IND vs ZIM 2022: ઝિમ્બાબ્વે પ્રવાસ પર જશે ટીમ ઈન્ડિયા, KL રાહુલ બની શકે છે કેપ્ટન, જુઓ શેડ્યુલ

ભારતીય ક્રિકેટ ટીમ આવતા મહિને ઝિમ્બાબ્વેના પ્રવાસે જશે. 6 વર્ષ બાદ ભારતીય ક્રિકેટ ટીમ ઝિમ્બાબ્વેના પ્રવાસે જઈ રહી છે.

KL રાહુલ, (ફાઈલ ફોટો)

World Cup Super League: ભારતીય ક્રિકેટ ટીમ આવતા મહિને ઝિમ્બાબ્વેના પ્રવાસે જશે. 6 વર્ષ બાદ ભારતીય ક્રિકેટ ટીમ ઝિમ્બાબ્વેના પ્રવાસે જઈ રહી છે. આ પહેલાં વર્ષ 2016માં ભારતીય ક્રિકેટ ટીમે (India Tour Of Zimbabwe 2016) ઝિમ્બાબ્વેનો પ્રવાસ કર્યો હતો. હવે આવતા ઓગષ્ટ મહિનામાં થનારા આ પ્રવાસમાં ભારતીય ટીમ યજમાન ઝિમ્બાબ્વે સાથે 3 વનડે મેચોની સિરીઝ રમશે.

ત્રણેય મેચ હરારેમાં રમાશેઃ
ભારત અને ઝિમ્બાબ્વે વચ્ચેની વનડે સિરીઝની પ્રથમ મેચ 18 ઓગસ્ટે રમાશે. તો બીજી મેચ 20 ઓગસ્ટે રમાશે જ્યારે ત્રીજી મેચ 22 ઓગસ્ટે રમાશે. ભારત-ઝિમ્બાબ્વે શ્રેણીની તમામ મેચો (Indian vs Zimbabwe 2022) હરારેમાં રમાશે. એવું માનવામાં આવી રહ્યું છે કે, કેએલ રાહુલ આ શ્રેણીમાં ભારતીય ટીમની કેપ્ટનશીપ કરશે. ભારત અને ઝિમ્બાબ્વે વચ્ચેની આ સિરીઝ મેન્સ વર્લ્ડ કપ સુપર લીગનો (Mens World Cup Super League) ભાગ હશે.

ટીમ ઈન્ડિયાનો વર્ષ 2016માં ઝિમ્બાબ્વે પ્રવાસઃ
નોંધનીય છે કે આગામી 50 ઓવરનો વર્લ્ડ કપ (World Cup 2023) ભારતમાં રમાનાર છે. હાલમાં ઝિમ્બાબ્વે મેન્સ વર્લ્ડ કપ સુપર લીગમાં 12મા નંબર પર છે. જ્યારે આ લીગમાં 13 ટીમો છે. ઝિમ્બાબ્વેની ટીમે અત્યાર સુધી 15 મેચ રમી છે, પરંતુ 3 મેચ જીતી છે. જ્યારે ભારતીય ટીમ છેલ્લી વખત ઝિમ્બાબ્વે ગઈ હતી ત્યારે ભારતીય ટીમના કેપ્ટન મહેન્દ્ર સિંહ ધોની હતા. તે પ્રવાસમાં, ભારતીય ટીમે 3 ODI અને 3 T20 મેચોની શ્રેણી રમી હતી.

આ પણ વાંચોઃ