GGW vs UPW Highlights: ગુજરાત જાયન્ટ્સની એકતરફી જીત, ઘરેલુ મેદાન પર યુપી વોરિયર્સને મળી સૌથી મોટી હાર

મહિલા પ્રીમિયર લીગની 15મી મેચમાં ગુજરાત જાયન્ટ્સે યુપી વોરિયર્સ પર 81 રનની મોટી જીત નોંધાવી હતી

મહિલા આઇપીએલ

Source : PTI

Gujarat Giants vs UP Warriorz WPL 2025: મહિલા પ્રીમિયર લીગની 15મી મેચમાં ગુજરાત જાયન્ટ્સે યુપી વોરિયર્સ પર 81 રનની મોટી જીત નોંધાવી હતી. પ્રથમ બેટિંગ કરતા ગુજરાતે 186 રનનો વિશાળ સ્કોર બનાવ્યો હતો. ઓપનર બેથ મૂનીએ 96 રનની અણનમ ઇનિંગ્સ રમી હતી જેના જવાબમાં ઉત્તર પ્રદેશની શરૂઆત નબળી રહી, તેણે માત્ર 48 રનમાં છ વિકેટ ગુમાવી દીધી. ડિએન્ડ્રા ડોટિને પહેલી જ ઓવરમાં બે બેટ્સમેનોને આઉટ કર્યા હતા. ટીમ શરૂઆતની વિકેટોમાંથી બહાર નીકળી શકી નહીં અને 81 રનથી મેચ હારી ગઈ હતી. આ જીત બાદ ગુજરાત જાયન્ટ્સ પોઈન્ટ ટેબલમાં પાંચમા સ્થાનેથી બીજા સ્થાને પહોંચી ગયું છે, જ્યારે યુપી નીચે સરકી ગયું છે.

Double Strike from Dottin! 👏#UPW are in all sorts of trouble at 7/2 after 2 overs 😮

Updates ▶️ https://t.co/shk0r97xOU#TATAWPL | #UPWvGG | @Giant_Cricket pic.twitter.com/1sL5Y0kyl6

— Women's Premier League (WPL) (@wplt20) March 3, 2025

ગુજરાત તરફથી રમતી વેસ્ટ ઈન્ડિઝની ખેલાડી ડિએન્ડ્રા ડોટિને પહેલી જ ઓવરમાં કિરણ નવગિરે અને જ્યોર્જિયા વોલને પેવેલિયન મોકલી દીધા હતા. તેણે જ્યોર્જિયાને પણ બોલ્ડ કરી હતી. ચિનલે હેનરીએ ટોચના બેટ્સમેન કરતાં વધુ રન બનાવ્યા. તેણે 14 બોલમાં 3 ચોગ્ગા અને 2 છગ્ગાની મદદથી 28 રન કર્યા હતા.

Innings Break!

Beth Mooney produces the highest individual score of #TATAWPL 2025 with 9️⃣6️⃣* 🙌#GG set #UPW a 🎯 of 187! 👏

Scorecard ▶️ https://t.co/shk0r97xOU#UPWvGG | @Giant_Cricket pic.twitter.com/CvUjAaZWrU

— Women's Premier League (WPL) (@wplt20) March 3, 2025

યુપી વોરિયર્સનો ટોપ ઓર્ડર વેરવિખેર છે.

પહેલી ઓવરમાં 2 વિકેટ લીધા બાદ કાશ્વી ગૌતમે ચોથી ઓવરમાં વૃંદા દિનેશને 1 રન પર આઉટ કરી હતી. આ પછી કેપ્ટન દીપ્તિ શર્મા પાસેથી મોટી ઇનિંગની આશા હતી પરંતુ તે પણ 6 રન બનાવીને મેઘના સિંહના હાથે કેચ આઉટ થઈ ગઈ. આ પછી શ્વેતા શેરાવત 5 રન બનાવીને આઉટ થઈ ગઈ હતી.

યુપી વોરિયર્સની આખી ટીમ 105 રનમાં ઓલઆઉટ થઇ ગઇ હતી. ગુજરાતે આ મેચ 81 રનના મોટા માર્જિનથી જીતી લીધી હતી. ગુજરાત તરફથી તનુજા કંવર અને કાશ્વી ગૌતમે 3-3 વિકેટ લીધી હતી. ડિએન્ડ્રા ડોટિને 2 વિકેટ લીધી હતી. મેઘના સિંહ અને કેપ્ટન એશ ગાર્ડનરે 1-1 વિકેટ લીધી હતી.

ગુજરાત જાયન્ટ્સ WPL પોઈન્ટ ટેબલમાં બીજા સ્થાને પહોંચ્યું

ગુજરાત જાયન્ટ્સની આ છઠ્ઠી મેચ હતી. આ તેમનો ત્રીજો વિજય હતો. આ મેચ પહેલા તે ટેબલમાં સૌથી નીચે હતી, હવે તે 6 પોઈન્ટ સાથે બીજા સ્થાને આવી ગઈ છે. મુંબઈ ઈન્ડિયન્સના પણ 6 પોઈન્ટ છે પરંતુ ગુજરાતનો નેટ રન રેટ (+0.357) વધુ સારો છે. આ હાર બાદ યુપી વોરિયર્સ ત્રીજા સ્થાનેથી પાંચમા સ્થાને સરકી ગયું છે. તેમણે 6 માંથી 2 મેચ જીતી છે. આ સીઝનમાં આ તેની ચોથી હાર છે.

બેથ મૂની સદી ચૂકી ગઈ

અગાઉ ટોસ હારીને પહેલા બેટિંગ કરવા આવેલા ગુજરાત જાયન્ટ્સની શરૂઆત સારી રહી ન હતી. દયાલન હેમલતા 2 રન બનાવીને આઉટ થઈ ગયા. તેને ચિનલે હેનરીએ આઉટ કરી હતી. આ પછી બેથ મૂની અને હરલીન દેઓલ વચ્ચે 101 રનની શાનદાર ભાગીદારી થઈ હતી. આ જોડી સોફી એક્લેસ્ટોને તોડી હતી, તેણીએ હરલીનને બોલ્ડ કરી હતી. હરલીને 32 બોલમાં 6 ચોગ્ગાની મદદથી 45 રનની મહત્વપૂર્ણ ઇનિંગ રમી હતી.

ઓપનર બેથ મૂનીએ 96 રનની ધમાકેદાર ઇનિંગ રમી હતી. મૂનીએ 59 બોલમાં 17 ચોગ્ગાની મદદથી અણનમ 96 રન બનાવ્યા હતા. આ WPL માં આ સીઝનનો સૌથી વધુ વ્યક્તિગત સ્કોર છે. યુપી વોરિયર્સ તરફથી સોફી એક્લેસ્ટોને સૌથી વધુ 2 વિકેટ લીધી હતી.