India vs England: ઇગ્લેન્ડ ટેસ્ટ અગાઉ ટીમ ઇન્ડિયાને ઝટકો, આ દિગ્ગજ ખેલાડીને થયો કોરોના

ઇગ્લેન્ડના પ્રવાસ પર ગયેલી ટીમ ઇન્ડિયા કોરોનાની ઝપેટમાં આવી ગઇ છે. બીસીસીઆઇએ ટ્વિટ કરીને આ વાતની જાણકારી આપી હતી

ફોટોઃ BCCI

નવી દિલ્હીઃ ઇગ્લેન્ડના પ્રવાસ પર ગયેલી ટીમ ઇન્ડિયા કોરોનાની ઝપેટમાં આવી ગઇ છે. ટીમના કેપ્ટન રોહિત શર્માનો કોરોના રિપોર્ટ પોઝિટીવ આવ્યો છે. શનિવારે કરવામાં આવેલા રેપિડ એન્ટીજન ટેસ્ટમાં રોહિત શર્માનો રિપોર્ટ પોઝિટીવ આવ્યો હતો. બીસીસીઆઇએ ટ્વિટ કરીને આ વાતની જાણકારી આપી હતી.

UPDATE - #TeamIndia Captain Mr Rohit Sharma has tested positive for COVID-19 following a Rapid Antigen Test (RAT) conducted on Saturday. He is currently in isolation at the team hotel and is under the care of the BCCI Medical Team.

— BCCI (@BCCI) June 25, 2022

બીસીસીઆઇએ લખ્યું હતું કે શનિવારે હાથ ધરવામાં આવેલા રેપિડ એન્ટિજેન ટેસ્ટ (RAT)માં કેપ્ટન રોહિત શર્માનો કોવિડ-19 રિપોર્ટ પોઝિટિવ આવ્યો હતો. તાજેતરમાં ટીમ હોટલમાં આઈસોલેશનમાં છે. બીસીસીઆઈની મેડિકલ ટીમ તેની સંભાળ લઈ રહી છે.

રોહિત શર્મા લેસ્ટરશાયર સામે ચાલી રહેલી ભારતીય ટીમની પ્રેક્ટિસ મેચમાં સામેલ હતો, પરંતુ રમતના ત્રીજા દિવસે ભારતની બીજી ઇનિંગમાં રોહિત બેટિંગ કરવા આવ્યો નહોતો. રોહિત મેચના શરૂઆતના દિવસે પ્રથમ દાવમાં ઓપનિંગ કરવા આવ્યો હતો અને 25 રન બનાવ્યા હતા.

રોહિતે શાનદાર પ્રદર્શન કર્યું હતું

રોહિત શર્માએ ગયા વર્ષે ઈંગ્લેન્ડ સામેની ચાર ટેસ્ટ મેચમાં ભારતનો સર્વશ્રેષ્ઠ બેટ્સમેન હતો. રોહિતે ચાર ટેસ્ટ મેચોમાં 52.27ની એવરેજથી 368 રન બનાવ્યા હતા, જેમાં ઓવલ ખાતેની સદીનો સમાવેશ થાય છે. પાંચ મેચની શ્રેણીમાં ભારત 2-1થી આગળ છે. જો ભારત એજબેસ્ટન ટેસ્ટ ઓછામાં ઓછી ડ્રો કરે છે, તો તે સીરિઝ પર કબજો કરી લેશે. પાંચમી ટેસ્ટ મેચ 1 થી 5 જૂલાઈ દરમિયાન રમાશે.