Hockey Asia Cup 2025: ભારતે ચોથી વખત જીત્યો એશિયા કપ, ફાઈનલમાં દક્ષિણ કોરિયાને 4-1થી હરાવી રચ્યો ઈતિહાસ
Hockey Asia Cup 2025: ભારતે દક્ષિણ કોરિયાને 4-1થી હરાવીને હૉકી એશિયા કપનું ટાઈટલ જીત્યું હતું
Hockey Asia Cup 2025: ભારતે દક્ષિણ કોરિયાને 4-1થી હરાવીને હૉકી એશિયા કપનું ટાઈટલ જીત્યું હતું. ભારતે એશિયા કપ ટ્રોફી ચોથી વખત જીતી છે. ટીમ ઈન્ડિયા માટે સુખજીત સિંહ, અમિત રોહિદાસે એક-એક ગોલ અને દિલપ્રીત સિંહે બે ગોલ કર્યા હતા. આ સાથે ભારતે 2013 ની ફાઇનલની હારનો બદલો લીધો છે, જ્યારે દક્ષિણ કોરિયાએ ભારતને 4-3થી હરાવીને ટ્રોફી જીતી હતી.
🔥 𝐂𝐡𝐚𝐦𝐩𝐢𝐨𝐧𝐬 & 𝐖𝐨𝐫𝐥𝐝 𝐂𝐮𝐩 𝐛𝐨𝐮𝐧𝐝! 🇮🇳
— Hockey India (@TheHockeyIndia) September 7, 2025
India’s stellar show at the Hero Asia Cup Rajgir, Bihar 2025 earns them the continental crown and a ticket to the World Cup.#HockeyIndia #IndiaKaGame #HumseHaiHockey #HeroAsiaCupRajgir pic.twitter.com/HQ3nt3Lgh1
ભારતે ચોથી વખત એશિયા કપ જીત્યો
સુખજીત સિંહે મેચની શરૂઆતની ક્ષણોમાં ગોલ કર્યો અને ટીમ ઈન્ડિયાને લીડ અપાવી હતી. ભારતને પહેલા ક્વાર્ટરમાં પેનલ્ટી સ્ટ્રોક પણ મળ્યો હતો, પરંતુ ગોલ થઈ શક્યો નહીં. બીજો ક્વાર્ટર શરૂ જ થયો હતો જ્યારે જુગરાજ સિંહને 2 મિનિટ માટે સસ્પેન્ડ કરવામાં આવ્યો હતો. ટીમ ઈન્ડિયાના 10 ખેલાડીઓ મેદાન પર હતા, તેમ છતાં કોરિયન ટીમ ગોલ કરી શકી ન હતી. બીજા ક્વાર્ટરમાં દિલપ્રીત સિંહે ગોલ કર્યો અને ટીમ ઈન્ડિયાને 2-0ની લીડ અપાવી હતી.
Double Delight!
— Hardeep Singh Puri (@HardeepSPuri) September 7, 2025
A dominant performance by Team India to clinch the men’s Asia Cup hockey tournament. With this big win India also seals a spot in next year’s World Cup.
Well done champions.#AsiaCup #asiacuphockey2025 #AsiaCupHockeyChampionship #IndVsKor #TeamIndia #India… pic.twitter.com/osXuNQSNvk
ભારત હાફ-ટાઇમ સુધી 2-0થી આગળ હતું. ત્રીજા ક્વાર્ટરમાં દક્ષિણ કોરિયાએ સારી શરૂઆત કરી હતી, પરંતુ ટીમ ઈન્ડિયા ગોલ કરવામાં સફળ રહી હતી. દિલપ્રીત સિંહે મેચનો પોતાનો બીજો ગોલ કરીને ભારતને 3-0થી આગળ લઈ લીધું. ચોથા અને અંતિમ ક્વાર્ટરમાં પણ કઠિન મુકાબલો જોવા મળ્યો, જ્યાં સિનિયર ખેલાડી અમિત રોહિદાસે ભારત માટે ચોથો ગોલ કર્યો હતો. કોરિયન ટીમ મેચમાં ફક્ત એક જ ગોલ કરી શકી હતી.
FIH President Tayyab Ikram: “Congratulations to the Indian men’s team for winning the Hero Asia Cup Rajgir, Bihar 2025 and qualifying for the FIH Hockey World Cup Belgium & Netherlands 2026!
— International Hockey Federation (@FIH_Hockey) September 7, 2025
The tournament was brilliantly organised, and what truly stood out was the passion of… pic.twitter.com/NKXldmcXz1
ટીમ ઈન્ડિયાએ બદલો લીધો
આ એ જ દક્ષિણ કોરિયા છે, જેણે 2013 એશિયા કપ ફાઇનલમાં ભારતને 4-3થી હરાવ્યું હતું. હવે 12 વર્ષની લાંબી રાહ જોયા પછી ભારતીય ટીમ તેનો બદલો લેવામાં સફળ રહી છે. આ એક મોટો સંયોગ પણ કહી શકાય કે છેલ્લા 31 વર્ષમાં ભારત અને દક્ષિણ કોરિયા સિવાય કોઈ ત્રીજી ટીમ હૉકી એશિયા કપનું ટાઈટલ જીતી શકી નથી. છેલ્લા 9 એશિયા કપ ટુર્નામેન્ટમાં દક્ષિણ કોરિયાએ પાંચ વખત ટ્રોફી જીતી છે અને ભારતે ચાર વખત જીતી છે.
ટોપ સ્ટોરી
ટ્રેન્ડિંગ સમાચાર
