ઓસ્ટ્રેલિયા અને ન્યૂઝીલેન્ડ સામેની ટીમમાં આ ખેલાડીને સ્થાન મળતા ફેન્સ ભડક્યા, કહ્યું- વનડે-ટી20માં ભારતની બલ્લે બલ્લે કરી દેશે

નવી દિલ્હીઃ સોમવારે ભારતીય ટીમ પસંદગીકારોએ ઓસ્ટ્રેલિયા અને ન્યૂઝીલેન્ડ માટે વનડે અને ટી20 સીરીઝ માટે ટીમ ઇન્ડિયાની જાહેરાત કરી છે. આમાં એક ખેલાડીના નામની જાહેરાતને લઇને સોશ્યલ મીડિયા પર ફેન્સ ભડકી ગયા છે. આ નામ બીજા કોઇનુ નહીં પણ ટેસ્ટમાં ઓપનર તરીકે ફેલ થઇ રહેલા લોકેશ રાહુલનું છે. લોકેશ રાહુલના સિલેક્શનને લઇને ફેન્સે સોશ્યલ મીડિયા પર ભડાશ કાઢી છે.

ફેન્સે સોશ્યલ મીડિયામાં કહ્યું કે લોકેશ રાહુલની જગ્યાએ સુરેશ રૈના, યુવરાજ સિંહ, મનિષ પાંડે જેવા દિગ્ગજોને મોકો આપવો જોઇએ.

નોંધનીય છે કે, રાહુલ છેલ્લી 10 ઇનિંગમાં કંઇ ખાસ કમાલ નથી કરી શક્યો, એકમાત્ર અફઘાનિસ્તાની ટીમ વિરુદ્ધ તેને 60 રન બનાવ્યા હતા, તે સિવાય જાન્યુઆરી 2017થી લઇને અત્યાર સુધી વનડે ક્રિકેટની 10માંથી 6 ઇનિંગમાં બે આંકડાનો સ્કૉર પણ પાર નથી કરી શક્યો.

ખરાબ ફોર્મ સામે ઝઝૂમી રહેલા લોકેશ રાહુલનો ફેન્સે સોશ્યલ મીડિયા પર ઉઘડો લીધો છે. ફેન્સે ગુસ્સે ઠાવલતા કહ્યું કે લોકેશ રાહુલ ઓસ્ટ્રેલિયા અને ન્યૂઝીલેન્ડમાં ભારતીય ટીમની બલ્લે બલ્લે કરીને મુકી દેશે.