Watch: ‘હું હંમેશા સચિન તેંડુલકરની જેમ રમવા માંગતો હતો પરંતુ’, ધોનીએ કરી પોતાના દિલની વાત
એમએસ ધોનીએ આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. તે હવે માત્ર IPLનો ભાગ છે. IPLની છેલ્લી સિઝનમાં તેણે પોતાની જોરદાર બેટિંગથી બધાના દિલ જીતી લીધા હતા.
MS Dhoni And Sachin Tendulkar: ચેન્નાઈ સુપર કિંગ્સ (CSK) એ ટ્વિટર પર એક વીડિયો શેર કર્યો છે, જેમાં એમએસ ધોની બાળકોના સવાલોના જવાબ આપતા જોવા મળે છે. આ વીડિયોમાં ધોની પોતાના આદર્શ ક્રિકેટર માટે સચિન તેંડુલકરનું નામ લેતો જોવા મળી રહ્યો છે. ધોની કહે છે કે તે હંમેશા સચિન તેંડુલકરની જેમ રમવા માંગતો હતો.
વીડિયોમાં ધોની કહી રહ્યો છે કે, 'જ્યારે હું તમારી ઉંમરનો હતો ત્યારે હું તેને (સચિન તેંડુલકર) જોતો હતો. હું હંમેશા વિચારતો હતો કે મારે આ રીતે રમવું છે પરંતુ એવું ન થઈ શક્યું. મારા દિલમાં હું હંમેશા તેની જેમ બેટિંગ કરવા માંગતો હતો. તે ક્રિકેટના આઈડલ હતા.
IPL 2022માં પણ ધોનીનું બેટ સારું રમ્યું હતું
એમએસ ધોનીએ આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. તે હવે માત્ર IPLનો ભાગ છે. IPLની છેલ્લી સિઝનમાં તેણે પોતાની જોરદાર બેટિંગથી બધાના દિલ જીતી લીધા હતા. ધોનીએ IPL 2022માં 14 મેચમાં 33.14ની બેટિંગ એવરેજથી 232 રન બનાવ્યા હતા. આ દરમિયાન તે 6 વખત અણનમ રહીને પેવેલિયન પરત ફર્યો હતો.
Even Thala’s favourite period is PT! 😉#WhistlePodu #Yellove 🦁💛 @msdhoni pic.twitter.com/t4MInuQhxu
— Chennai Super Kings (@ChennaiIPL) October 13, 2022
સૌથી સફળ ભારતીય કેપ્ટન
ધોનીની કપ્તાનીમાં ભારતીય ટીમે ICCની તમામ મોટી ટુર્નામેન્ટ જીતી હતી. ધોનીના કેપ્ટન બનતાની સાથે જ ટીમ ઈન્ડિયાએ પ્રથમ વખત વર્ષ 2007માં T20 વર્લ્ડ કપ જીત્યો હતો. આ પછી ધોનીની કપ્તાનીમાં ભારતીય ટીમે ODI વર્લ્ડ કપ અને ICC ચેમ્પિયન્સ ટ્રોફી પણ જીતી હતી. તેની ગણના વિશ્વના શ્રેષ્ઠ કેપ્ટનોમાં થાય છે.
ટ્રેન્ડિંગ સમાચાર
ટોપ સ્ટોરી
