IPL 2025 ના 3 સૌથી શાનદાર ખેલાડીઓ, એબી ડિવિલિયર્સે જાણો કોના નામ આપ્યા
IPL 2025 તેના છેલ્લા તબક્કામાં છે. પ્લેઓફ મેચો 29 મેથી શરૂ થવા જઈ રહી છે. આ દરમિયાન, અનુભવી ક્રિકેટર એબી ડી વિલિયર્સે સિઝનમાં સૌથી વધુ પ્રભાવિત કરનારા 3 ખેલાડીઓના નામ આપ્યા છે.
AB De Villiers Top 3 Players in IPL 2025: IPL 2025 તેના છેલ્લા તબક્કામાં છે. પ્લેઓફ મેચો 29 મેથી શરૂ થવા જઈ રહી છે. આ દરમિયાન, અનુભવી ક્રિકેટર એબી ડી વિલિયર્સે સિઝનમાં સૌથી વધુ પ્રભાવિત કરનારા 3 ખેલાડીઓના નામ આપ્યા છે. તેમની યાદીમાં ચેન્નાઈ સુપર કિંગ્સ, ગુજરાત ટાઇટન્સ અને રોયલ ચેલેન્જર્સ બેંગ્લોરના એક-એક ખેલાડીને સ્થાન આપવામાં આવ્યું છે. સૌથી આશ્ચર્યજનક વાત એ છે કે ડી વિલિયર્સે પોતાની યાદીમાં રોહિત શર્મા અને વિરાટ કોહલીને સ્થાન આપ્યું નથી.
પોતાની યુટ્યુબ ચેનલ પર, એબી ડી વિલિયર્સે જણાવ્યું કે તેમના મતે, સાઈ સુદર્શન, ડેવાલ્ડ બ્રેવિસ અને જોશ હેઝલવુડે IPL 2025 માં સૌથી પ્રભાવશાળી પ્રદર્શન કર્યું છે. તેમણે કહ્યું, "આ સિઝનમાં ઘણા ખેલાડીઓએ મને તેમની રમતથી પ્રભાવિત કર્યો છે. હું સાઈ સુદર્શનથી ખૂબ પ્રભાવિત છું. હું ટોચના ક્રમમાં તેની બેટિંગથી પ્રભાવિત છું. મેં થોડી સીઝન પહેલા તેના વિશે વાત કરી હતી, જ્યારે તેણે સારું પ્રદર્શન કર્યું હતું અને મેં બધા ચાહકોને કહ્યું હતું કે સુદર્શન એક ઉભરતો સ્ટાર છે." સાઈ સુદર્શને ચાલુ સિઝનમાં અત્યાર સુધીમાં 14 મેચમાં 679 રન બનાવ્યા છે.
સુદર્શન ઉપરાંત તેમણે જોશ હેઝલવુડ અને ડેવાલ્ડ બ્રેવિસનું નામ આપ્યું છે. આરસીબીને પ્લેઓફમાં લઈ જવામાં હેઝલવુડે ખૂબ જ મહત્વપૂર્ણ ભૂમિકા ભજવી હતી. તેણે 10 મેચમાં 18 વિકેટ લીધી. આ સીઝનમાં તેણે શાનદાર બોલિંગ કરી છે. એબી ડી વિલિયર્સ ડેવાલ્ડ બ્રેવિસથી પણ પ્રભાવિત રહ્યા છે, જેમને 'જુનિયર એબી ડી વિલિયર્સ' તરીકે પણ ઓળખવામાં આવે છે. બ્રેવિસ ચેન્નાઈ સુપર કિંગ્સ તરફથી રમ્યો હતો અને IPL 2025 માં તેણે 6 મેચમાં 225 રન બનાવ્યા હતા. બ્રેવિસ સિઝનના ટોચના સ્ટાર્સમાંના એક બન્યા કારણ કે તેણે 180 ના સ્ટ્રાઇક રેટથી રમતા આ 225 રન બનાવ્યા હતા.
વિરાટ અને રોહિતના હાલ ?
વિરાટ કોહલીએ IPL 2025 માં પણ ખૂબ જ સારું પ્રદર્શન કર્યું છે, તેણે 12 મેચમાં 548 રન બનાવ્યા છે અને આ સિઝનમાં તેના નામે 7 અડધી સદીની ઇનિંગ્સ પણ છે. બીજી બાજુ, જો આપણે રોહિત શર્માની વાત કરીએ, તો તેના બેટે 13 મેચમાં 321 રન બનાવ્યા છે. આઈપીએલ 2025માં રોહિત શર્મા મોટી ઈનિંગ નથી રમી શક્યો છે. જ્યારે કોહલીએ આ વખતે ખૂબ જ શાનદાર પ્રદર્શન કર્યું છે.
ટોપ સ્ટોરી
ટ્રેન્ડિંગ સમાચાર
