IPL 2022: કેએલ રાહુલના નામે નોંધાયો આ ખાસ રેકોર્ડ, કોહલી અને ધવનના રેકોર્ડની કરી બરોબરી

આ મેચમાં લખનઉના કેપ્ટન કેએલ રાહુલે એક ખાસ રેકોર્ડ પોતાના નામે કર્યો હતો

ફોટોઃ IPL

IPL Record: ઇન્ડિયન પ્રિમિયર લીગ 2022માં કોલકાતા નાઈટ રાઈડર્સ સામેની મેચમાં લખનઉ સુપર જાયન્ટ્સે ઇતિહાસ રચી દીધો છે. કેપ્ટન કેએલ રાહુલે ટોસ જીતીને પ્રથમ બેટિંગ કરવાનો નિર્ણય લીધો છે. લખનઉ સુપર જાયન્ટ્સના ઓપનરોએ એવો રેકોર્ડ બનાવ્યો જે ક્યારેય બન્યો નથી. ક્વિન્ટન ડી કોક અને કેએલ રાહુલે તોફાની બેટિંગ કરી હતી અને 20 ઓવરમાં 210 રન ફટકાર્યા હતા.

પ્રથમ બેટિંગ કરતા લખનઉ સુપર જાયન્ટ્સે 210 રન બનાવ્યા હતા. આ ઇનિંગમાં ક્વિન્ટન ડી કોકે 140 રન ફટકાર્યા હતા જ્યારે કેપ્ટન કેએલ રાહુલે 68 રનની અણનમ ઇનિંગ રમી હતી. બંને વચ્ચે 210 રનની ભાગીદારી નોંધાઈ હતી, જે આઈપીએલમાં ઈતિહાસ છે.

આ મેચમાં લખનઉના કેપ્ટન કેએલ રાહુલે એક ખાસ રેકોર્ડ પોતાના નામે કર્યો હતો. કેએલ રાહુલે આઈપીએલની આ સિઝનમાં કોલકાતા નાઈટ રાઈડર્સ સામેની મેચમાં 31મો રન બનાવ્યો આ સાથે જ તેણે આ સીઝનમાં 500 રન પૂરા કર્યા હતા. આ સાથે તે IPLની સતત 5 સિઝનમાં 500 પ્લસ રન બનાવનાર બેટ્સમેન બની ગયો છે. આ મામલે તેણે વિરાટ કોહલી અને શિખર ધવનના રેકોર્ડની બરોબરી કરી લીધી છે. જોકે IPLમાં 500થી વધુ રન બનાવવાનો રેકોર્ડ ડેવિડ વોર્નરના નામે છે. તેણે સતત 6 સિઝનમાં 500થી વધુ રન બનાવ્યા છે.

IPLમાં KL રાહુલના 500થી  વધુ રન

IPL 2018: 659 રન

IPL 2019: 593 રન

IPL 2020: 670 રન

IPL 2021: 626 રન

IPL 2022: 537 રન