IND vs ENG 3rd Test: અક્ષર પટેલે રચ્યો ઈતિહાસ, આ કારનામું કરનારો ભારતનો પ્રથમ અને દુનિયો બીજો બોલર બન્યો

અમદાવાદમાં રમાઈ રહેલી ત્રીજી ટેસ્ટમાં ટીમ ઈન્ડિયાના સ્પિનર અક્ષર પટેલે ઈંગ્લેન્ડ સામે પ્રથમ ઈનિંગમાં તરખાટ મચાવી દીધો હતો. તેણે 6 વિકેટ ઝડપી હતી.

તસવીર- BCCI ટ્વિટર

IND vs ENG 3rd Test: ભારત અને ઈંગ્લેન્ડ વચ્ચે અમદાવાદમાં રમાઈ રહેલી ત્રીજી ટેસ્ટમાં લેફ્ટ આર્મ સ્પિનર અક્ષર પટેલે 6 વિકેટ લઈને ઈતિહાસ રચી દીધો છે. અક્ષર ભારત માટે ડે-નાઈટ ટેસ્ટની પ્રથમ ઈનિંગમાં 6 વિકેટ લેનારો પહેલો સ્પિનર બની ગયો છે. તેની સાથે જ પિંક બોલથી ડે-નાઈટ ટેસ્ટમાં એક ઈનિંગમાં સૌથી વધુ વિકેટ લેનાર વિશ્વનો બીજો સ્પિનર બની ગયો છે. મોટેરામા રમાઈ રહેલી ડે-નાઈટ ટેસ્ટમાં અક્ષર પટેલે 38 રન આપીને છ વિકેટ ઝડપી હતી. વેસ્ટ ઈન્ડિઝના દેવેન્દ્ર બિશુએ પાકિસ્તાન વિરુદ્ધ 2019-17માં દુબઈમાં રમાયેલી ડે નાઈટ ટેસ્ટમાં 49 રન આપીને 8 વિકેટ ઝડપી હતી. દેવેન્દ્રએ ડેન-નાઈટમાં સૌથી વધુ વિકેટ લેનાર દુનિયાનો પહેલે સ્પિન બોલર છે. તેના સિવાય પાકિસ્તાનના યાસિર શાહે શ્રીલંકા વિરુદ્ધ 2017-18માં 184 રન આપીને છ વિકેટ લીધી હતી અને તે ડે-નાઈટ ટેસ્ટમાં સર્વાધિક વિકેટ લેવા મામલે અક્ષર બાદ ત્રીજા નંબરે છે.

2⃣1⃣.4⃣-6⃣-3⃣8⃣-6⃣! 👏👏@akshar2026 was on a roll with the ball and ran through the England batting line-up on Day 1 of the third @Paytm #INDvENG Test. 👌👌 #TeamIndia #PinkBallTest Watch his sensational bowling display 🎥👇https://t.co/xyqLVL3uAy pic.twitter.com/9SvwMFDOPb

— BCCI (@BCCI) February 24, 2021 ">

ઈંગ્લેન્ડની ટીમે ટોસ જીતીને પ્રથમ બેટિંગ કરતા પ્રથમ ઈનિંગમાં ધબડકો થયો હતો. 112 રનમાં ટીમ ઓલઆઉટ થઈ ગઈ હતી. અક્ષર પટેલે 6 વિકેટ ઝડપી હતી. જ્યારે અશ્વિને 3 અને ઈશાંતે 1 વિકેટ ઝડપી હતી.