KKR vs LSG: ક્વિન્ટન ડિકોક અને કેએલ રાહુલે રચ્યો ઇતિહાસ, IPLના ઇતિહાસની સૌથી મોટી ઓપનિંગ પાર્ટનરશીપ કરી
લખનઉએ એકપણ વિકેટ ગુમાવ્યા વિના 20 ઓવરમાં 210 રન બનાવ્યા હતા
Quinton de Kock And KL Rahul Create History: ઇન્ડિયન પ્રિમિયર લીગ 2022 ની 66મી મેચ આજે કોલકાતા નાઈટ રાઈડર્સ અને લખનઉ સુપર જાયન્ટ્સ વચ્ચે ડીવાય પાટિલ સ્ટેડિયમમાં રમાઈ રહી છે. લખનઉના કેપ્ટન કેએલ રાહુલે ટોસ જીતીને પ્રથમ બેટિંગ કરવાનો નિર્ણય લીધો છે. પ્રથમ બેટિંગ કરતા લખનઉએ એકપણ વિકેટ ગુમાવ્યા વિના 20 ઓવરમાં 210 રન બનાવ્યા હતા. ઓપનર ક્વિન્ટન ડી કોકે 70 બોલમાં 140 અને કેએલ રાહુલે 51 બોલમાં 68 રન ફટકાર્યા હતા. આઇપીએલમાં પ્રથમ વખત કોઈ ટીમે એકપણ વિકેટ ગુમાવ્યા વિના 20 ઓવર બેટિંગ કરી છે.
આઈપીએલના ઈતિહાસમાં આ સૌથી મોટી ઓપનિંગ ભાગીદારી છે. IPLના ઈતિહાસમાં પ્રથમ વખત 200થી વધુ રનની ઓપનિંગ ભાગીદારી થઈ છે. આ પહેલા જોની બેરસ્ટો અને ડેવિડ વોર્નર વચ્ચે 185 રનની ઓપનિંગ પાર્ટનરશિપ થઈ હતી, જ્યારે ગૌતમ ગંભીર અને ક્રિસ લિન વચ્ચે અણનમ 184 રનની ભાગીદારી થઈ હતી. આ સિવાય તે કોઈપણ વિકેટ માટે ત્રીજી સૌથી મોટી ભાગીદારી છે. આ પહેલા વિરાટ કોહલી અને એબી ડી વિલિયર્સ વચ્ચે અણનમ 215 રનની અને કોહલી અને ડી વિલિયર્સ વચ્ચે 229 રનની ભાગીદારી નોંધાઈ ચુકી છે.
સૌથી મોટી ઓપનિંગ ભાગીદારી
કેએલ રાહુલ અને ક્વિન્ટન ડિકોકઃ 210
જોની બેયરસ્ટો અને ડેવિડ વોર્નર: 185
ગૌતમ ગંભીર અને ક્રિસ લિન: 184
કેએલ રાહુલ અને મયંક અગ્રવાલઃ 183
રૂતુરાજ ગાયકવાડ અને ડેવોન કોનવે: 182
શેન વોટસન અને ફાફ ડુ પ્લેસિસ: 181
IPLમાં કોઈપણ વિકેટ માટે સૌથી મોટી ભાગીદારી
229 કોહલી- ડિવિલિયર્સ, RCB વિરુદ્ધ GL, બેંગ્લોર- 2016
215, કોહલી - ડિવિલિયર્સ, RCB વિરુદ્ધ MI, મુંબઈ- 2015
210 કેએલ રાહુલ – ક્વિન્ટન ડિકોક, લખનઉ વિરુદ્ધ કેકેઆર, મુંબઈ - 2022
LIC Listing Update: LIC નું નબળું લિસ્ટિંગ કેમ થયું? સરકારે આપ્યું આ કારણ.....
ટ્રેન્ડિંગ સમાચાર
ટોપ સ્ટોરી
and tablets
