એશિયા કપ 2025માં સૂર્યકુમાર યાદવ રમશે કે નહીં? સર્જરી બાદ ફિટનેસ ટેસ્ટ પર થયો મોટો ખુલાસો
ભારતીય ક્રિકેટ ટીમ માટે સારા સમાચાર સામે આવ્યા છે. ટીમ ઇન્ડિયાના સ્ટાર બેટ્સમેન અને T20 કેપ્ટન સૂર્યકુમાર યાદવે એશિયા કપ 2025 માં રમવા માટે પોતાનો ફિટનેસ ટેસ્ટ પાસ કરી લીધી છે.
Suryakumar Yadav Asia Cup 2025: ભારતીય ક્રિકેટ ચાહકો માટે સારા સમાચાર છે. ઇજાના કારણે ટીમની બહાર ચાલી રહેલા ભારતના T20 કેપ્ટન સૂર્યકુમાર યાદવે 2025 ના એશિયા કપ પહેલા પોતાનો ફિટનેસ ટેસ્ટ સફળતાપૂર્વક પાસ કરી લીધો છે. તેની આ વાપસીથી ટીમ ઇન્ડિયાની તાકાતમાં વધારો થશે. સૂર્યકુમારે તાજેતરમાં સ્પોર્ટ્સ હર્નિયાની સર્જરી કરાવી હતી અને હવે તે સંપૂર્ણપણે સ્વસ્થ થઈ ગયો છે. 9 સપ્ટેમ્બરથી શરૂ થનારા એશિયા કપ માટે ટીમની પસંદગી સમિતિની બેઠક પહેલા તેની ફિટનેસ એક મહત્વપૂર્ણ પરિબળ હતું.
ભારતીય ક્રિકેટ ટીમના T20 કેપ્ટન સૂર્યકુમાર યાદવે BCCI ના સેન્ટર ઓફ એક્સેલન્સ, બેંગલુરુ ખાતે પોતાનો ફિટનેસ ટેસ્ટ પાસ કરી છે. આ સાથે જ 2025 ના એશિયા કપમાં તેની વાપસી નિશ્ચિત થઈ ગઈ છે. સૂર્યકુમારે જૂન મહિનામાં જર્મનીમાં સ્પોર્ટ્સ હર્નિયાની સર્જરી કરાવી હતી અને તે લાંબા સમયથી રિહેબિલિટેશનમાંથી પસાર થઈ રહ્યો હતો. 2025 નો એશિયા કપ 9 સપ્ટેમ્બરથી શરૂ થશે અને કુલ 8 ટીમો ભાગ લેશે. ભારત અને પાકિસ્તાન વચ્ચે આ ટુર્નામેન્ટમાં 3 મેચ રમાઈ શકે છે, જેમાંથી પહેલી લીગ મેચ 14 સપ્ટેમ્બરે રમાશે.
સૂર્યકુમારની ફિટનેસ
BCCI ના સૂત્રો અનુસાર, સૂર્યકુમારે બેંગલુરુમાં BCCI ના સેન્ટર ઓફ એક્સેલન્સ (NCA) ખાતે પોતાનો 'રિટર્ન ટુ પ્લે' (RTP) ફિટનેસ ટેસ્ટ સફળતાપૂર્વક પાસ કરી છે. આ ટેસ્ટ કોઈપણ મોટી સર્જરી બાદ ક્રિકેટર માટે ફરજિયાત હોય છે. સૂર્યકુમાર છેલ્લે IPL માં રમ્યો હતો, જ્યાં તેને 'પ્લેયર ઓફ ધ સિરીઝ' તરીકે પસંદ કરવામાં આવ્યો હતો. તેની સર્જરી બાદ, તેણે પોતે સોશિયલ મીડિયા પર પોતાની તબિયત સુધારા પર હોવાની માહિતી આપી હતી.
એશિયા કપ 2025નું શેડ્યૂલ
2025 નો એશિયા કપ 9 સપ્ટેમ્બરથી શરૂ થઈને 28 સપ્ટેમ્બર સુધી ચાલશે. આ ટુર્નામેન્ટ અબુ ધાબી અને દુબઈમાં રમાશે. કુલ 8 ટીમો ભાગ લેશે, જેમને બે ગ્રુપમાં વહેંચવામાં આવી છે. ટીમ ઇન્ડિયાની પહેલી મેચ 10 સપ્ટેમ્બરે છે.
ભારત-પાકિસ્તાન વચ્ચે 3 મેચની શક્યતા
આ વખતે એશિયા કપમાં ક્રિકેટ ચાહકોને ભારત અને પાકિસ્તાન વચ્ચે 3 રોમાંચક મેચ જોવા મળી શકે છે. પહેલી લીગ મેચ 14 સપ્ટેમ્બરે રમાશે. જો બંને ટીમો સુપર-4 રાઉન્ડ માટે ક્વોલિફાય થાય છે, તો તેઓ 21 સપ્ટેમ્બરે ફરી ટકરાશે. અને જો બંને ફાઇનલમાં પહોંચે છે, તો 28 સપ્ટેમ્બરે ત્રીજી અને અંતિમ મેચ રમાશે. સૂર્યકુમારની વાપસીથી ટીમ ઇન્ડિયાને મજબૂતી મળશે અને ખાસ કરીને પાકિસ્તાન સામેની મેચોમાં તેની આક્રમક બેટિંગ મહત્વપૂર્ણ સાબિત થઈ શકે છે.
ટોપ સ્ટોરી
ટ્રેન્ડિંગ સમાચાર
