જીત છતાં હાર્દિક પંડ્યા કેમ ગભરાયો, ડ્રેસિંગ રૂમમાં સાથી ખેલાડીઓને ડરતાં ડરતાં શું કરી વાત, જાણો

પહેલીવાર આઇપીએલ રમી રહેલી ગુજરાત ટાઇટન્સની ટીમ આઇપીએલ 2022માં ટૉપ પર છે છતા કેપ્ટન હાર્દિક પંડ્યાને એક વાતનો ડર મનમા સતાવી રહ્યો છે. 

(પ્રતિકાત્મક તસવીર)

GT vs SRH: ગુજરાત ટાઇટન્સ આ વખતે તાબડતોડ બેટિંગ અને બૉલિંગ સાથે આઇપીએલની સિઝન 15માં ટૉપની ટીમ બની ચૂકી છે. આ વખતે ગુજરાતે પોતાના પરફોર્મન્સથી બધાનો ચોંકાવ્યા છે. પહેલીવાર આઇપીએલ રમી રહેલી ગુજરાત ટાઇટન્સની ટીમ આઇપીએલ 2022માં ટૉપ પર છે છતા કેપ્ટન હાર્દિક પંડ્યાને એક વાતનો ડર મનમા સતાવી રહ્યો છે. 

ગઇરાત્રે સનરાઇઝર્સ હૈદરાબાદ સામે છેલ્લી ઓવરના છેલ્લા બૉલ પર જીત મળવાથી ગુજરાત ટાઇટન્સની ટીમ અને ફ્રેન્ચાઇઝી ખુશ છે, પરંતુ મેચ બાદ ખુદ કેપ્ટન હાર્દિક પંડ્યાએ પોતાના મનમાં રહેલો ડર થતો કર્યો છે. હૈદરાબાદ સામે કેપ્ટન હાર્દિક પંડ્યા ફરી એકવાર નિષ્ફળ ગયો હતો, તે 6 બૉલમાં 2 ચોગ્ગા સાથે 10 રન જ બનાવી શક્યો હતો. 

મેચ બાદ ડ્રેસિંગ રૂમમાં તમામ ખેલાડીઓની વચ્ચે હાર્દિકે કબુલ્યુ, તેને કહ્યું- ભગવાન આપણને કહી રહ્યાં છે કે તમે લોકો સારા છો, હું તમારી મદદ કરીશ, અંતિમ ક્ષણોમાં જીત મળવી ઘણીવાર થઇ ચૂક્યુ છે, અને આવામાં મને ડર છે કે નૉકઆઉટ મેચોમાં આપણી કિસ્મત ગચ્ચા ના આપી દે, સાથ ના છોડી દે. જોકે, અત્યાર સુધી આઇપીએલમાં હાર્દિક પંડ્યાની ટીમની સફળ શાનદાર રહી છે. 

રાશિદ ખાને છેલ્લા બોલ પર સિક્સર મારીને મેચ ફિનીશ કરી-
ગુજરાતની છેલ્લી ઓવરના છેલ્લા બોલ પર શાનદાર જીત થઈ. રાશિદ ખાને છેલ્લા બોલ પર સિક્સર મારીને મેચ ફિનીશ કરી હતી. છેલ્લી ઓવરમાં રાહુલ તેવટીયા અને રાશિદ ખાને 4 સિક્સર ફટકારીને ગુજરાતને જીત અપાવી હતી. 

રાશિદ ખાને 11 બૉલમાં અણનમ 31 રન ફટકાર્યા હતા, જેમાં 4 છગ્ગા સામેલ હતા. જ્યારે રાહુલ તેવટિયાએ 21 બૉલમાં અણનમ 40 રનની ઇનિંગ રમી હતી. બન્ને વચ્ચે 24 બૉલમાં 59 રનની મેચ વિનિંગ પાર્ટનરશીપ થઇ હતી. 

આ પણ વાંચો......