IPL 2024 Qualifier 1 Live: કોલકાતાએ હૈદરાબાદને હરાવી ફાઇનલમાં પહોંચ્યું, શ્રેયસ-વેંકટેશે અણનમ અડધી સદી ફટકારી
નરેન્દ્ર મોદી સ્ટેડિયમની પીચ સામાન્ય રીતે બેટિંગ માટે સારી માનવામાં આવે છે. IPL 2024માં પણ આ મેદાન પર રનનો ભારે વરસાદ થયો છે. આવી સ્થિતિમાં, SRH vs KKR ક્વોલિફાયર 1 મેચમાં રનનો ભારે વરસાદ થઈ શકે છે
LIVE
Background
IPL 2024: સિઝનની પ્રથમ ક્વોલિફાયર મેચ 21 મેના રોજ અમદાવાદના નરેન્દ્ર મોદી સ્ટેડિયમમાં રમાશે. પોઈન્ટ ટેબલમાં ટોપ-2માં રહેલી કોલકાતા નાઈટ રાઈડર્સ (KKR) અને સનરાઈઝર્સ હૈદરાબાદ (SRH) આ મેચમાં સામસામે ટકરાશે. એક તરફ, KKRએ 20 પોઈન્ટ મેળવીને પ્લેઓફમાં જગ્યા બનાવી, બીજી તરફ, SRH 17 પોઈન્ટ મેળવીને ટેબલમાં બીજા સ્થાને રહી. આ બંને ટીમો માટે હોમ ગ્રાઉન્ડ નહીં હોય, તેથી IPL 2024 ની પ્રથમ ક્વોલિફાયર મેચમાં પિચની સ્થિતિ કેવી હશે તે અંગે પ્રશ્નો ઉભા થવાના છે.
કેવી હશે પીચની હાલત?
નરેન્દ્ર મોદી સ્ટેડિયમની પીચ સામાન્ય રીતે બેટિંગ માટે સારી માનવામાં આવે છે. IPL 2024માં પણ આ મેદાન પર રનનો ભારે વરસાદ થયો છે. આવી સ્થિતિમાં, SRH vs KKR ક્વોલિફાયર 1 મેચમાં રનનો ભારે વરસાદ થઈ શકે છે. પરંતુ આ પીચ પણ ફાસ્ટ બોલરો માટે ખાસ મદદરૂપ રહી છે. જો છેલ્લી પાંચ મેચની વાત કરીએ તો પીછો કરતી ટીમ દરેક વખતે વિજયી રહી છે. તેથી, ક્વોલિફાયર મેચમાં ટોસ જીતનારી ટીમ પહેલા બોલિંગ કરવાનું પસંદ કરી શકે છે.
સનરાઇઝર્સ હૈદરાબાદને જબરદસ્ત ફાયદો થશે
2023 ODI ક્રિકેટ વર્લ્ડ કપની ફાઈનલ ભારત અને ઓસ્ટ્રેલિયા વચ્ચે નરેન્દ્ર મોદી સ્ટેડિયમમાં રમાઈ હતી. ભારત પહેલા રમતા 240 રન બનાવી શક્યું હતું, જ્યારે ઓસ્ટ્રેલિયાની ટીમ મુશ્કેલીમાં હતી ત્યારે આ જ મેદાન પર ટ્રેવિસ હેડે 120 બોલમાં 137 રન બનાવીને ઓસ્ટ્રેલિયાને વર્લ્ડ ચેમ્પિયન બનાવ્યું હતું. બીજું, તેનું બેટ IPL 2024માં ઘણા રન બનાવી રહ્યું છે. હેડે આ સિઝનમાં અત્યાર સુધી 12 મેચમાં એક સદી અને ચાર અડધી સદી ફટકારીને 533 રન બનાવ્યા છે.
બીજી તરફ જો પેટ કમિન્સની વાત કરીએ તો તેણે વર્લ્ડ કપની ફાઈનલ મેચમાં 10 ઓવર ફેંકી હતી, જેમાં તેણે માત્ર 34 રન આપીને 2 મહત્વની વિકેટ ઝડપી હતી. જ્યારે SRH એ IPL 2024માં નરેન્દ્ર મોદી સ્ટેડિયમમાં મેચ રમી હતી ત્યારે પણ કમિન્સે 4 ઓવરમાં માત્ર 28 રન આપીને 1 વિકેટ લીધી હતી. નરેન્દ્ર મોદી સ્ટેડિયમની પીચ બેટ્સમેન માટે મદદરૂપ હોવાથી SRHના તોફાની બેટ્સમેનો આ વખતે જોરદાર સ્કોર બનાવી શકે છે.
કોલકાતાએ ક્વોલિફાયર મેચમાં હૈદરાબાદને 8 વિકેટથી હરાવ્યું
કોલકાતાએ ક્વોલિફાયર મેચમાં હૈદરાબાદને 8 વિકેટથી હરાવી ફાઇનલમાં પ્રવેશ મેળવ્યો હતો. 160 રનના ટાર્ગેટને કોલકાતાએ 13.4 ઓવરમાં જ હાંસલ કર્યો હતો. વેંકટેશ અય્યર 51 રન અને શ્રેયસ અય્યર 58 રન બનાવી નોટ આઉટ રહ્યા હતા. સનરાઈઝર્સ તરફથી ટી નટરાજન અને પેટ કમિંસને એક-એક વિકેટ મળી હતી.
🥁 We have our first FINALIST of the season 🥳
— IndianPremierLeague (@IPL) May 21, 2024
𝗞𝗼𝗹𝗸𝗮𝘁𝗮 𝗞𝗻𝗶𝗴𝗵𝘁 𝗥𝗶𝗱𝗲𝗿𝘀 💜 are one step closer to the ultimate dream 🏆
Scorecard ▶️ https://t.co/U9jiBAlyXF#TATAIPL | #KKRvSRH | #Qualifier1 | #TheFinalCall pic.twitter.com/JlnllppWJU
વેંકટેશ અય્યરે અડધી સદી ફટકારી
વેંકટેશ અય્યરે માત્ર 28 બોલમાં 5 ચોગ્ગા અને 4 છગ્ગાની મદદથી અડધી સદી ફટકારી છે. જ્યારે શ્રેયસ અય્યર 20 બોલમાં 36 રન બનાવીને રમતમાં છે. તેણે 4 ફોર અને 1 સિક્સ ફટકારી છે. KKRને જીતવા માટે માત્ર 18 રનની જરૂર છે.
કોલકાતા નાઈટ રાઈડર્સ 100 રનને પાર
10 ઓવરના અંતે કોલકાતા નાઇટરાઇડર્સનો સ્કોર 2 વિકેટના નુકસાન પર 107 રન છે. વેંકટેશ અય્યર 38 રને અને શ્રેયસ અય્યર 14 રને રમતમાં છે.
કોલકાતા નાઈટ રાઈડર્સનો સ્કોર 85/2
8 ઓવર પછી કોલકાતા નાઈટ રાઈડર્સનો સ્કોર બે વિકેટે 85 રન છે. વેંકટેશ અય્યર 14 બોલમાં 26 રન બનાવીને રમતમાં છે. તેણે 3 ફોર અને 2 સિક્સર ફટકારી છે. શ્રેયસ અય્યર પણ ચાર બોલમાં ચાર રન પર છે. હવે KKRને 72 બોલમાં જીતવા માટે માત્ર 75 રન બનાવવાના છે.
કોલકાતા નાઈટ રાઈડર્સ 50 રનને પાર
5 ઓવરના અંતે કોલકાતા નાઇટ રાઇડર્સનો સ્કોર 1 વિકેટના નુકસાન પર 57 રન છે. સુનીલ નારાયણ 12 રને અને વેંકટેશ ઐયર 12 રને રમતમાં છે.
ટ્રેન્ડિંગ સમાચાર
ટોપ સ્ટોરી
