FIFA World Cup Qatar 2022: બેકાર ગયો મેસીનો ગોલ, સઉદી અરબે મોટો ઉલટફેર કરી આર્જેન્ટીનાને હરાવ્યું

સાઉદી અરેબિયા સામેની મેચમાં લિયોનેલ મેસીએ એક મોટો રેકોર્ડ બનાવ્યો છે. વાસ્તવમાં, આર્જેન્ટિનાના લિયોનેલ મેસ્સી 4 અલગ-અલગ વર્લ્ડ કપમાં ગોલ કરનાર પ્રથમ ફૂટબોલર બની ગયો છે.

લિયોનલ મેસી

Argentina vs Saudi Arabia: સાઉદી અરેબિયા સામેની મેચમાં લિયોનેલ મેસીએ એક મોટો રેકોર્ડ બનાવ્યો છે. વાસ્તવમાં, આર્જેન્ટિનાના લિયોનેલ મેસ્સી 4 અલગ-અલગ વર્લ્ડ કપમાં ગોલ કરનાર પ્રથમ ફૂટબોલર બની ગયો છે. આ દિગ્ગજ ફૂટબોલરે ફિફા વર્લ્ડ કપ 2006, ફિફા વર્લ્ડ કપ 2014, ફિફા વર્લ્ડ કપ 2018 અને ફિફા વર્લ્ડ કપ 2022માં ગોલ કર્યા હતા. જો કે આ મેચમાં ખિતાબના પ્રબળ દાવેદાર મનાતા આર્જેન્ટિનાને હારનો સામનો કરવો પડ્યો છે. 

સાઉદી અરેબિયાએ કર્યો મોટો અપસેટ

વાસ્તવમાં, FIFA વર્લ્ડ કપ 2022ના ત્રીજા દિવસે એક મોટો ઉલટફેર  જોવા મળ્યો હતો. સાઉદી અરેબિયાએ આર્જેન્ટિનાને 2-1થી હરાવ્યું છે. લિયોનેલ મેસીના ગોલ છતાં આર્જેન્ટિનાની ટીમને હારનો સામનો કરવો પડ્યો હતો. આ રીતે આર્જેન્ટિનાનો છેલ્લી 36 મેચમાં હારવાનો રેકોર્ડ તૂટી ગયો છે. બીજી તરફ આ મેચની વાત કરીએ તો આર્જેન્ટિનાએ પહેલા હાફમાં આક્રમક રમત બતાવી હતી. લિયોનેલ મેસીના ગોલને કારણે આર્જેન્ટિના પ્રથમ હાફમાં 1-0થી આગળ હતું, પરંતુ તે પછી સાઉદી અરેબિયાએ જોરદાર વાપસી કરી હતી. 

Saudi Arabia beat Argentina. @adidasfootball | #FIFAWorldCup

— FIFA World Cup (@FIFAWorldCup) November 22, 2022

સાઉદી અરેબિયાએ બીજા હાફની શરૂઆતમાં શાનદાર રમત રમી  હતી. સાઉદી અરેબિયાએ 48મી મિનિટે પહેલો ગોલ કર્યો હતો. સાઉદી અરેબિયા માટે સાલેહ અલશેહરીએ આ ગોલ કર્યો હતો. સાલેહ અલશેહરીએ અલ બુરેકનના પાસ પર ગોલ કર્યો હતો. તે જ સમયે, આ પછી, સાઉદી અરેબિયાએ 53મી મિનિટે બીજો ગોલ કર્યો. આ રીતે સાઉદી અરેબિયાએ પોતાની લીડ મજબૂત કરી. સાઉદી અરેબિયા માટે સાલેમ અલ્દસારીએ બીજો ગોલ કર્યો હતો. આ રીતે સાઉદી અરેબિયાએ ખિતાબની દાવેદાર આર્જેન્ટિનાને 2-1થી હરાવીને મોટો અપસેટ સર્જ્યો હતો.

યજમાન દેશ પહેલી જ વાર  ઓપનિંગ મેચ હાર્યો

કતર પહેલા 22 દેશો ફિફા વર્લ્ડ કપની યજમાની કરી ચૂક્યા છે. તેમાંથી 16 દેશો એવા છે કે, જેઓ વર્લ્ડકપની પ્રથમ મેચ જીતવામાં સફળ રહ્યા હતા. જ્યારે 6 દેશોએ વર્લ્ડ કપનો પ્રથમ ડ્રો રમ્યો છે. પરંતુ FIFA વર્લ્ડકપના 92 વર્ષના ઈતિહાસની યજમાની દરમિયાન વખતે કતર પહેલી જ વાર ઓપનિંગ મેચ હારી ગયું હતું. ઉલ્લેખનીય છે કે, કતરની ટીમ પ્રથમ વખત વર્લ્ડકપમાં રમી રહી છે.