MI vs SRH: હૈદરાબાદે 3 રનથી મુંબઈને હરાવ્યુ, SRHની પ્લેઓફમાં પહોંચવાની આશા જીવંત
આ મેચમાં મુંબઈને 3 રને હારનો સામનો કરવો પડ્યો હતો. સનરાઇઝર્સ હૈદરાબાદે આ મેચ જીતીને પોતાની પ્લેઓફની આશા જીવંત રાખી છે.
Mumbai Indians vs Sunrisers Hyderabad: આઈપીએલ 2022ની 65મી મેચમાં મુંબઈ ઈન્ડિયન્સનો સામનો સનરાઈઝર્સ હૈદરાબાદ સામે થયો હતો. આ મેચમાં મુંબઈને 3 રને હારનો સામનો કરવો પડ્યો હતો. સનરાઇઝર્સ હૈદરાબાદે આ મેચ જીતીને પોતાની પ્લેઓફની આશા જીવંત રાખી છે. આ સાથે મુંબઈ આ સિઝનમાં કુલ 12માંથી 9 મેચ હાર્યું છે અને 3 મેચ જીત્યું છે.
મુંબઈના બેટ્સમેનોએ પણ તાકાત બતાવીઃ
194 રનના લક્ષ્યનો પીછો કરતા મુંબઈની શરૂઆત સારી રહી હતી. આ દરમિયાન રોહિત શર્મા અને ઈશાન કિશને પ્રથમ વિકેટ માટે 95 રનની ભાગીદારી કરી હતી. જો કે આ મેચમાં પણ અડધી સદીની નજીક આવ્યા બાદ રોહિત ફિફ્ટી બનાવી શક્યો ન હતો અને 48 રન બનાવીને આઉટ થયો હતો. સુંદરે તેને પોતાનો શિકાર બનાવ્યો. તેના આઉટ થયા બાદ ઈશાન કિશન પણ 43 રન બનાવીને આઉટ થયો હતો. ઈશાનને ફાસ્ટ બોલર ઉમરાન મલિકે આઉટ કર્યો હતો.
તેના આઉટ થયા પછી, સેમ્સ અને તિલક વર્મા પણ વધુ રન નહોતા બનાવી શક્યા અને જલ્દી જ આઉટ થઈ ગયા હતા. સેમ્સે 15 અને તિલકે 8 રન બનાવ્યા હતા. આ બંનેની વિકેટ પણ ઉમરાન મલિકે લીધી હતી. તેમના આઉટ થયા પછી, ટિમ ડેવિડ અને ટ્રિસ્ટન સ્ટબ્સે સ્કોર આગળ વધાર્યો. બંનેએ 17 રનની ભાગીદારી કરી હતી. જોકે આ દરમિયાન ટ્રિસ્ટન સ્ટબ્સ 2 રન બનાવીને આઉટ થયો હતો. તેના આઉટ થયા બાદ પણ ટિમ ડેવિડ પર તેની કોઈ અસર થઈ ન હતી અને તેણે ટીમનો સ્કોર આગળ વધાર્યો હતો. તેણે 18 બોલમાં 46 રનની તોફાની ઇનિંગ રમી હતી.
હૈદરાબાદે મજબૂત સ્કોર બનાવ્યોઃ
રાહુલ ત્રિપાઠી (76) અને નિકોલસ પૂરન (38)ની વિસ્ફોટક ઈનિંગ્સના કારણે, વાનખેડે સ્ટેડિયમમાં IPL 2022ની મેચમાં સનરાઈઝર્સ હૈદરાબાદે મુંબઈ ઈન્ડિયન્સને 194 રનનો લક્ષ્યાંક આપ્યો હતો. હૈદરાબાદે 20 ઓવરમાં 6 વિકેટ ગુમાવીને 193 રન બનાવ્યા હતા. ટીમ માટે પ્રિયમ ગર્ગ અને રાહુલ ત્રિપાઠીએ 43 બોલમાં 78 રનની શાનદાર ભાગીદારી નોંધાવી હતી.
ટ્રેન્ડિંગ સમાચાર
ટોપ સ્ટોરી
