(Source: ECI/ABP News/ABP Majha)
LSG vs SRH: આજે લખનઉ સુપર જાયન્ટ્સ અને સનરાઇઝર્સ હૈદરાબાદ વચ્ચે ટક્કર, જાણો બંન્ને ટીમોની સંભવિત પ્લેઇંગ ઇલેવન ?
IPL 2023માં લખનઉની આ ત્રીજી મેચ હશે. આ ટીમે પોતાની પ્રથમ મેચ જીતી હતી જ્યારે બીજી મેચમાં તેને હારનો સામનો કરવો પડ્યો હતો
LSG vs SRH Match Preview: IPL 2023માં આજે (7 એપ્રિલ) લખનઉ સુપર જાયન્ટ્સ (LSG) અને સનરાઇઝર્સ હૈદરાબાદ વચ્ચે મેચ રમાશે. લખનઉના અટલ બિહારી વાજપેયી એકના ક્રિકેટ સ્ટેડિયમમાં બંને ટીમો આમને-સામને થશે. આ પહેલા બંને ટીમો વચ્ચે માત્ર એક જ મેચ રમાઈ છે. IPL 2022માં રમાયેલી આ મેચમાં લખનઉની ટીમે હૈદરાબાદને 12 રને હરાવ્યું હતું.
Time to 𝐫𝐢𝐬𝐞 to the challenge and earn those 2️⃣ points (& the Biryani bragging rights) tonight 👊😋#LSGvSRH | #IPL2023 | #LucknowSuperGiants | #LSG | #GazabAndaz pic.twitter.com/MDWZccaYgF
— Lucknow Super Giants (@LucknowIPL) April 7, 2023
IPL 2023માં લખનઉની આ ત્રીજી મેચ હશે. આ ટીમે પોતાની પ્રથમ મેચ જીતી હતી જ્યારે બીજી મેચમાં તેને હારનો સામનો કરવો પડ્યો હતો. બીજી તરફ સનરાઇઝર્સ હૈદરાબાદને તેની પ્રથમ મેચમાં કારમી હારનો સામનો કરવો પડ્યો હતો.
આઈપીએલની આ સીઝનમાં અત્યાર સુધી જ્યાં અન્ય પીચો પર ટોસ જીતનારી ટીમ પ્રથમ બોલિંગ કરવાનું પસંદ કરી રહી છે, લખનઉમાં તેનાથી વિપરીત થઈ શકે છે. ટોસ જીત્યા બાદ પહેલા બેટિંગ કરવી અહીં ફાયદાકારક સાબિત થઈ શકે છે. આ મેદાન પર અત્યાર સુધી રમાયેલી 31 T20 મેચોમાં પ્રથમ બેટિંગ કરનારી ટીમ 17 વખત જીતી છે. ફાસ્ટ બોલરો કરતાં સ્પિનરો અહીં વધુ અસરકારક છે. આ મેદાન પર ઝડપી બોલરોનો ઈકોનોમી રેટ 7.87 છે જ્યારે સ્પિનરોનો ઈકોનોમી રેટ 6.49 છે.
બંને ટીમોની લાઇન-અપ પર નજર કરીએ તો સનરાઇઝર્સ હૈદરાબાદની ટીમ થોડી મજબૂત લાગી રહી છે. SRH પાસે બેટિંગ, સ્પિન અને ફાસ્ટ બોલિંગ અને ઓલરાઉન્ડરનું વધુ સારું સંતુલન છે. જો કે છેલ્લી મેચમાં આ ટીમને ખરાબ રીતે હારનો સામનો કરવો પડ્યો હતો. બીજી તરફ, લખનઉ પણ શાનદાર ટીમ છે અને આ ટીમે પણ છેલ્લી બે મેચમાં શાનદાર રમત બતાવી છે. આવી સ્થિતિમાં આ મેચમાં કોણ પ્રભુત્વ જમાવશે તે કહેવું મુશ્કેલ છે. આ મેચમાં જોરદાર ટક્કર જોવા મળશે.
મેચ ક્યારે અને ક્યાં જોવી?
LSG અને SRH વચ્ચેની આ મેચ આજે (7 એપ્રિલ) સાંજે 7.30 વાગ્યે શરૂ થશે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની વિવિધ ચેનલો પર વિવિધ ભાષાઓમાં કરવામાં આવશે. Jio સિનેમા એપ પર લાઈવ સ્ટ્રીમિંગ ઉપલબ્ધ થશે.
બંને ટીમોની સંભવિત પ્લેઇંગ-11
લખનઉ
કેએલ રાહુલ, કાયલ મેયર્સ, દીપક હુડા, ક્વિન્ટન ડિકોક, નિકોલસ પૂરન, આયુષ બદોની, કૃણાલ પંડ્યા, કૃષ્ણપ્પા ગૌતમ, અવેશ ખાન, રવિ બિશ્નોઈ, માર્ક વુડ.
હૈદરાબાદ
અભિષેક શર્મા, મયંક અગ્રવાલ, રાહુલ ત્રિપાઠી, એડન માર્કરામ , હેરી બ્રુક, હેનરિક ક્લાસેન, અબ્દુલ સમદ, વોશિંગ્ટન સુંદર, આદિલ રાશિદ, ભુવનેશ્વર કુમાર, ઉમરાન મલિક, ટી નટરાજન.
ટ્રેન્ડિંગ સમાચાર
ટોપ સ્ટોરી
