IPL Live Streaming: ગુજરાત અને મુંબઇ વચ્ચે આજે ટક્કર, જાણો કેટલા વાગે ને ક્યાંથી જોઇ શકાશે લાઇવ મેચ ?
IPL 2023માં મુંબઈ ઈન્ડિયન્સની સફર આસાન નથી રહી. આ સિઝનમાં રોહિત શર્માની આગેવાની વાળી મુંબઇની ટીમે સતત 2 હાર સાથે શરૂઆત કરી હતી
Gujarat Titans vs Mumbai Indians Live Telecast: ઇન્ડિયન પ્રીમિયર લીગ 2023માં આજે (25 એપ્રિલ) ગુજરાત ટાઇટન્સ વિરુદ્ધ મુંબઈ ઈન્ડિયન્સની ટક્કર જોવા મળશે. આ મેચમાં રોહિત શર્માની મુંબઈ ફરી એકવાર જીતના પાટા પર ચઢી શકે છે. આજની મેચ આ સિઝનના પ્રથમ તબક્કાની છેલ્લી મેચ હશે. રોહિત શર્માની ટીમને છેલ્લી મેચમાં પંજાબ કિંગ્સ સામે 13 રનથી હારનો સામનો કરવો પડ્યો હતો. વળી, ગુજરાત ટાઇટન્સે તેની છેલ્લી મેચમાં લખનઉ સુપર જાયન્ટ્સ સામે 7 રને રોમાંચક જીત હાંસલ થઇ હતી. બંને ટીમો વચ્ચેની આ મેચમાં ક્લૉઝ ફાઈટ જોવા મળી શકે છે. જાણો આજની મેચ કેટલા વાગે ને કઇ ચેનલ પરથી જોઇ શકાશે લાઇવ ?
આસાની નથી રહ્યો આ સિઝનમાં મુંબઇનો સફર
IPL 2023માં મુંબઈ ઈન્ડિયન્સની સફર આસાન નથી રહી. આ સિઝનમાં રોહિત શર્માની આગેવાની વાળી મુંબઇની ટીમે સતત 2 હાર સાથે શરૂઆત કરી હતી. જોકે, ત્યારપછીની ત્રણ મેચમાં જીત મેળવાની ટીમે જોરદાર વાપસી કરી હતી. 22 એપ્રિલે પંજાબ સામેની મેચમાં મુંબઈની ટીમ જીતના પાટા પરથી ઉતરી ગઈ હતી. બીજીબાજુ ગુજરાત જાયન્ટ્સનું પ્રદર્શન આ વખતે પણ સારું રહ્યું છે. IPL 2023માં હાર્દિક પંડ્યાની ટીમ અત્યાર સુધી કુલ 6 મેચ રમી ચૂકી છે, જેમાંથી 4માં જીત અને 2માં હાર થઈ છે. જો પૉઈન્ટ ટેબલ પર નજર કરીએ તો ગુજરાતની ટીમ ચોથા નંબર પર છે અને મુંબઈ ઈન્ડિયન્સની ટીમ સાતમા નંબર પર છે.
ક્યારે રમાશે ગુજરાત ટાઇટન્સ - મુંબઇ ઇન્ડિયન્સ વચ્ચેની મેચ ?
ગુજરાત ટાઇટન્સ અને મુંબઇ ઇન્ડિયન્સ વચ્ચેની મેચ 25 એપ્રિલે રમાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. આજની મેચ ભારતીય સમયાનુસાર, સાંજે 7.30 વાગ્યાથી શરૂ થશે. મેચના અડધા કલાક પહેલા એટલે કે 7 વાગે ટૉસ થશે.
કઇ ચેનલ પરથી જોઇ શકાશે ગુજરાત ટાઇટન્સ અને મુંબઇ ઇન્ડિયન્સની મેચનું લાઇવ ટેલિકાસ્ટ ?
ગુજરાત ટાઇટન્સ અને મુંબઇ ઇન્ડિયન્સની વચ્ચે રમાનારી મેચનું લાઇવ ટેલિકાસ્ટ સ્ટાર સ્પૉર્ટ્સ નેટવર્કની જુદીજુદી ચેનલો પર જોઇ શકાશે. જેનુ પ્રસારણ અલગ અલગ ભાષાઓમાં થશે, આ ઉપરાંત જે યૂઝ્સની પાસે JIO CINEMA એપનુ સબ્સક્રિપ્શન છે, તે ઓનલાઇન સ્ટ્રીમિંગ દ્વારા પોતાના મોબાઇલ ફોન પર ફ્રીમાં મેચનો લાભ ઉઠાવી શકે છે.
ટ્રેન્ડિંગ સમાચાર
ટોપ સ્ટોરી
