સૂર્યકુમાર યાદવે પીએમ મોદીના ટ્વીટ પર પાકિસ્તાનની લીધી મજા, કહ્યું – ‘જ્યારે આપણા દેશના નેતા ફ્રન્ટ ફૂટ પર બેટિંગ કરે ત્યારે....’
૨૮ સપ્ટેમ્બરના રોજ ભારતની જીત પછી વડા પ્રધાન નરેન્દ્ર મોદીએ ટ્વીટ કર્યું કે, "રમતગમતના મેદાન પર ઓપરેશન સિંદૂર. તેનો સારો પ્રતિસાદ મળી રહ્યો છે."
Suryakumar Yadav PM Modi tweet: એશિયા કપ ૨૦૨૫ની ફાઇનલમાં ભારત દ્વારા પાકિસ્તાનને પાંચ વિકેટે હરાવ્યા બાદ, ભારતીય ટીમના કેપ્ટન સૂર્યકુમાર યાદવે વડા પ્રધાન નરેન્દ્ર મોદીના ટ્વીટ પર પ્રતિક્રિયા આપીને પાકિસ્તાનની મજાક ઉડાવી હતી. વડા પ્રધાને ભારતની જીતને 'ઓપરેશન સિંદૂર' સાથે જોડીને અભિનંદન આપ્યા હતા, જેના પર સૂર્યકુમારે કહ્યું કે, "જ્યારે દેશના નેતા ફ્રન્ટ ફૂટ પર બેટિંગ કરે છે ત્યારે ખૂબ જ સારું લાગે છે." આ ઉપરાંત, ભારતીય ટીમે ACC ચેરમેન મોહસીન નકવી પાસેથી ટ્રોફી સ્વીકારવાનો ઇનકાર કરીને એક મોટો વિવાદ સર્જ્યો હતો, જેના પર સૂર્યકુમારએ ટિપ્પણી કરી કે, "બધાના દિલ જીતવા એ જ ખરી ટ્રોફી છે."
સૂર્યકુમાર યાદવની કેપ્ટનશીપ હેઠળ ટીમ ઇન્ડિયાએ એશિયા કપ ૨૦૨૫માં અદ્ભુત પ્રદર્શન કરીને ફાઇનલમાં પાકિસ્તાનને હરાવીને ટ્રોફી જીતી. સમગ્ર ટુર્નામેન્ટ દરમિયાન ભારત અને પાકિસ્તાન ત્રણ વખત આમને-સામને આવ્યા, અને ભારતે ત્રણેય મેચ જીતીને પોતાનું વર્ચસ્વ સાબિત કર્યું. આ જીત બાદ સૂર્યકુમારે મીડિયા સાથેની વાતચીતમાં કેટલાક મહત્વપૂર્ણ મુદ્દાઓ પર પોતાના મંતવ્યો રજૂ કર્યા.
૨૮ સપ્ટેમ્બરના રોજ ભારતની જીત પછી વડા પ્રધાન નરેન્દ્ર મોદીએ ટ્વીટ કર્યું કે, "રમતગમતના મેદાન પર ઓપરેશન સિંદૂર. પરિણામ એક જ છે - ભારત જીતે છે!" સૂર્યકુમારએ આ પોસ્ટ પર પ્રતિક્રિયા આપતા કહ્યું, "જ્યારે દેશના નેતા પોતે ફ્રન્ટ ફૂટ પર બેટિંગ કરે છે ત્યારે ખૂબ જ સારું લાગે છે. એવું લાગ્યું કે તેમણે સ્ટ્રાઇક લીધી અને રન બનાવ્યા." તેમણે ઉમેર્યું કે, સરની તસવીરથી ખેલાડીઓને વધુ સ્વતંત્રતા સાથે રમવાની પ્રેરણા મળે છે.
#WATCH | Dubai, UAE: On India refused to accept the Asia Cup 2025 trophy from ACC chairman Mohsin Naqvi, Indian skipper Suryakumar Yadav says, "I won't call it controversy. If you have seen, people have posted photos of trophy here and there. But the real trophy is when you win… pic.twitter.com/v33vIktcdr
— ANI (@ANI) September 29, 2025
ટ્રોફી સ્વીકારવાનો ઇનકાર: વિવાદ કે દિલ જીતવાની વાત?
ભારતીય ટીમે PCB ચીફ અને ACC પ્રમુખ મોહસીન નકવી પાસેથી એશિયા કપ ટ્રોફી સ્વીકારવાનો ઇનકાર કરીને મોટો વિવાદ ઊભો કર્યો હતો. આ અંગે સૂર્યકુમાર યાદવે સ્પષ્ટતા આપી: "હું તેને વિવાદ નહીં કહું. જો તમે જોયું હોય, તો લોકોએ અહીં-ત્યાં ટ્રોફીના ફોટા પોસ્ટ કર્યા છે, પરંતુ વાસ્તવિક ટ્રોફી ત્યારે હોય છે જ્યારે તમે લોકોના દિલ જીતી લો છો; તે જ ખરી ટ્રોફી છે."
તેમણે ભારપૂર્વક કહ્યું કે, વાસ્તવિક ટ્રોફી તો મેદાન પરના ખેલાડીઓ અને પડદા પાછળ કામ કરતા લોકોની મહેનત અને પ્રયત્નો છે. સૂર્યકુમારે આ જીતને સમગ્ર ટીમ અને દેશ માટે શાનદાર અનુભૂતિ ગણાવી અને કહ્યું કે હાર્યા વિના ટુર્નામેન્ટ જીતવાથી પ્રેરણા મળે છે. આખરે, સૂર્યકુમારની કપ્તાનીમાં મળેલી આ જીત અને તેના નિવેદનો લાંબા સમય સુધી ચર્ચામાં રહેશે.
ટોપ સ્ટોરી
ટ્રેન્ડિંગ સમાચાર
