DC vs KKR: આઇપીએલ 2023માં દિલ્હી કેપિટલ્સે મેળવી પ્રથમ જીત, કોલકત્તા સામે અંતિમ ઓવરમાં ચાર વિકેટથી જીત્યુ

IPLની 16મી સીઝનમાં દિલ્હી કેપિટલ્સ (DC) ટીમે આખરે કોલકાતા નાઈટ રાઈડર્સ સામેની મેચમાં 4 વિકેટથી જીત મેળવી હતી

ફોટોઃ ટ્વિટર

KKR vs DC: IPLની 16મી સીઝનમાં દિલ્હી કેપિટલ્સ (DC) ટીમે આખરે કોલકાતા નાઈટ રાઈડર્સ સામેની મેચમાં 4 વિકેટથી જીત મેળવી હતી. આ સાથે દિલ્હી કેપિટલ્સે સીઝનની પ્રથમ જીત મેળવી હતી. 128 રનના ટાર્ગેટનો પીછો કરવા ઉતરેલી દિલ્હીની ટીમે ચોક્કસપણે તેની 6 વિકેટ ગુમાવી દીધી હતી, પરંતુ અંતે ટીમે 4 બોલ બાકી રહેતા મેચ જીતી લીધી હતી. ટીમ તરફથી કેપ્ટન ડેવિડ વોર્નરે સૌથી વધુ 57 રનની ઇનિંગ રમી હતી.

For his impressive bowling spell and 2⃣ crucial wickets, @ImIshant receives the Player of the Match award in his first game of #TATAIPL 2023 👏👏@DelhiCapitals win by 4⃣ wickets against #KKR

Scorecard ▶️ https://t.co/CYENNIiaQp #DCvKKR pic.twitter.com/aRZjtrTvHa

— IndianPremierLeague (@IPL) April 20, 2023

પૃથ્વી શોએ ફરી નિરાશ કર્યા

128 રનના સ્કોરનો પીછો કરતા દિલ્હી કેપિટલ્સ ટીમ માટે કેપ્ટન ડેવિડ વોર્નર અને પૃથ્વી શોની ઓપનિંગ જોડી મેદાનમાં ઉતરી હતી. બંને વચ્ચે પ્રથમ વિકેટ માટે 38 રનની ભાગીદારી થઈ હતી. પૃથ્વી શૉ આ મેચમાં 11 બોલમાં 13 રનની ઇનિંગ રમીને વરુણ ચક્રવર્તીની ઓવરમાં આઉટ થયો હતો. આ પછી પ્રથમ 6 ઓવરના અંતે દિલ્હીની ટીમે 1 વિકેટના નુકસાન પર 61 રન બનાવ્યા હતા.

Sharmaji delivering on his comeback and making us BELIEVE 🥹#YehHaiNayiDilli #IPL2023 #DCvKKR pic.twitter.com/sKJnbcWdyT

— Delhi Capitals (@DelhiCapitals) April 20, 2023

કોલકાતા નાઈટ રાઈડર્સના બોલરોએ પણ આ મેચમાં વાપસી કરી હતી. તેઓએ દિલ્હીની ટીમને 62ના સ્કોર પર મિશેલ માર્શ અને પછી 67ના સ્કોર પર ફિલ સોલ્ટના રૂપમાં ત્રીજો ઝટકો આપ્યો હતો. અહીંથી ડેવિડ વોર્નરે મનીષ પાંડે સાથે ચોથી વિકેટ માટે 30 બોલમાં 26 રનની ભાગીદારી કરી હતી.

દિલ્હીની ટીમને 93 રનના સ્કોર પર ચોથો ઝટકો કેપ્ટન ડેવિડ વોર્નરના રૂપમાં લાગ્યો હતો, જે 41 બોલમાં 57 રનની ઇનિંગ રમીને પેવેલિયન પરત ફર્યો હતો. આ પછી દિલ્હીની ટીમને 110 અને 111ના સ્કોર પર મનીષ પાંડે અને અમન હાકિમ ખાનની વિકેટ ગુમાવી હતી.

111ના સ્કોર પર 6 વિકેટ ગુમાવી ચૂકેલી દિલ્હી કેપિટલ્સની ટીમ ફરી એકવાર દબાણમાં જોવા મળી હતી. પીચ પર હાજર અક્ષર પટેલે આ નિર્ણાયક સમયે ટીમ માટે 22 બોલમાં 19 રનની અણનમ ઇનિંગ રમીને લક્ષ્ય સુધી પહોંચવામાં મદદ કરી હતી.  કોલકાતા તરફથી આ મેચમાં વરુણ ચક્રવર્તી, અનુકુલ રોય અને કેપ્ટન નીતિશ રાણાએ 2-2 વિકેટ લીધી હતી.

ટીમે જેસન રોય 43 અને આન્દ્રે રસેલના બેટ પર 38 રનની અણનમ ઇનિંગ જોવા મળી હતી. આ સિવાય કોલકાતાની ટીમના 8 બેટ્સમેન બે આંકડાને પણ સ્પર્શી શક્યા નહોતા. કોલકાતાનો દાવ 20 ઓવરમાં 127 રન પર સમેટાઈ ગયો હતો. દિલ્હી તરફથી આ મેચમાં ઈશાંત શર્મા, એનરિક નોર્ખિયા, અક્ષર પટેલ અને કુલદીપ યાદવે 2-2 વિકેટ લીધી હતી.