IPL 2024: સનરાઇઝર્સ હૈદરાબાદનો મોટો નિર્ણય, પેટ કમિન્સને બનાવ્યો નવો કેપ્ટન

SRH Captain For IPL 2024: કમિન્સ આઈપીએલ ઈતિહાસનો બીજો સૌથી મોંઘો ખેલાડી બન્યો હતો

ફોટોઃ ઇન્સ્ટાગ્રામ

SRH Captain For IPL 2024: IPL 2024 પહેલા સનરાઇઝર્સ હૈદરાબાદે પેટ કમિન્સને નવો કેપ્ટન બનાવ્યો છે. ફ્રેન્ચાઇઝીએ છેલ્લી સીઝન એટલે કે 2023માં ચાર્જ સંભાળનાર એડન માર્કરામને હટાવી દીધો છે. આઈપીએલ 2024 માટે યોજાયેલી મીની હરાજીમાં કમિન્સને હૈદરાબાદે રૂ. 20.50 કરોડની કિંમતે ખરીદ્યો હતો. કમિન્સ આઈપીએલ ઈતિહાસમાં વેચાયેલો બીજો સૌથી મોંઘો ખેલાડી બન્યો હતો.

#OrangeArmy! Our new skipper Pat Cummins 🧡#IPL2024 pic.twitter.com/ODNY9pdlEf

— SunRisers Hyderabad (@SunRisers) March 4, 2024

સનરાઇઝર્સ હૈદરાબાદે કમિન્સને હવે નવી જવાબદારી સોંપી છે અને તેને 22 માર્ચથી શરૂ થનારી IPL 2024 માટે કેપ્ટન બનાવ્યો છે. સનરાઇઝર્સ હૈદરાબાદે સોશિયલ મીડિયા દ્વારા નવા કેપ્ટનની જાહેરાત કરી હતી. હૈદરાબાદે સોશિયલ મીડિયા પર પોસ્ટ કરી અને લખ્યું, "અમારો નવો કેપ્ટન પેટ કમિન્સ."

હૈદરાબાદનું પ્રદર્શન ગત સીઝનમાં સૌથી ખરાબ રહ્યું હતું

નોંધનીય છે કે સનરાઈઝર્સ હૈદરાબાદે આઈપીએલ 2023માં એડન માર્કરામની કેપ્ટનશીપમાં રમતા ખૂબ જ ખરાબ પ્રદર્શન કર્યું હતું. માર્કરામની કેપ્ટનશીપમાં ટીમ 14 લીગ મેચમાંથી માત્ર 4 જ જીતી શકી હતી. ટીમ પોઈન્ટ ટેબલમાં સૌથી નીચે એટલે કે 10મા ક્રમે હતી. ગત સીઝનના ખરાબ પ્રદર્શનને ધ્યાનમાં રાખીને ટીમ મેનેજમેન્ટે આ ફેરફાર કર્યો છે. કમિન્સ અત્યારે સૌથી સફળ કેપ્ટનોમાંથી એક છે. તેની કેપ્ટનશીપમાં ઓસ્ટ્રેલિયા વર્લ્ડ કપ 2023માં ચેમ્પિયન બન્યું હતું.

શું કમિન્સ હૈદરાબાદનું નસીબ બદલી શકશે?

તેની કેપ્ટનશીપમાં કમિન્સે ODI વર્લ્ડ કપ 2023 પહેલા વર્લ્ડ ટેસ્ટ ચેમ્પિયનશિપની ફાઈનલ જીતીને ઓસ્ટ્રેલિયાને ટેસ્ટ ચેમ્પિયન બનાવ્યું હતું. આવી સ્થિતિમાં ચાહકોને આશા હશે કે આ વખતે કમિન્સ તેની કેપ્ટનશિપમાં હૈદરાબાદને ચેમ્પિયન બનાવશે. હવે એ જોવાનું રસપ્રદ રહેશે કે હૈદરાબાદ કમિન્સની કેપ્ટનશીપમાં શું કરી શકે છે. 

ફ્રેન્કલિન નવા બોલિંગ કોચ બન્યા

બીજી તરફ, દક્ષિણ આફ્રિકાના દિગ્ગજ ઝડપી બોલર ડેલ સ્ટેન આગામી આઈપીએલ સીઝન માટે સનરાઈઝર્સ હૈદરાબાદના સપોર્ટ સ્ટાફનો ભાગ નહીં હોય. આવી સ્થિતિમાં, ફ્રેન્ચાઇઝીએ ન્યૂઝીલેન્ડના ભૂતપૂર્વ ઓલરાઉન્ડર જેમ્સ ફ્રેન્કલિનને તેની ટીમના ઝડપી બોલિંગ કોચ તરીકે નિયુક્ત કર્યા છે. સ્ટેન વર્ષ 2022માં બોલિંગ કોચ તરીકે ટીમ સાથે જોડાયો હતો. સ્ટેઈન એક ખેલાડી તરીકે સનરાઈઝર્સ હૈદરાબાદનો પણ ભાગ રહ્યો છે.