રોહિત શર્માને ટિમ પેને કહ્યું- ‘સિક્સ ફટકાર તો હું મુંબઈ ઈન્ડિયન્સને સપોર્ટ કરીશ’

પેન આ તમામ વાત તેના સાથી ખેલાડી એરોન ફિંચને કહેતો સાંભળવા મળ્યો હતો. પરંતુ તેના પર રોહિતે કોઇ પ્રતિક્રિયા આપી નહોતી. ભારતે 443 રન પર 7 વિકેટ ગુમાવીને ઈનિંગ ડિક્લેર કરી ત્યારે રોહિત શર્મા 63 રને અણનમ રહ્યો હતો.

મેલબોર્નઃ ભારત અને ઓસ્ટ્રેલિયા વચ્ચે રમાઇ રહેલી ત્રીજી ટેસ્ટના બીજા દિવસે ઓસ્ટ્રેલિયાના બોલરો એક-એક વિકેટ માટે પરસેવો પાડતાં હતા તેમ છતાં સફળ થતા નહોતા. હિટમેન રોહિત શર્મા જ્યારે બેટિંગ કરતો હતો ત્યારે ટિમ પેન સતત વિકેટ પાછળથી કોમેન્ટ કરતો હતો. તેણે રોહિત શર્માને આઉટ કરવા માટે IPLનો પણ ઉલ્લેખ કરી દીધો.