IPL Media Rights: BCCIને થશે ધરખમ આવક, પાછલા પાંચ વર્ષની કમાણી કરતાં વધારે રકમની તો માત્ર ડિજિટલની બોલી લાગી
આઈપીએલના મીડિયા રાઈટ્સ ખરીદનાર કંપનીનું નામ BCCI દ્વારા હજુ સુધી જાહેર કરવામાં આવ્યું નથી.
IPL Media Rights: BCCIને ઈન્ડિયન પ્રીમિયર લીગના 2023 થી 2027 સમયગાળા માટે મીડિયા અધિકારોની હરાજીમાંથી મોટો નફો થઈ રહ્યો છે. આગામી પાંચ વર્ષના માત્ર ડિજિટલ અધિકારોની હરાજીથી, BCCI રૂ. 19,680 કરોડની કમાણી કરશે. આ આંકડો છેલ્લા પાંચ વર્ષની તમામ કેટેગરીની કુલ આવક કરતાં વધુ છે. 2017 થી 2022 સમયગાળા માટે BCCI દ્વારા મીડિયા અધિકારો રૂ. 16,347.50 કરોડમાં વેચવામાં આવ્યા હતા.
પરંતુ આઈપીએલની બ્રાન્ડ વેલ્યુ વધવાની સાથે બીસીસીઆઈની કમાણીમાં પણ મોટો વધારો થયો છે. BCCI આગામી સમયગાળા માટે ટીવી અને ડિજિટલ અધિકારોની હરાજીમાંથી રૂ. 43,050 કરોડની કમાણી થવાની શક્યતા છે. કેટેગરી C અને Dની હરાજીની પ્રક્રિયા પૂર્ણ થયા બાદ IPL મીડિયા રાઇટ્સનો કમાણીનો આંકડો 50 હજાર કરોડને પણ પાર કરી શકે છે.
કમાણીમાં ધરખમ વધારો
જોકે, આઈપીએલના મીડિયા રાઈટ્સ ખરીદનાર કંપનીનું નામ BCCI દ્વારા હજુ સુધી જાહેર કરવામાં આવ્યું નથી. તે સ્પષ્ટ થઈ ગયું છે કે ટીવી અધિકારોની હરાજીથી BCCIને 23,370 કરોડ રૂપિયાની કમાણી થઈ છે. તે જ સમયે, ડિજિટલ અધિકારોની હરાજીથી 19,680 કરોડ રૂપિયાની કમાણી થઈ છે. જો ટીવી રાઇટ્સ ખરીદનારી કંપની ડિજિટલ રાઇટ્સ પર પણ દાવ લગાવે તો BCCIની કમાણી વધી શકે છે.
છેલ્લી સાઈકલમાં BCCI ટીવી અને ડિજિટલ અધિકારોથી પ્રતિ મેચ 55 કરોડ રૂપિયા કમાતી હતી. પરંતુ નવી સાઈકલમાં, BCCI IPLના મીડિયા અધિકારોથી પ્રતિ મેચ રૂ. 105 કરોડથી વધુ કમાણી કરી શકશે. આઈપીએલના મીડિયા અધિકારો મેળવનાર કંપનીઓના નામ સોમવાર સાંજ અથવા મંગળવાર સવાર સુધીમાં જાહેર થઈ શકે છે.
ચાર અલગ અલગ પેકેજો શું છે?
અગાઉ મીડિયા અધિકારો એકસાથે વેચવામાં આવતા હતા. ટીવીથી લઈને ડિજિટલ રાઈટ્સ પણ તેમાં હાજર હતા. ડિજિટલ મીડિયાના ઉદય સાથે, બીસીસીઆઈએ નિર્ણય લીધો છે કે એક પેકેજને બદલે, ચાર અલગ-અલગ પેકેજમાં રાઈટ્સ વેચવામાં આવશે. તેનાથી બોર્ડને કરોડોનો ફાયદો થશે.
ટ્રેન્ડિંગ સમાચાર
ટોપ સ્ટોરી
