RBI MPC: RBIની ખેડૂતોને મોટી ભેટ, હવે સરળતાથી મળશે આટલા લાખની લોન

RBI MPC: ભારતીય રિઝર્વ બેન્કની નાણાકીય નીતિ સમિતિના નિર્ણયોની આજે રિઝર્વ બેન્કના ગવર્નર શક્તિકાંત દાસ દ્વારા જાહેરાત કરવામાં આવી હતી. RBI ગવર્નરે આજે રેપો રેટમાં ઘટાડો કર્યો નથી

પ્રતિકાત્મક તસવીર

RBI MPC: ભારતીય રિઝર્વ બેન્કની નાણાકીય નીતિ સમિતિના નિર્ણયોની આજે રિઝર્વ બેન્કના ગવર્નર શક્તિકાંત દાસ દ્વારા જાહેરાત કરવામાં આવી હતી. RBI ગવર્નરે આજે રેપો રેટમાં ઘટાડો કર્યો નથી અને આનાથી આજે પણ તમારી EMI સસ્તી થવાની આશા પર પાણી ફરી વળ્યું છે. જોકે, આરબીઆઈએ ખેડૂતોને ભેટ આપી છે અને આ અંતર્ગત ખેડૂતો માટે કોલેટરલ ફ્રી લોનની મર્યાદા વધારી દીધી છે.

RBIએ ખેડૂતો માટે કોલેટરલ ફ્રી લોનની મર્યાદા વર્તમાન 1.6 લાખથી વધારીને 2 લાખ રૂપિયા કરી છે. આનો લાભ નાના અને મધ્યમ ખેડૂતોને મળશે. આ જાહેરાતનો સ્પષ્ટ અર્થ એ છે કે હવે ખેડૂતોએ 2 લાખ રૂપિયા સુધીની લોન માટે કાંઇ ગીરવે રાખવું પડશે નહીં. પહેલા આ મર્યાદા 1.6 લાખ રૂપિયા હતી, એટલે કે કોઈ પણ ગીરવે રાખ્યા વિના ખેડૂતો માત્ર 1.6 લાખ રૂપિયા સુધીની લોન લઈ શકતા હતા, જેની મર્યાદા હવે વધીને 2 લાખ રૂપિયા થઈ ગઈ છે.