Abu Dhabi T10 League: સંન્યાસ લીધા બાદ સુરેશ રૈના પ્રથમ વખત આ ટીમ માટે T10 લીગમાં રમશે

સુરેશ રૈનાએ ઈન્ડિયન પ્રીમિયર લીગ (IPL) અને ડોમેસ્ટિક ક્રિકેટને અલવિદા કહી દીધું છે. તેણે 6 સપ્ટેમ્બરે નિવૃત્તિની જાહેરાત કરી હતી.

સુરેશ રૈના

Suresh Raina In Abu Dhabi T10 League: સુરેશ રૈનાએ ઈન્ડિયન પ્રીમિયર લીગ (IPL) અને ડોમેસ્ટિક ક્રિકેટને અલવિદા કહી દીધું છે. તેણે 6 સપ્ટેમ્બરે નિવૃત્તિની જાહેરાત કરી હતી, પરંતુ હવે ક્રિકેટ ચાહકો માટે સારા સમાચાર છે. સુરેશ રૈના અબુ ધાબી T10 લીગમાં રમતો જોવા મળશે. અબુ ધાબી T10ની ટીમ ડેક્કન ગ્લેડીયેટર્સે રૈનાને પોતાની ટીમમાં સામેલ કર્યો છે. આ રીતે સુરેશ રૈના પ્રથમ વખત અબુધાબી T10માં રમતા જોવા મળશે.

સુરેશ રૈના ડેક્કન ગ્લેડીયેટરનો ભાગ બનશે

આન્દ્રે રસેલ, નિકોલસ પૂરન, જેસન રોય, તસ્કીન અહેમદ, ઓડિયન સ્મિથ અને મુજીબ ઉર રહેમાન જેવા દિગ્ગજ ખેલાડીઓ ડેક્કન ગ્લેડીયેટર્સ ટીમનો ભાગ છે. હવે સુરેશ રૈનાના આગમન બાદ આ ટીમ વધુ મજબૂત દેખાઈ રહી છે. નોંધપાત્ર રીતે, સુરેશ રૈના તાજેતરમાં રોડ સેફ્ટી વર્લ્ડ સિરીઝમાં જોવા મળ્યો હતો. સુરેશ રૈના રોડ સેફ્ટી વર્લ્ડ સિરીઝમાં ઈન્ડિયા લેજેન્ડ્સનો ભાગ હતો. વર્ષ 2020માં, ભૂતપૂર્વ ભારતીય કેપ્ટન મહેન્દ્ર સિંહ ધોનીએ આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. જોકે તે ગયા વર્ષે IPL રમ્યો હતો.

World Cup winner @ImRaina has signed for the @TeamDGladiators 🙌🇮🇳

One of India's all time finest white-ball players, Raina will line up in the #AbuDhabiT10 for the first time and we can't wait 🔥#InAbuDhabi #CricketsFastestFormat pic.twitter.com/7FGP5TWk89

— T10 League (@T10League) November 1, 2022

રૈનાને ચેન્નાઈ સુપર કિંગ્સે રિટેન નહોતો કર્યોઃ

ઉલ્લેખનીય છે કે, IPL 2022ની મેગા ઓક્શન પહેલા ચેન્નાઈ સુપર કિંગ્સે સુરેશ રૈનાને રિલીઝ કર્યો હતો. આ પછી IPL મેગા ઓક્શન 2022 દરમિયાન કોઈપણ ટીમે સુરેશ રૈનામાં રસ દાખવ્યો ન હતો. તમને જણાવી દઈએ કે આવું પહેલીવાર બન્યું જ્યારે સુરેશ રૈના IPL નહોતો રમ્યો. આ ખેલાડીએ અન્ય લીગમાં રમવા માટે IPL અને ઘરેલુ ક્રિકેટને અલવિદા કહી દીધું હતું, પરંતુ હવે ચાહકો માટે સારા સમાચાર છે કે તે ડેક્કન ગ્લેડીયેટર્સની જર્સીમાં મેદાન પર જોવા મળશે.

આ પણ વાંચો....