IPL 2022 Final GT vs RR : ડેબ્યૂ સીઝનમાં ગુજરાત ટાઈટન્સે ઈતિહાસ રચ્ચો, રાજસ્થાનને હરાવી બન્યું ચેમ્પિયન
ઈન્ડિયન પ્રીમિયર લીગની 15મી સિઝનની ફાઈનલ મેચ આજે અમદાવાદના નરેન્દ્ર મોદી સ્ટેડિયમમાં રમાશે.
LIVE
Background
IPL 2022 Final Gujarat Titans vs Rajasthan Royals LIVE Updates: ઈન્ડિયન પ્રીમિયર લીગની 15મી સિઝનની ફાઈનલ મેચ આજે અમદાવાદના નરેન્દ્ર મોદી સ્ટેડિયમમાં રમાશે. ટાઇટલ મેચમાં હાર્દિક પંડ્યાની ગુજરાત ટાઇટન્સ અને સંજુ સેમસનની રાજસ્થાન રોયલ્સ સામસામે ટકરાશે. ટોસ સાંજે સાત વાગ્યે થશે અને ફાઇનલ મેચ સાંજે 7.30 વાગ્યે શરૂ થશે.
સમાપન સમારોહ 6.25 વાગ્યે શરૂ થશે
IPL 2022નો સમાપન સમારોહ સાંજે 6.25 વાગ્યે શરૂ થશે. તમે આ સમારોહને સ્ટાર સ્પોર્ટ્સ નેટવર્કની ચેનલો પર લાઈવ જોઈ શકો છો. તેનું લાઈવ સ્ટ્રીમિંગ Disney + Hot Star એપ પર પણ જોઈ શકાય છે. ઓસ્કાર વિજેતા સંગીતકાર એ.આર. રહેમાન અને બોલિવૂડ અભિનેતા રણવીર સિંહ આ સમાપન સમારોહનું ખાસ આકર્ષણ રહેશે. નીતિ મોહન પણ રહેમાન સાથે રિહર્સલ કરતી જોવા મળી છે. એટલે કે તે કલાકારોની યાદીમાં પણ સામેલ છે. બોલિવૂડ એક્ટ્રેસ ઉર્વશી રૌતેલા પણ અહીં ડાન્સ કરવા જઈ રહી છે. આ ઉપરાંત 10 રાજ્યોમાંથી લોક કલાકારો પણ આવશે જેઓ IPLની 10 ટીમોના રંગમાં રંગાઈ જશે. આ ઈવેન્ટમાં સેલિબ્રિટી અને તમામ કલાકારો સહિત કુલ 700 લોકો પરફોર્મ કરશે.
અનેક દિગ્ગજો હાજર રહેશે
BCCI પ્રમુખ સૌરવ ગાંગુલી, સેક્રેટરી જય શાહ, IPL અધ્યક્ષ બ્રજેશ પટેલ અને બોર્ડના અન્ય અધિકારીઓ સમાપન સમારોહથી મેચના અંત સુધી સ્ટેડિયમમાં હાજર રહેશે. સ્ટેડિયમમાં કેટલાક રાજકીય ચહેરાઓ પણ જોવા મળી શકે છે. ભૂતપૂર્વ ભારતીય કેપ્ટનોને પણ સ્ટેડિયમની મુલાકાત લેવા આમંત્રણ આપવામાં આવ્યું છે.
ગુજરાત ટાઇટન્સે રાજસ્થાન રોયલ્સને સાત વિકેટે હરાવ્યું
અમદાવાદના નરેન્દ્ર મોદી સ્ટેડિયમમાં રમાયેલી IPL 2022ની ફાઇનલ મેચમાં ગુજરાત ટાઇટન્સે રાજસ્થાન રોયલ્સને સાત વિકેટે હરાવ્યું હતું. રાજસ્થાને પ્રથમ બેટિંગ કરતા 20 ઓવરમાં 9 વિકેટે 130 રન બનાવ્યા હતા. જવાબમાં ગુજરાતે 18.1 ઓવરમાં માત્ર 2 વિકેટ ગુમાવીને લક્ષ્યનો પીછો કરી લીધો હતો. ગુજરાત તરફથી શુભમન ગિલે અણનમ 45 રનની મેચ વિનિંગ ઇનિંગ્સ રમી હતી. તે જ સમયે, મિલરે 19 બોલમાં અણનમ 32 રન બનાવ્યા હતા. ગુજરાત ડેબ્યૂ સિઝનમાં ટાઈટલ જીતનારી બીજી ટીમ બની ગઈ છે.
ગુજરાત ટાઈટન્સ જીત મેળવી
ગુજરાત ટાઈટન્સે ઈતિહાસ રચતા આઈપીએલ 2022નો ખિતાબ પોતાના નામે કર્યો છે. ફાઈનલ મેચમાં ગુજરાતની ટીમે રાજસ્થાનને હાર આપી છે. ગુજરાતની ટીમ તરફથી શુભમન ગિલ અને હાર્દિક પંડ્યાએ શાનદાર ઈનિંગ રમી હતી.
હાર્દિક પંડ્યા 34 રન બનાવી આઉટ
ગુજરાત ટાઈટન્સની ટીમનો મોટો ઝટકો લાગ્યો છે. યુજવેંદ્ર ચહલની બોલિંગમાં હાર્દિક પંડ્યા 34 રન બનાવી આઉટ થયો છે. ગુજરાતની ટીમે 14 ઓવરમાં 3 વિકેટ ગુમાવી 89 રન બનાવી લીધા છે.
હાર્દિક પંડ્યા અને શુભમન ગિલ રમતમાં
ગુજરાત ટાઈટન્સની ટીમે શાનદાર બેટિંગ કરતા 12 ઓવરમાં 2 વિકેટ ગુમાવીને 77 રન બનાવી લીધા છે. હાર્દિક પંડ્યા અને શુભમન ગિલ ખૂબ જ શાનદાર બેટિંગ કરતા 50 રનથી વધુની પાર્ટનરશીપ કરી છે.
શુભમન ગિલ અને હાર્દિક પંડ્યા રમતમાં
ગુજરાત ટાઈટન્સની ટીમે 5 ઓવરમાં 2 વિકેટ ગુમાવી 25 રન બનાવી લીધા છે. હાલ શુભમન ગિલ અને હાર્દિક પંડ્યા મેદાનમાં છે.
ટ્રેન્ડિંગ સમાચાર
ટોપ સ્ટોરી
