Virat Kohli: ઈંગ્લેન્ડ સામે વિરાટ કોહલી તોડી શકે છે સચિન તેંડુલકરનો આ મહાન વર્લ્ડ રેકોર્ડ

6 મહિના બાદ મેદાનમાં પરત ફરી રહેલા કિંગ કોહલી 15,000 વનડે રન પૂરા કરવાથી માત્ર 203 રન દૂર છે, જો આમ થશે તો તૂટી જશે સૌથી મોટો રેકોર્ડ.

Virat Kohli Return England ODI Series Sachin Tendulkar World Record

Source : ai

Show Quick Read

Key points generated by AI, verified by newsroom

• વિરાટ કોહલી 6 મહિને ઇંગ્લેન્ડ સામે વનડેમાં પાછા ફરશે.
• કોહલી 15,000 વનડે રનથી 203 રન દૂર છે.
• કોહલી સચિનનો 15,000 રનનો ઝડપી રેકોર્ડ તોડશે.

Virat Kohli ODI Comeback: લગભગ 6 મહિનાની લાંબી પ્રતીક્ષા બાદ, ક્રિકેટ ચાહકોના ચહિતા વિરાટ કોહલી ફરી એકવાર બ્લુ જર્સીમાં મેદાન પર ઉતરવા માટે સજ્જ છે. 14 જુલાઈથી ઈંગ્લેન્ડ સામે શરૂ થતી 3 મેચોની વનડે સિરીઝ માત્ર કોહલીની વાપસી માટે જ નહીં, પરંતુ તે આ સિરીઝમાં જે ઐતિહાસિક સિદ્ધિઓ હાંસલ કરી શકે છે તેના માટે પણ ખૂબ જ ખાસ બની રહેવાની છે. જો આ સિરીઝમાં વિરાટનું બેટ ચાલ્યું, તો તે પોતાની શાનદાર કારકિર્દીનો વધુ એક સુવર્ણ અધ્યાય લખશે.

6 મહિના બાદ મેદાન પર કિંગ કોહલીની વાપસી

ભારત અને ઈંગ્લેન્ડ વચ્ચે પ્રથમ વનડે મેચ 14 જુલાઈએ રમાવાની છે. ઉલ્લેખનીય છે કે, વિરાટે તેની છેલ્લી આંતરરાષ્ટ્રીય વનડે મેચ જાન્યુઆરી 2026 માં ન્યૂઝીલેન્ડ સામે રમી હતી. ત્યારબાદ ઈજાના કારણે તે અફઘાનિસ્તાન સામેની સિરીઝ રમી શક્યો ન હતો. પરંતુ હવે તે સંપૂર્ણપણે ફિટ છે અને મેદાન પર ધમાલ મચાવવા તૈયાર છે.

15,000 રનના જાદુઈ આંકડાથી માત્ર 203 રન દૂર

આ સિરીઝમાં વિરાટ કોહલી વનડે ક્રિકેટમાં પોતાના 15,000 રન પૂરા કરવાથી માત્ર 203 રન દૂર છે. હાલમાં તેણે રમેલી 311 વનડે મેચોમાં તેના નામે 14,797 રન નોંધાયેલા છે. વનડે ક્રિકેટના ઈતિહાસમાં અત્યાર સુધી માત્ર 'ક્રિકેટના ભગવાન' સચિન તેંડુલકર જ 15,000 થી વધુ રન (કુલ 18,426 રન) બનાવી શક્યા છે. જો કોહલી આ 203 રન બનાવી લેશે, તો તે આ સિદ્ધિ મેળવનાર દુનિયાનો માત્ર બીજો બેટ્સમેન બની જશે.

આ પણ વાંચોઃ ICC Annual Meeting: શું હવે 40 ઓવરની રમાશે વનડે ક્રિકેટ મેચો? આઈસીસી બેઠકમાં લેવાયા 4 મોટા નિર્ણય

સચિન તેંડુલકરનો વર્લ્ડ રેકોર્ડ તોડવાની તક

કિંગ કોહલી પાસે માત્ર 15,000 રન પૂરા કરવાની જ નહીં, પરંતુ આ આંકડા સુધી સૌથી ઝડપી પહોંચવાનો વર્લ્ડ રેકોર્ડ બનાવવાની પણ શાનદાર તક છે. સચિન તેંડુલકરે 15,000 રન પૂરા કરવા માટે 359 ઇનિંગ્સ લીધી હતી. જ્યારે વિરાટે અત્યાર સુધીમાં માત્ર 299 ઇનિંગ્સ જ રમી છે. આનો સીધો અર્થ એ છે કે જો તે ઈંગ્લેન્ડ સામેની આ 3 મેચોની સિરીઝમાં 203 રન બનાવી લે છે, તો તે 300 થી 302 ઇનિંગ્સમાં જ આ મહાન સિદ્ધિ મેળવી લેશે અને સચિનનો વર્ષો જૂનો રેકોર્ડ ધ્વસ્ત કરી દેશે.

એક નજર કોહલીના શાનદાર વનડે આંકડાઓ પર

વર્ષ 2008 માં વનડેમાં ડેબ્યૂ કરનાર વિરાટ કોહલીની કારકિર્દી અદભુત રહી છે. તેણે અત્યાર સુધી 311 મેચોમાં 58.71 ની શાનદાર એવરેજ અને 90 થી વધુના સ્ટ્રાઇક રેટ સાથે 14,797 રન બનાવ્યા છે. વનડેમાં તેના નામે 54 સદી અને 77 અડધી સદી નોંધાયેલી છે, જ્યારે તેનો અત્યાર સુધીનો સર્વોચ્ચ સ્કોર 183 રન રહ્યો છે.

આ પણ વાંચોઃ ચેતેશ્વર પૂજારાએ જણાવ્યું ઈંગ્લેન્ડમાં ટીમ ઈન્ડિયાની શરમજનક હારના 3 મુખ્ય કારણો