'પંત ભારતનો ગિલક્રિસ્ટ બની શકે છે, વનડે-ટી20માં ઓપનિંગમાં ઉતારો' - કયા ભારતીય દિગ્ગજે કરી આવી માંગ

સુનીલ ગાવસ્કરે માંગ કરતા કહ્યું કે, હવે પંતને વનડે અને ટી20માં પણ સારા પ્રદર્શન માટે ઓપનિંગમાં ઉતારવો જોઇએ. ઋષભ પંત બેસ્ટ બેટ્સમેન તરીકે સાબિત થઇ શકે છે.

ફાઇલ તસવીર

નવી દિલ્હીઃ એજબેસ્ટૉન ટેસ્ટમાં ટીમ ઇન્ડિયાની હાર છતાં ઋષભ પંત (Rishabh Pant)ની બેટિંગે તમામ દર્શકોના દિલ જીતી લીધા. તેને પહેલી ઇનિંગમાં સદી તો બીજી ઇનિંગમાં ફિફ્ટી ફટકારીને ઇંગ્લિશ ટીમને ટેન્શનમાં લાવી દીધી હતી. જોકે, મેચનુ પરિણામ ભારતને હાર સાથે મળ્યુ હતુ. હવે ઋષભ પંતની તાબડતોડ બેટિંગને જોઇને પૂર્વ કેપ્ટન સુનીલ ગાવસ્કરે એક મોટી માંગ કરી દીધી છે, તેમને કહ્યું કે ટેસ્ટની જેમ ઋષભ પંત વનડે અને ટી20માં પણ બેસ્ટ ખેલાડી સાબિત થઇ શકે છે. 

સુનીલ ગાવસ્કરે માંગ કરતા કહ્યું કે, હવે પંતને વનડે અને ટી20માં પણ સારા પ્રદર્શન માટે ઓપનિંગમાં ઉતારવો જોઇએ. ઋષભ પંત બેસ્ટ બેટ્સમેન તરીકે સાબિત થઇ શકે છે. ઋષભ પંતે અત્યાર સુધી વનડેમાં 32 ની એવરેજથી રન બનાવ્યા છે, તો ટી20માં તેની એવરેજ 23ની છે. ગાવસ્કરે કહ્યું કે ઋષભ પંતને વનડે અને ટી20માં ઓપનિંગમા મોકો આપવો જોઇએ. 

ગાવસ્કરે કહ્યું કે, ઋષભ પંતને ઓપનિંગમાં ઉતારવાનો ઓપ્શન ખોટો નથી. ગિલક્રિસ્ટ વનડે ક્રિકેટમાં ઓસ્ટ્રેલિયા માટે આવુ કરી ચૂક્યો છે. ટેસ્ટમાં ગિલી નંબર 6 કે 7 પર બેટિંગ કરતો હતો, પરંતુ વનડેમાં તે અલગ જ તેવર સાથે રમતો હતો. ભારતીય ટીમ માટે પણ ઋષભ પંત બીજો ગિલક્રિસ્ટ બની શકે છે, ઋષભ પંતને એકવાર મોકો આપવો જોઇએ.

ઉલ્લેખનીય છે કે, હાલમાં ઋષભ પંત વનડેમાં નંબર 4 પર બેટિંગ કરે છે, પરંતુ 2023ના વનડે વર્લ્ડકપ બાદ ઋષભ પંતના બેટિંગ ક્રમમાં ફેરફાર જોવા મળી શકે છે.

આ પણ વાંચો..........