Sourav Ganguly: BCCI માંથી વિદાઈ બાદ ગાંગુલીની મોટી જાહેરાત, જાણો ક્યાંથી લડશે ચૂંટણી?

Sourav Ganguly: BCCIના વર્તમાન અધ્યક્ષ સૌરવ ગાંગુલી 18 ઓક્ટોબરે તેમના પદ પરથી નિવૃત થઈ રહ્યા છે. તો બીજી તરફ, ફરી એકવાર ગાંગુલી સાથે જોડાયેલા એક મોટા સમાચાર સામે આવી રહ્યા છે.

સૌરવ ગાંગુલી (ફાઈલ તસવીર)

Sourav Ganguly: BCCIના વર્તમાન અધ્યક્ષ સૌરવ ગાંગુલી 18 ઓક્ટોબરે તેમના પદ પરથી નિવૃત થઈ રહ્યા છે. તો બીજી તરફ, ફરી એકવાર ગાંગુલી સાથે જોડાયેલા એક મોટા સમાચાર સામે આવી રહ્યા છે. વાસ્તવમાં, BCCI અધ્યક્ષ પદ છોડ્યા પછી, ગાંગુલી ફરીથી ક્રિકેટ એસોસિએશન ઓફ બંગાળના અધ્યક્ષ પદ માટે ચૂંટણી લડશે. સૌરવ ગાંગુલી અગાઉ ક્રિકેટ એસોસિએશન ઓફ બંગાળના પ્રમુખ તરીકે સેવા આપી ચૂક્યા છે. બીસીસીઆઈ પ્રમુખ બનતા પહેલા તેઓ CABના પ્રમુખ હતા.

ગાંગુલી CABની ચૂંટણી લડશે
BCCIમાંથી છૂટા થયા બાદ સૌરવ ગાંગુલી CABના પ્રમુખ પદ માટે ચૂંટણી લડશે. ગાંગુલી 2019માં બીસીસીઆઈના પ્રમુખ બનતા પહેલા સીએબીના પ્રમુખ હતા. તો બીજી તરફ તેના બાદ બંગાળ ક્રિકેટ એસોસિએશનના પ્રમુખ જગમોહન દાલમિયાના પુત્ર અભિષેક દાલમિયાને બનાવવામાં આવ્યા હતા. તમને જણાવી દઈએ કે આ મહિનાના અંત સુધીમાં CABના અધ્યક્ષ પદ માટે ચૂંટણી થઈ શકે છે. બીસીસીઆઈના વર્તમાન પ્રમુખ સૌરવ ગાંગુલીએ શનિવારે કોલકાતામાં પત્રકારો સાથે વાત કરતા કહ્યું કે તેઓ ક્રિકેટ એસોસિએશન ઓફ બંગાળની આગામી ચૂંટણીમાં અધ્યક્ષ પદ માટે પોતાની ઉમેદવારી રજૂ કરશે. તમને જણાવી દઈએ કે વર્તમાન CAB પ્રમુખ અભિષેક દાલમિયાનો કાર્યકાળ પૂરો થઈ ગયો છે.

સૌરવ ગાંગુલીની BCCIમાંથી થશે છૂટ્ટી
ભારતીય ક્રિકેટ કંટ્રોલ બોર્ડના પ્રમુખ તરીકે સૌરવ ગાંગુલીની સફર સમાપ્ત થવા જઈ રહી છે. સૌરવ ગાંગુલીએ સ્વીકાર્યું છે કે તે બીસીસીઆઈ પ્રમુખ તરીકે બીજી ઈનિંગ રમતા જોવા નહીં મળે. સૌરવ ગાંગુલીનું કહેવું છે કે હવે તે બીજા કોઈ મોટા કામ પર ધ્યાન આપશે. આ સાથે પૂર્વ ક્રિકેટર રોજર બન્ની કોઈપણ વિરોધ વિના BCCIના નવા અધ્યક્ષ બની શકે છે.

સૌરવ ગાંગુલીએ આપ્યું મોટું નિવેદન
બીજી તરફ, સૌરવ ગાંગુલી બીસીસીઆઈની ખુરશી જવા વિશે કહ્યું કે તમારે કંઈક મોટું કરવા માટે ઘણું બધું આપવું પડશે. પૂર્વ કેપ્ટને કહ્યું કે, મારો ઈતિહાસમાં વિશ્વાસ રહ્યો નથી. પરંતુ મારી નજર એ હકીકત પર છે કે પૂર્વમાં આંતરરાષ્ટ્રીય સ્તરે રમતા ટેલેન્ટની અછત છે. કોઈ એક દિવસમાં અંબાણી કે નરેન્દ્ર મોદી બની શકતું નથી. આવા બનવા માટે તમારે વર્ષો સુધી કામ કરવું પડશે.