનદાર જીતમાં મહત્વની ભૂમિકા ભજવી હતી. તેણે બેવડી સદી ફટકારીને ઘણા રેકોર્ડ તોડ્યા હતા. ટીમ ઈન્ડિયાની જીત બાદ ભારતીય ક્રિકેટ કંટ્રોલ બોર્ડ એક ફ્રેમમાં બેવડી સદી ફટકારનાર ત્રણ ખેલાડીઓને લાવ્યું હતું. બીસીસીઆઇએ એક વીડિયો શેર કર્યો છે, જેમાં રોહિત શર્મા, ઈશાન કિશન અને શુભમન રસપ્રદ ઈન્ટરવ્યૂ લેતા જોવા મળી રહ્યા છે. આ ઈન્ટરવ્યૂમાં શુભમ અને ઈશાને ઘણા રસપ્રદ રહસ્યો જાહેર કર્યા હતા.

1⃣ Frame
3️⃣ ODI Double centurions

Expect a lot of fun, banter & insights when captain @ImRo45, @ishankishan51 & @ShubmanGill bond over the microphone 🎤 😀 - By @ameyatilak

Full interview 🎥 🔽 #TeamIndia | #INDvNZ https://t.co/rD2URvFIf9 pic.twitter.com/GHupnOMJax

— BCCI (@BCCI) January 19, 2023

પોતાની બેવડી સદીનો ઉલ્લેખ કરતાં શુભમને કહ્યું કે, હું ખૂબ જ સારું અનુભવી રહ્યો છું. હું શ્રીલંકા શ્રેણી વિશે વિચારી રહ્યો હતો કે તે પ્રથમ અને ત્રીજી વનડેમાં કેવી રીતે આઉટ થયો. આ મેચમાં મને વધુ લાંબી ઇનિંગ્સ રમવાની તક મળી હતી.

વિકેટ પડવા અંગે તેણે કહ્યું હતું કે હું કંઈ અલગ વિચારતો નહોતો. જ્યારે વિકેટો પડી રહી હોય ત્યારે બોલર દબાણમાં હોતો નથી. અને તેના માટે ડોટ બોલ ફેંકવાનું સરળ બની જાય છે. આ દરમિયાન રોહિતે મજાકમાં ઈશાન કિશન તરફ જોયું અને કહ્યું કે તે અહીં શું કરી રહ્યો છે.

ઈશાને શુભમનને પૂછ્યું કે તારી મેચ પહેલાની દિનચર્યા શું છે? આના પર શુભમને જવાબ આપ્યો, "યે બંદા (ઇશાન કિશન) મારી મેચ પહેલાની દિનચર્યા બગાડે છે." મને ઊંઘવા નથી દેતો. તે iPad પર ઇયરપોડ્સ લગાવતો નથી. ફિલ્મ ફુલ વોલ્યુમમાં જોવે છે. હું તેને કહું છું કે ભાઈ તારો અવાજ ઓછો કર. તો તે કહે છે કે તું મારા રૂમમાં સૂવે છે તો તારે હું કહું તેમ રહેવું પડશે.

IND vs NZ: 3 વર્ષ બાદ પ્રથમ વખત ટીમ ઈન્ડિયાએ વન ડેમાં ન્યુઝીલેન્ડને આપી હાર, આ ખેલાડી રહ્યા જીતના હીરો

IND vs NZ: હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમમાં બુધવારે ભારત અને ન્યુઝીલેન્ડ વચ્ચે ત્રણ મેચની શ્રેણીની પ્રથમ વનડે રમાઈ હતી. ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો. ટીમ ઈન્ડિયાએ 50 ઓવરમાં 8 વિકેટના નુકસાન પર 349 રન બનાવ્યા હતા. ઓપનર શુબમન ગિલે 208 રનની ઈનિંગ રમી હતી. તેણે 149 બોલની ઈનિંગમાં 19 ચોગ્ગા અને 9 છગ્ગા માર્યા હતા.

ગિલ સિવાય અન્ય બેટ્સમેનો નિષ્ફળ

ગિલ સિવાય ભારતના અન્ય બેટ્સમેનો નિષ્ફળ રહ્યા હતા. કોઈ બેટ્સમેને 35 રનને પાર થઈ શક્યું નહોતું. રોહિત શર્માં 38 બોલમાં 34 રન, વિરાટ કોહલી 10 બોલમાં 8 રન, ઈશાન કિશન 14 બોલમાં 5 રન અને સૂર્યકુમાર યાદવ 26 બોલમાં 31 રન, હાર્દિક પંડ્યા 38 બોલમાં 28 રન બનાવી આઉટ થયા હતા. ન્યુઝીલેન્ડ તરફથી શિપ્લેએ 74 રનમાં 2, ડેરિલ મિચેલે 30 રનમાં 2, લોકી ફર્ગ્યુસને 77 રનમાં 1, ટિકનરે 69 રનમાં 1 અને સેન્ટરને 56 રનમાં 1 વિકેટ લીધી હતી.