Yuvraj Blessed with Baby: ટીમ ઈન્ડિયાનો પૂર્વ સ્ટાર ક્રિકેટર યુવરાજ સિંહ બન્યો બાપ, કહી આ ખાસ વાત
Yuvraj Blessed with Baby: યુવરાજ સિંહની પત્ની હેઝલ કીચ બોલિવૂડ અભિનેત્રી છે. તેણે હોલીવુડની સુપરહિટ ફિલ્મ સીરિઝ હેરી પોટરમાં પણ કામ કર્યું છે.
Yuvraj Blessed with Baby: ભારતીય ક્રિકેટ ટીમના પૂર્વ ખેલાડી યુવરાજ સિંહની પત્ની હેઝલ કીચે એક છોકરીને જન્મ આપ્યો છે. યુવરાજે સોશિયલ મીડિયા દ્વારા તેના ચાહકોને આ ખુશખબર આપી હતી. યુવરાજે ટ્વીટર દ્વારા પોતાના ચાહકોને કહ્યું છે કે તેમના ઘરે એક બાળકનો જન્મ થયો છે, તે પિતા બની ગયો છે. આની ખુશી તેણે તેના ફેન્સ સાથે પણ શેર કરી છે.
નવેમ્બર 2016માં કર્યા હતા લગ્ન
જો કે, યુવરાજ સિંહે એમ પણ કહ્યું છે કે બધાએ તેની ગોપનીયતાનું પણ સન્માન કરવું જોઈએ. યુવરાજે લખ્યું છે કે અમે ભગવાનના આશીર્વાદ માટે આભાર માનીએ છીએ. યુવરાજ સિંહે 30 નવેમ્બર, 2016ના રોજ હેઝલ કીચ સાથે લગ્ન કર્યા હતા. આમ લગ્નના પાંચ વર્ષ બાદ તેમને ત્યાં પારણું બંધાયું છે.
❤️ @hazelkeech pic.twitter.com/IK6BnOgfBe
— Yuvraj Singh (@YUVSTRONG12) January 25, 2022
યુવરાજની પત્નીએ હેરી પોટરમાં કર્યુ છે કામ
યુવરાજ સિંહની પત્ની હેઝલ કીચ બોલિવૂડ અભિનેત્રી છે. તેણે હોલીવુડની સુપરહિટ ફિલ્મ સીરિઝ હેરી પોટરમાં પણ કામ કર્યું છે. હેઝલનો જન્મ ઈંગ્લેન્ડમાં થયો હતો. તેના પિતા ઈંગ્લેન્ડના છે જ્યારે માતા ભારતીય છે.
ભારતને બે વર્લ્ડકપ જીતાડી ચુક્યો છે યુવરાજ સિંહ
યુવરાજ સિંહની ગણના ભારતના દિગ્ગજ ક્રિકેટોરમાં થાય છે. તે ભારતને 2007નો ટી-20 અને 2011નો વન ડે વર્લ્ડકપ જીતાડી ચુક્યો છે. આ બંને ટુર્નામેન્ટમાં તેણે શાનદાર દેખાવ કર્યો હતો. યુવરાજે 40 ટેસ્ટમાં 22.9ની સરેરાશથી 1900 રન બનાવ્યા છે. જ્યારે 304 વન ડેમાં 36.5ની સરેરાશથી 8701 રન અને 58 ટી20 ઈન્ટરનેશનલમાં 1177 રન 136.4ના સ્ટ્રાઇક રેટથી બનાવ્યા છે. આ ઉપરાંત આઈપીએલની 132 મેચમાં 129.7ના સ્ટ્રાઇક રેટથી 2750 રન બનાવ્યા છે. આ ઉપરાંત ટેસ્ટમાં તેણે 9, વનડેમાં 111 અને ટી20માં 28 વિકેટ ઝડપી છે.
ટ્રેન્ડિંગ સમાચાર
ટોપ સ્ટોરી
