IPLમાં ચેન્નાઈનો આ રેકોર્ડ 9 વર્ષથી કોઈ અન્ય ટીમ નથી તોડી શકી

આ શાનદાર જીત પછી પણ આઈપીએલમાં સૌથી લોએસ્ટ સ્કોર બનાવીને મેચ જીતવાનો રેકોર્ડ સનરાઈઝર્સના નામે નથી. સનરાઈઝર્સ બીજી સૌથી ઓછો સ્કોર કરીને મેચ જીતનાર ટીમ બની છે. ટી20 લીગમાં સૌથી ઓછો સ્કોર કરીને મેચ જીતવાનો પહેલો રેકોર્ડ સીએસકેના નામે છે. જે તેણે 20 મે 2009ના રોજ કિંગ્સ ઈલેવન પંજાબ સામે ડરબનમાં બનાવ્યો હતો.

મંગળવારે જ્યારે મુંબઈ ઈન્ડિયન્સે સનરાઈઝર્સ જેવી મજબૂત ટીમને 18.4 ઓવરમાં 118 રન પર જ અટકાવી ત્યારે વાનખેડે સ્ટેડિયમમાં હાજર રહેલાં દર્શકોને આશા બંધાઈ કે હવે ઘરેલુ ટીમ આ મેચ સરળતાથી જીતી લેશે. જોકે, આવું ન થયું અને મુંબઈની ટીમ માત્ર 87 રન પર જ સમેટાઈ ગઈ હતી. માત્ર બે બેટ્સમેન (સૂર્યકુમાર યાદવ અને કૃણાલ પંડ્યા) બે જ આંકડામાં પહોંચી શક્યા હતાં. મુંબઈએ આ મેચ 31 રનથી ગુમાવી હતી.