IPL 2022: દિનેશ કાર્તિક અને રાહુલ તેવટિયામાં કોણ છે બેસ્ટ ફિનિશર? જાણો આંકડા શું કહે છે...
ધોની સિવાય, આ સમયે IPL 15માં બે અન્ય ફિનિશર્સ સૌથી વધુ ચર્ચામાં છે. આ બંને ખેલાડીઓએ પોતાની ફિનિશિંગ સ્ટાઈલથી બધાને ચોંકાવી દીધા છે.
IPL 2022: ધોની સિવાય, આ સમયે IPL 15માં બે અન્ય ફિનિશર્સ સૌથી વધુ ચર્ચામાં છે. આ બંને ખેલાડીઓએ પોતાની ફિનિશિંગ સ્ટાઈલથી બધાને ચોંકાવી દીધા છે. આ ખેલાડી છે ગુજરાત ટાઈટન્સનો રાહુલ તેવટિયા અને બેંગ્લોરનો દિનેશ કાર્તિક. રાહુલે આ સિઝનમાં ગુજરાતની સફળતામાં ઘણું યોગદાન આપ્યું છે. તેણે ઘણી રોમાંચક મેચોમાં ટીમને જીત અપાવી છે. સાથે જ દિનેશ કાર્તિકે પણ તેની ફિનિશિંગ કુશળતાથી ટીમ ઈન્ડિયામાં પસંદગી માટેનો પોતાનો દાવો મજબૂત કરી લીધો છે. તો ચાલો જાણીએ કયો ખેલાડી વધુ સારો છે.
દિનેશ કાર્તિકના આંકડા શું કહે છેઃ
આ સિઝનમાં દિનેશ કાર્તિકનું પ્રદર્શન ઘણું સારું રહ્યું છે. તેણે અત્યાર સુધી 11 મેચ રમી છે. આ દરમિયાન, તે 7 વખત અણનમ રહ્યો અને તેણે 61ની એવરેજ અને 189.15ના સ્ટ્રાઈક રેટથી 244 રન બનાવ્યા. આ દરમિયાન તેણે એક અર્ધશતક પણ લગાવ્યું છે. અણનમ 66 રન એ આ સિઝનમાં તેનો સર્વોચ્ચ સ્કોર રહ્યો છે. આ સિવાય તેણે આ સિઝનમાં કુલ 129 બોલનો સામનો કર્યો અને 20 ફોર અને 17 સિક્સર ફટકારી છે. તમને જાણીને નવાઈ લાગશે કે, તેના 244 રનમાંથી કાર્તિકે 182 રન તો ચોગ્ગા અને છગ્ગાની મદદથી બનાવ્યા છે.
તેવટિયાએ પણ સૌને ચોંકાવ્યાઃ
ગુજરાત માટે રાહુલ તેવટિયાનું પ્રદર્શન આ સિઝનમાં ઘણું સારું રહ્યું છે. તેણે આ સિઝનમાં 11 મેચમાં 150.78ની સ્ટ્રાઇકથી 193 રન બનાવ્યા છે. તેનો અણનમ 43 રનનો આ સિઝનનો સર્વોચ્ચ સ્કોર છે. આ દરમિયાન તેની એવરેજ 32.17 રહી છે. આ સિઝનમાં તે માત્ર ચાર મેચમાં નોટઆઉટ રહ્યો છે. આ પછી પણ તેણે ગુજરાતને ઘણી રોમાંચક જીત અપાવી છે.
છઠ્ઠા નંબર પર બેટિંગ કરી રહેલા તેવટિયાએ ઘણી મેચમાં ગુજરાતને જીત અપાવી છે. તેવટિયાએ બેંગ્લોર સામેની મેચમાં પણ આવું જ કર્યું હતું. તેવટિયા જ્યારે બેટિંગ કરવા આવ્યો ત્યારે ગુજરાતને જીતવા માટે 43 બોલમાં 76 રનની જરૂર હતી. તેવટિયાએ 25 બોલમાં 43 રનની અણનમ ઇનિંગ રમીને ગુજરાતને જીત અપાવી હતી. આ દરમિયાન તેવટિયાને ડેવિડ મિલર (24 બોલમાં 39 રન)નો સારો સાથ મળ્યો.
તે જ સમયે, હૈદરાબાદ સામેની મેચમાં 2 બોલમાં 2 સિક્સર ફટકારીને ગુજરાતને જીત તરફ દોરી જનાર રાશિદ ખાન મેચનો હીરો બન્યો હતો પરંતુ આપણે એ ન ભૂલવું જોઈએ કે નોન-સ્ટ્રાઈક પર તેવટિયા હતો તેણે 21 બોલમાં અણનમ 40 રન બનાવ્યા હતા. આ પહેલા તેવટિયાએ છેલ્લા બે બોલમાં બે સિક્સર ફટકારીને પંજાબ સામે જીત મેળવી હતી. તેવટિયાએ તે મેચમાં માત્ર 3 બોલમાં 13 રન બનાવ્યા હતા. આ આંકડાઓથી સ્પષ્ટ થાય છે કે રાહુલ તેવટિયા આ સિઝનમાં દિનેશ કાર્તિક કરતા વધુ સારો ફિનિશર છે.
ટોપ સ્ટોરી
ટ્રેન્ડિંગ સમાચાર
